قيود بين سلاسل الماضي
البارت 24
ريتاج الموسوي
اسفه ع الانقطاع نت ماكو كاطعينه
اسفه مره لخ صار بيه خربطه وعدلته لانو نشرته ع استعجال
لو خيروني بين حبك والحياة
سأختار حبك وأدع الحياة.. فحبك وحده.
كفيل بأن يهبني كل يوم ألف حياة💞
عماد
كاعد انتظر على نار شوكت يتصل بي الضابط واستلم النتيجه كاعد بمحل عملي والنار مستعره بكلبي منا اتصل ومحد يرد على أفنان
ومنا اريد احصل النتيجه بين هاي الحسبه وذيج الحسبه رن الهاتف واول رنه اله رحت بكل سرعتي ورفعت السماعه وصحت الووو الو السلام عليكم
عماد وعليكم السلام
انت عماد مو
عماد نعم تفضل منو وياي
اني الضابط الي كلفتني على مود شغله
عماد اي بلي سيدي اسمعك
ا
لالا مو هنا اريدك تجيني النفس المكان وتأخذ النتيجه
عماد سيدي بس بشرني نفس الخط لو لا
كتلك تعال وتعرف كل شي
عماد ماشي صار راح اجيك دقايق واكون بنفس المكان
مع السلامه
عماد مع السلامه
عماد
سديت الخط وكلبي يدك وجسمي يرجف شراح تكون النتيجه زين اذا مو نفس الخط يصير إجبار أترك أفنان وااذا نفسه لازم سرى
تدفع ثمن كل غلطه غلطتها موقف صعب حيل اتصلت على صديقي واخذته وياي حتى يكون شاهد على كل الكلام وبعد جيته اخذته ورحت للضابط وصلنه واول وصلتي يمه سلمنه
وكتله بشر سيدي
الضابط ....شبشرك يا عماد اني صح النتيجه عندي بس كدام صديقك الي راح تعرفه ملازم يأثر عليك كولد وشاب وهاي الأمور تنحل بالعقل لاتنجرف ورى عاطفتك هاي الاتمناها
عماد ...
سيدي انت انطيني النتيجه والباقي يمي
الضابط راح اعطيك النتيجه بس كدام صديقك حكم عقلك ولاتتهور وهاك هاي النتيجه
عماد
اخذتها منه وكلبي يرجف ويدك سريع فتحت الورقه وقريت البيها وطلعت الي كنت خايف منه ولو هي بالحالتين الأمور يراد لها
تصرف حقيقي اباوع لله واكوله ربي سرى منين جابت هاي الجراءه يعني الاخر لحضه عندي امل تكون بريءه لومهما يكون هم بنت عمي وهم زوجة اخوي شراح اكولهم شلون حتصرف
الطريق كله حسبه تأخذني وحسبه توديني تفارقنه اني والولد صديقي برأس الفرع الي يوديني على بيت عمتي بعد متوادعنه اني وصديقي رحت دكيت الباب على عمتي
دكيت الباب طلعت عمتي
...هلا عمه شلونج بستها ب راسها
خيريه... مية هله بيك عمه شلونك ابوك شلونه امك كلكم شلونكم
عماد...الحمدالله عمه بخير كلنه
اكلج عمه انه جايج بسالفه
خيريه...يااا سودة بوجهي خليتك بالباب واكف
من فرحتي بيك نسيت اكلك اتفضل
تعال يمه محد بالبيت الولد وابوهم طالعين
عماد،، كلت الحمدالله همزين طالعين حته اخذ راحتي بالكلام
خيريه،،، هاا عمه احجي تره خوفتني بسكتتك هاي
