قيود بين سلاسل الماضي
البارت الثامن
اعتذر ع التأخير تره بسبب قلة التفاعل
.....................................
رجعت للبيت واني حايره افكر بكلام ميس
ليش هيج تسوي خالتي وبتها اني شمسويتلهم
اشو عشت عمري مااعرفلي خاله
طلعتلي تالي وكت تريد ادمر حياتي اذا اماني تحب ابن عمها ماتاخذه منو لازمها
ليش يردون يخربون حياتي ويزوجوني لأبنهم
ليش هالعذاب واني بعدني كلشي ماشايفه من عمري
كضيته بعذاب الأب وضلمه
وتعامل الام وبرودة تصرفاتها الي مستحيل افهمها
يمكن لان هيه مزوجه وعدها اطفال
واني ماواصله لهيج مرحله ف مااكدر اعرف بشنو تفكر
رغم انو جانت تكلي انتي عمرج صغير بس سابقه عمرج بهواي
بس كذب ماافهم الي يدور بخلدها
وميس الي جانت متأمله تتخلص من حياة القهر الي عايشينها
واعتقدت انو انفتحتلها نافذة الأمل
واجاها طوق النجاة بس للأسف هذا الطوق بده يغرقها وهيه بعدها
استوها بدت مشوار حياتها
دخلت للحمام سبحت وغيرت ملابسي
ورجعت لفراشي بقيت اتكلب بالفراش مااجاني النوم
صارت كل متاعبي بالحياة كدامي
آخر شي كمت توضيت فرشت مصلايتي وبقيت اقرا قرآن للفجر
صليت ونمت كعدت على صوت الباب يندك
...منو
امير...انه
افنان انه رايح للدوام كعدي طفي المبرده اخوانج لايتمرضون
افنان بصوت نعسان...اي بابا هسه اكوم
كلت اخذلي غفوه خمس دقايق واكعد
نمت واخذتني النومه ماحسيت الا ع صوت الباب انركع حيل
امير...افنااااااان موكتلج كوووووومي
افنان...فزيت بدون وعي
طكيتها ركضه لغرفتهم طفيت المبرده بابا طلع للدوام
رحت للمطبخ اسوي ريوك
استغربت ماما ماهيه جانت تكعد من غبشه اتسوي
ريوك
خليت القوري ع النار احنه نخبز ونخلي الخبز بالثلاجه للصبح حته مايخرب
