قيود بين سلاسل الماضي
البارت ١٤
ريتاج الموسوي
...........................
مساء الخير احبائي
اليوم بارت طويل شوفوني همتكم بالتعليقات حته اذا اشوف تفاعلكم حلو اطول البارت
...........................
عماد
كاعد بالصاله واشرب جاي اسمع سرى تخابر بغرفتها وصوتها ساعه يعلى وساعه يخفت
مادرتلها بال بقيت اشرب بالجاي من بين كل الحجي بينهم لفت سمعي اسم افنان
هالشي خلاني اكوم من مكاني اكيد سرى جاي ادبرلها بمصيبه لان تكرهها
رجعت كعدت وانه دمي يفور....انتضرته لمن طلعت من غرفتها جايبه التليفون
ترجعه لمكانه
...هاي ويامن جنتي تحجين
سرى...انته شنو تحقق وياي مو شغلك
تعوف عماد وتكمل طريقها
عماد... قطعت طريقها
..ماتتحركين لمن تكليلي شبيها افنان شعدج من مصيبه تردين تبليها بيها
سرى...وحضرت جنابك جنت تتسمع على مكالمتي شنو
...ماتسمعت وهاي موطبيعتي ونتي تعرفيني كلش زين ماكو داعي اكلج شنو انه
ف اختصري وجاوبي على سؤالي
سرى...لا تخاف على حبيبة الكلب بسبع ارواح
هاي مرتين توكع وتوصل الموت وماتموت
...مريضه ليش شبيها
سرى...على كيفك لا يوكع كلبك ويصير بيك شي
تسوي نفسك ماتعرف
بوحده من المكالمات وكلها شبيج
بس والله ماخليك تجيبها على هالبيت جنه الا وانه ميته
عماد....يكور ايده بغضب.....ومنو انتي حته تخليني او ماتخليني
ترى طوختيها زايد وانه مااسمحلج تعلين صوتج بوجهي افتهمتي
اعرفي حدودج عدل بس مو صوجج صوج رجلج الي مرخيلج الحبل
سرى...شوف عماد هاي اول وأخر مره تحجيها بيها عليه
واذا مااجه احمد وحجيتله كلشي انه فلا اطلع اتسمه باسمي
عماد
عفتلها البيت وطلعت سرى السانها متبري منها ولو ابقه اتعارك وياها اسلوبها يستفزني واضربها
وهيجي راح تنخلق مشكله ف احسن شي اطلع
بقيت افتر بسيارتي وافكر بطريقه شلون اكدر اعرف اخبارها
