قيود بين سلاسل الماضي
النهايه
صباح الخير💜 يا من تشق طريقك لتحقيق أحلامك، يا من تصبر وتكافح في سبيل أمنياتك،🌸 مهما كانت تفاصيل هذا اليوم ثقيلة على قلبك، ستتجاوزها وتفخر غداً أنها أحد إنتصاراتك، إجتهد وتفاءل ما خُلقت لتعجز أمام صعوباتك، قد أوجد ا🌷لله ما يعينك على تجاوز أزماتك، لا تيأس سيأتي نور ربك ولو طال ظلامك.🧚♀️
بعد ولادة بنتي قدر والحاله الي مرت بيها من مرض استنزفت شكو عدنه طاقه وماده وراحه نفسيه وجسديه عاشت حبيبة روحي ايام كلش صعبه بقت تقريبا ٤ أشهر
على الأوكسجين واخذت ما يعادل ٦٠ جرعه ابر يوميه كان الوضع بالبدايه جدا جدا صعب غيرت حياتنه هواي بولادتها من كل النواحي تغيير جذري بداية الأمر كان التغيير نحو الاسوء حتى بعلاقتي مع عماد
كانت تتجه نحو السيء بسبب حالة بنتي الي اعتزلت العالم بعد ولادتها وكرست كل وقتي ومجهودي إلها حتى اخوتها بوقتها حسوا بهذا الشي بس كنت كل ما اشوف نفسي بديت اخسر وياهم هواي أشياء احاول استعيدهم الي ومرت هالايام هاي بمعجزة حقيقه كادت تزهق روحي بيها
أفنان ،،عماد اريد اروح البيت اهلي
عماد صلوات على محمد منين طلعت الشمس وتردين تطلعين
أفنان عماد اترجاك مو وكت شقاك والله جاي على بالي أطلع
عماد والله مدااشاقه غير انتي عايفه الدنيا كلها وحابسه روحج صار سنه وشويه حتى لهلج مطالعه
أفنان مو مهم أطلع المهم بعدم طلعتي كدرت احصل نتيجه وبنتي كدرت تعيش حالها حال الاطفال وهاي اكبر نعمه من ربي
عماد والنعم بالله يله اروح للشغل
أفنان ماشي واني اروح البيت اهلي ساعه وارجع مااتاخر
عماد ماشي الله وياج
أفنان
هاي الفتره عماد كلش كان مهتم بكيان بحيث صار له الام والاب بنفس الوقت حتى اذا راد يروح للعمل هم يأخذه وياه هالشي كلش ساعدني وخفف عني اما محمد وجود فكانوا عين الله ترعاهم اكبار ويساعدوني بكل شغل البيت وهالشي هواي
ساعدني حتى أفرغ كل وقتي العلاج قدر ورعايتها فعلا ايام وأفعال مااكدر ما اتكلم عنها لأن أفعالهم وياي تستحق اخلدها حتى هنا
بعد هاي الفتره العصيبه سبحان الله وكان الله فعلا يجازي الإنسان بعد الاختبار والامتحان والابتلاء وكان طاقه الرزق فتحت كل أبوابها كدامنه بهاي السنه
هواي شفنه خير بعد شفاء قدر وربي حيل عوضنه وبدينه نسدد الديون الي تراكمت علينه بسبب الجرعات الي اخذتها قدر
وكنا كل ما تشوف فرصه نبني بيتنا شوي شوي
مرت الايام واحنه هذا حالنه
سرى أفنان من يوم الي تركت المنطقه ماعاد شفتها وان حكمت الضروف ولتقينه فماكوا اي احتكاك بينه لكن هيهات اخليها ترتاح حتى وهي بعيده عني ماكنت أتركها بحالها كل يوم يومين وجايبه طاريها كدام عمي بالموزين بحيث ماخليت اي مجال بكلبه مليته حقد بحقد
أفنان رن الموبايل
أفنان الووو
زوجة حماي ام امجد
ام امجد اهلا أفنان شلونكم
أفنان الحمد لله شذكرج بينه
ام امجد والله خابرت أعزمكم على حنة جواد ابني
أفنان شايفين الخير بالمبارك بس اعذريني مااكدر
ام امجد ليش ترى والله ازعل
أفنان،، بدون ليش انتي تعرفين كل الزين اني ما احجي وي عيالي بس وياج وي حمواتي فقط والعروس بنت سرى اشلون اجي
ام امجد وانتي شعليج بسرى وبالعروس
تعاي يمنه واذا متجين راح ازعل
أفنان اشوف الله كريم
ام امجد انتظرج
افنان ،،سديت الخط واني ماعندي اي نيه
للروحه صح هي مرة حمايه الجبير وصح ماعندي وياها اي موقف محلووو بس لان العروس بنتها السرى ميصير اروح
عماد منو هاي
أفنان ام امجد
عماد لازم داتعزمج
أفنان اي شمدريك
عماد خابروني الي هم
أفنان اكيد متروح
عماد لا اروح وانتي هم ترحين
أفنان لا لا انت ولا اني ميصير نروح
