تلاقت عيونهم ببعض عيون ايهم العسليه الشبه الناعسه بعيني الهائج الغاضب السوداء الواسعه نظرات كانت كفيله بانها تخترق جسد ايهم نظرات دامت لثواني لكن رغم ذلك ايهم حفظها بعقله جيدا.
الصدمه ماليته تماماً!!،ثلاث سنين!!، حب!!، نسيان، معتز!!.
معتز هذا حبيبه وروحه وكل شيء قدامه!،وهو ولا حركه.
بشرته الفاتحه؟تغيرت،الابتسامه والهدوء؟،م عهد هالتصرف منه ابد.
ايهم اكتفى بأنه يكذب نفسه ويصدق ان الي شافه م هُو معتز.
شال عيونه ورجعهم يناظر فيه شافه بدوا يسحبونه وياخذونه خارج الغرفه.
الكل كان مستغرب هدوء الزعيم فجأه وسكونه!،ماهي عادته بالعاده يصرخ بصوت عالي بكلمات والفاظ مالها علاقه ببعض.
وخرج الزعيم وهو يفكر داخله بالي شافته عينه وهو يردد:حسابك عسير ي صهيب ع س ي ر.
ايهم الي اخذ صحن وكان الغدا عباره عن رز ابيض وخضروات وزبادي صغيره وخيار شرايح مع قطعه دجاج،ايهم تأمل الاكل يحس انه مو مشتهي بس يبي شيء يقويه.
دور مكان يجلس فيه وجلس بجانب النافذه يكره نظراتهم له الي م يدري شتفسيرها،نادم الف مرا ع قراره ذا،يكره شعور الوحده هو متعود ع فؤاد جنبه طول الوقت م يتركه وهو الحين بروحه.
كثير من الي كانوا موجودين خلصوا اكلهم وقاموا من مكانهم لشغلهم الا ايهم ضل يفكر ونسي ان وقت الشغل بدا.
قام ياخذ اغراضه وانتبه ان م فيه احد دور بعيونه لقى سند ينظف المطبخ رمى اغراضه واشياءه وقرب منه:سند.
التفت له سند وبابتسامه خفيفه :اهلا.
ايهم:شخبارك؟.
سند وهو يجفف يده ومنقرف من نفسه بعد الطبخ والتنظيف يحس ريحته قلي:ااه ايهم معفن ع الاخر واحسني بصله.
يضحك عليه ايهم وع انهياره وطريقه كلامه.
سمعوا كلهم صوت الباب والتفتوا وما كان الا نور.
ابتسم له ايهم اما سند كره نفسه وعفنه جد،وبهمس لايهم:شكلي زين؟؟.
ايهم:اي زين.
سند:والله اني حاليا معففن.
ايهم الي رجع يضحك سمع صوت نور:وراه تضحك ي النونو؟.
ايهم:سند يقول عـ...
سند قاطعه بسرعه:نور م عندك شغل الحين؟.
