الساعه 10:05 تقريباً طلع صهيب من عند جواد.
قفل الباب بعد طلوعه، اخرج نفس عميق.
راح لغرفه أسيل وأسر يتطمن عليهم،توه بيطلع الا انه انتبه ع اسر يبكي، كان مخبى تحت المفرش مو مبين منه شيء،اتجه له ع طول،انسدح بجنبه ع السرير بدون م يشيل عنه الغطاء،حس برجفه اسر،جواد بصوت امتلى حنان وكأنه حضن للقلب:
أبوي يوم راح هو وأمي بقيت لي انت واسيل،تدري؟من يوم م كنت صغير وإنت أقوى من اسيل؟،يوم وصلتوا لعمر الخمس سنوات يعني تقريبا السنه الي فاتت،سألتوني عن اهلنا،صح؟تحملت وقتها دمعت عيونك لكنك مسحتها،عكس اسر انهار لفتره طويله...
قاطعه اسر الي أخرج نفسه من تحت غطاءه وقعد،وجهه باكي وجهه طفولي حزين ضعيف متعب من الصياح،لكنه مسح دموعه بكل خشونه:
انت.انت وعدتنا تكون لي عايله وبعدها طلبتك لاتخبي عني،ورضيت لكن كذبت علي بعمي، جواد ليش!انت تدري اني احبه مرره،ليش قلت انه سافر،جواد-ورجع لصياحه الي اعاقه عن الكلام-.
جواد يدري ان اسر متعلق وبشده ب عبد المجيد وهو عم اسيل واسر الصغير،كان معه وعايش معهم بنفس البيت بعد وفات اخوه،لكنه اختفى واسيل واسر يجهلون السبب الين قالهم انه سافر عشان شغله،حتى انه م امداه يودعهم.
جواد مسح ع خده:
ي شبل تبكي؟م اتحمل دموعكم انت واسيل انتو عيالي،عيالي انا،اعتنيت فيكم من كنتوا في اللحاف الابيض،سهرت وتعبت وعانيت وحكيت قصص وسويت كل شيء يعوضكم عن الام والاب الا انه صعب،اعرف اني م بوصلهم لكني سويت كل شيء،ابيكم سعيدين ابيكم تضحكون م ابا اشوف دموعكم انتو حياتي،اذا انت عيني اليمين ف اسيل اليسرَى،اسيل م بعدكم حياه ولا بعد حزنكم حتى.
ضمه لصدره،بعدها ابعد اسر وسحب يدين جواد لبين يدينه،وباسهم باسهم بقوه لوقت طويل ورفع راسه:
أحبك ي امي وابوي،انت بعد كل م املك-ولف بعينه ل اسيل-وهو انتو أهلي وعايلتي،أرجوك لا تتركنا.
دمعت عيون جواد وحشر راسه بحضن أخوه الصغير،ضم اسر راس جواد ومسح عليه بحب.
سحب راسه وقال لأسر بجديه:
بقولك بس لا تقول ل اسيل لانه ضعيف، عمكم زي م سمعت،مسجون لانه سوا شيء خطا ولازم يتعاقب عليه ي عيني،كل من يسوي غلط بيتحاسب عليه،بس لاتخاف هو بيرجع وهو يحبكم كثير ومراح يطول تطمن طيب؟.
اسر:
طيب والرجل الضخم الي جا؟.
جواد:
هذا يبيني ا.اساعده عشان اطلعه.
"فلاش باك."
دخل صهيب وقعد ع الكنب امام جواد الي ضل واقف ومرتعب،حس انه بيسمع شيء عن ادم مو كويس وتذكر الحلم وبدت يده بالارتجاف،قاطع شروده صوت صهيب:
كاس مويه؟.
