#رواية بنت التونسية لكاتبه🌺 najah_alhaj (مكتملة)💚

31

(روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_31
~~~~~~~~~~~~~~~~~~~~~~~~~~
لايكاتكم قبل ماتقروا
..................
ولعت السيارة ووصلت للحوش منهاره ه الاخر
خشيت جري لاختي ريما حضنتها وبكيت بكيت ع حبي ع ثقتي فيه ع الغدر من اقرب الناس ...علي جزء مني مات.....
ريما_شن صار حق كلامها البنت..
انت_حق ياريما..حق وربا معاهم
ريما_خزيي عليهم...
بعدت عليها ومديتلها التليفون وفتحتهلها الفيديو
ريما_شن هدا شن هدا حتى ابليس مايقدر ايديره هدا...
انا_شوفي بالله...
ريما_خلاص معاش تبكي اهو فضحتيهم وعندك دليل وتو ترجعي انت ومعتز وتقهريهم..
انا/بالله اما معتز خلاص تمتلنا مشيتله وياريت مامشيت...
ريما_علاش..!؟
انا_حكيتلها كل شيء....خلاص ياريما بدي محرم عليا
ريما_محرم عينك وطياح سعدك مادامه ماردك علي عصمته بعد الطلقه الاولى مايعتبرش طلاق الي بعده
انا_ مش مهم خلاص الي بينا مااات خلاص..ماات...والي يموت معاش يرجع شيء ...انا حنعتبر روحي محرمه عليه...ونضت من جنبها ركبت لجناحي ..لقيته دايرلي حضر من الفيس والواتساب والفايبر خشيتله ع الياهو ..ليا وقت مافتحته سنين بالاصح...وطبعا مش فاتح قريت ايمالاتنا القديمه بكيت اول كلام اول اشواقنا ...كيف بنكمل بلاه ..بعتله الفيديو..ومعاه رساله..فيها( مانعرفش ادا حتشوف هالفيديو او لا لكن واثقه يوم ااي حتشوفه حيكون فات الوقت خلاص..انحبك ..وحنشتاقلك..في كل يوم في كل دقيقه وف كل ثانيه ..لكن مش حنقدر انسامحك علي قلة ثقتك..انت حتى ماعطيتني فرصه اندافع فيها علي روحي ..سلام من الي كانت في يوم طشتك ومعشوقتك..)
.....
ورقدت وانا نبكي...
وفاتت ايام وانا مانطلعش من جناحي
وبعدها سمعت ظن اميره انه يزيد اليوم بيجيب مرته لشقة خوه الي عطاهاله..
.....
عند يزيد
زينه_مبروك علينا..
يزيد_صدقتي روحك انتي ..تي انتي هدمتي كل الي كنت نبني فيه انتي مصيبه وانبليت بيها...وطلع من الحوش لاقاته امه
ع وفاء_خش لمرتك ياسر فضايخ خالاتك والعيله كلها تحت..رجع يزيد وطربق الباب
وينه تبكي في الدار...
يزيد_فكينا من النكد ياوجه النكد ودلعيلنا الجو ع الاقل تعويض علي ربطي بيك...
زينه_ شن ذنبي انا ف خطتك هادي وسيلة بس صح
يزيد_ بملل..صح وسيله باش نوصل بيها للبنت ااي انحبه والي حضرتك حرمتيني منه
.
زينه_يعني  حبك ليا وكلامك كله كدب .
يزيد_قعد يفكر..مافيش بنت ارتاح معاها وقاللها كلام الحب وحس بحلاوته الا لما قاله لزينه.._لا ...انا انحب رنيم..هيا هيا ياسر من هالنكد..غيري حوايجك خليني انحس اني عريس
زينه_انا بنرقد برا لرنيم...وكيف بتطلع من الدار شدها من شعرها الطويل جبدها ليه
يزيد_اسمعي الكلام احسنلك..
زينه_اي.اي...شعري ..فك شعري..
يزيد_ تسمعي فيا ولا لا..االي نقوله تقولي حااضر ..حااااااضر...
زينه_باه ..حاااضر ...
طلقها يزيد
وفاتت ليلتهم زي اي زوجين....
.......
عايشه تتصل بي امل
امل_ ايوه
عايشه_ هلا..اسمعي سعد يبي الباسورد امتع صفحة الفيس
امل_ وباه
عايشه_ شن به ورسايلك انتي وصدام..
امل_عليك هم ..مانبيش نمسحهم
عايشه_ اطبعيهم لورق وخلاص فكيني منه...تو بيديرلي قصه ومن هدا وانتي تخوني فيا انتي عارفه اني حاكيتله انا الصفحه ليا
امل_باهي اسمعي تختخيه شويه ساعه ثانيه نفتح صفحه ليا بروحي ونبعت رابطها لي صدام ونمسحه بعدها هو والمسجات الي بينا
عايشه_تمام باي
فتحت امل صفحه جديده وبعتت لصدام مسج...فيه
_حبيبي هدي صفحتي الجديده بعتلك طلب . مش عارفه علاش مصكر لك كم يوم طمني ...هدي الصفحه بدت لعايشه معاش تراسل عليها ..نموت فيك..ومشتاقتلك موت...سلام،