قيود بين سلاسل الماضي
البارت الرابع
ريتاج الموسوي
اجيت ماانزل والله بس هاي الخاطر الي يتفاعلون
يعني البنيه دتابع القصه وياكم وتفاعل ماكو ليش
......... ...............
دخلنا للبيت لكيناه مكسره تكسير ممخلي بيه شي صاحي
صاحت بيبي عليه
...شمالك ولك تسودنت...
اجه عليه عمي مازن لزم ايديه وكاله...امير شبيك شجاي تسوي اهدء شويه وحاجيني
مو جاي احجي وياك
امير يحاول ينزل ايد مازن منه بصوت عالي...عوفني مالك شغل بيه عوفني
مازن...شلون اعوفك وانته بهالحال غير تكلي شبيك
شجرالك تخبلت كسرت بيتك
خلاص عقلك راح فصلت فد نوب
كريمه تبجي...يمه امير لا تخوفني عليك لايصير بيك شي انه اموت
مازن...ايهون عليك اشوف امك تبجي احجيلنه شصاير
بعدها ترك البيت وطلع وراه طلع عمي مازن
بيبي كعدت بالكاع تبجي
وامي تحاول تهدي بيها لأن مريضه
لليل اجه عمي مازن ووياه بابا وعمي أركان وعمي كاضم
دخل بابا للصاله بس شافته ضل يصيح
....مااااريدهم بالبيت طلعوووهم
محد يبقه البيت
مازن...كول يالله امير شهالحجي يطلعون شنو
وين يكعدون بالشارع
امير...عساهم يموتون وروحه بلا رجعه
بيتي مااريد احد يضل بيه افتهمتو ويكسر بأي شي كدامه
كلام بابا اجانه مثل الصدمه ليش و شنو السبب ما نعرف امي بقت تبجي ووين نروح ماعدنه مكان نروحله
مازن...يمه اخذيهم وياج لبيتنه منا لمن نشوف شنو سالفته هذا تخبل علينه
راح اخابرلج حيدر يجي ياخذكم
ربع ساعه واجانه حيدر اخذنه لبيتهم وطول الطريق امي الدمعه على خدها
وصلنه لبيت عمي نزلنا صح بيت عمي مازن الجبير متعودين عليه ياما جنه نجي ونبقه ايام بس هالمره غير
ماحسينه براحه
طول الليل مانمت للصبح جنه كاعدين
واسمع صوت عمامي دخلو للديوانيه
امي كالت...كومي سوي جاي لعمامج مرت عمج مو فارغه عيب بس كاعدين
كمت سويت جاي وخليته بالصينيه رحت اوديه الهم
قبل لا افتح الباب صار عندي فضول اسمع
خليت اذني يم الباب
...مازن ...عيب عليك رجال طول بعرض سوالفك مكسره جبناها من ذاك الوكت لهذا الوكت نسدد بسوالفك
حته ما يدري ابوي الله يرحمه
هسه تروح وتلعب أقمار لا وترهن بيت اولادك
وحلالك كله
كاضم..صدك هذا الحجي امير
امير ماحجه شي ساكت
مازن...شيحجي ماتكلي صخام وجهه
مو بس البيت راهنه راهن قطعته ومجزرة البقر وبيته
وخسراان بالقماار وهسه يردون فلوسهم
وموقعلهم على كمبايلات لو يبيعهن لو يسجنونه
أركان...بالله هاي سالفه تسويها انته وتالي وياك شوكت تعقل يا دكتوووور والله عيب عليك وخزي ماتستحي من بناتك كل وحده بطولك بيتهم راح
تسكنهم وين بالشارع
ا
فنان..بعد ماسمعت حجي عمامي اضلمت الدنيا بعيني يعني فوك الضيم العايشين بيه
والقهر يرهن بيتنه مسحت ادموعي
دكيت الباب عليهم سكتو وكأني ماسمعت شي
انطيتهم الصينيه وطلعت
دخلت للأستقبال جانت بس امي كاعده اول ماشافتني كالت
...شبيج جنتي تبجين
افنان...هاا لاااا ماابجي عليمن
...شنو تعلميني بيج عيونج مدمعه شصايرلج
احد مضايقج
...لا بابا طلع راهن البيت وكلشي نملكه للأقمار وخسر
ماما بعد مالنه بيت احجي وابجي
امي بقت مصدومه صعبه عليها بيوم وليله يكلولها ماعندج سكن
بعد ماجانت معززه مكرمه
راحت للغرفه وضلت تبجي خواتي عبالهن تبجي لان طردنه من البيت
ماحجينالهن لا هنه ولا لبيبي فضلنه السكوت
لثاني يوم جان عمي مازن داخل للمطبخ
مريم تبجي...خويه صدك حلالنه ضاع وبعد ماعدنه شي
خويه صدك صفينه انه وبناتي بالشارع