عماد كلت نروح اني اخذ الولد واروح وانتي تاخذين قدر وترحين
أفنان عماد شبيك ميصير العروس بنت اخوك واحنه منحجي وياهم
عماد صح بس العريس ابن أخويه هم واخويه وابنه ماعندي شي وياهم فلازم نروح نقدر ساعه زمن ونرجع
أفنان والله مااكدر
روح انت واني مااروح
عماد كلت نروح وكافي تحسبين الهذا والذاك وج بابه عيشي حياتج ليش تحرمين روحج على مود ناس متسوه
أفنان
بقيت ساكته واليوم كله افكر بكلامه آخر شي قررت اروح بس تقديرا البيت حمايه ساعه وارجع
عماد اخذت الولد ورحت للحنه مال الزلم
وافنان راحت بيوم الزفه البيت أخويه اهل العريس زفوهم وبعد الزفه مباشرة رجعت
أفنان صح رحت للعرس بس اكتفيت بالجلوس ساعه زفوهم ورجعت
مرة كم يوم على العرس وبديت اسمع كلام ابد ميعجب
سرى خابرتني بنتي وبس تبجي
ياسمين مامه جواد ميقبل يتقرب مني
الوقت كله يباوع بالموبايل وشكد احجي واجي يمه وهو ولاهامه
سرى ,,,يعني هاي الليله هم متقرب الج
ياسمين لا ماما حتخبل وكل يوم عيالي يسألوني حتى هم دروا ممتقربلي
سرى
بديت اعلم بنتي عدة طرق وعلى هالحال وصارت السبعه وماكو اي حل
وبيومها عمة ياسمين كالت لازم نشوفلهم حل ليش قبل كان يريدها وموت نفسه على مودها ليش هسه ميتقبلها كمره اله
سرى خلوني ساكته والله ماكو احد غيرها جتي انتقمت وراحت
ام امجد منو قصدج
سرى منو غيرها أفنان الكحبه
ام امجد بقيت اسمع وساكته معقوله أفنان سوت هيج جتي بس حتى تخرب العرس
سرى,,, بنتي ميبقى هذا حالها ابنج قبل كم شهر ضرب نفسه طلقه بس حتى تصير اله وهسه هيج شامرها
ام امجد والله حجيت وياه وكتله مو البنيه موتت حالك عليها ليش هيج داتعاملها
سرى ,,,راح ادليج على واحد روحي اكشفي عنده وشوفي ليش هيج ترى راح ننفضح
ام امجد لا اني اندل خوش مره اروحلها واشوف الحل
سرى ماشي
أم امجد
من يوم الطبت النه ياسمين عتلكنه علك مشاكل وعراك بين الكل مو عبالك عرس عبالك معركه وسرى كملت عليه بحجيها وزرعت الشك بكلبي بس لاصدك أفنان سوت للعرسان شي
أفنان
بده كلام غير مباشر أسمعه منا ومنا
وبيومها قررت اروح البيت حمايه واسمع منها
رحت واول مساءلتها صدمتني من كالت صح الكلام احنه شكينه بيج لان البيت من يوم العرس ارد مهدء
كل يوم مصيبه وعركه جديده هاي عده العرسان الي حالهم حال
أفنان ,,,رجعت بي الذكريات لل٢٠٠٤ اليوم عرسي ابتسمت وكتلها فعلا الله يمهل بس ما يهمل
ام امجد شتقصدين
أفنان,,, ما اقصد شي بس انتوا عدكم دليل عليه
ام امجد لا وحتى مو اني الحجيت الحجي سرى الي حجت هيج
أفنان
سلمتكم بيد الله ومادام حجيتوا بدون دليل فلامحلل ولاماهوب لادنيا ولا اخره هاي عود انتي الكبيره الصايمه المصليه هيج يطلع منج
نصيحه عوفي الصلاه والصوم وروحي امشي بدرب أمهات السحوره وصدكي لو ماالسحوره ثوبكم ودربكم كان مالبستوني ثوب وصخ مثل هالثوب انوب
عليكم تتبلون عليه السحر ومشيت وخليتها وقبل لااطلع كتلها ضربه تجيكم من الله وأهل البيت وطلع حوبتي بيكم وهاي كانت آخر مصيبه تبليني بيها سرى الشيطانه
عماد,,, وماادراك ماعماد كان بنظري اقدس رجل بعد الرسول واله كل الكلام الي تكلمته كان مجرد اختصارات عن حياتنه مردت اتعمق ردت اوصل فكره من خلال قصتي هاي ملخصها
هو كيف انك تبحث عن شي معين وتحاول تعيش بسلام وتحب وتنحب وتحاول تمارس حياتك مثل البشر العقلاء والفاهمين وجود أناس بحياتك عدهم عدم مخافة الله يحيل دون ذالك
اكيد الكل منتظر نهاية قصتي بفارغ الصبر قصتي ابتدت وياكم بظلم وانتهت بظلم اجمال الظلم كان من الأقارب والأحباب وهسه راح ابلغكم عن مصير كل الي كانوا وياي بقصتي ونبتدي بميس
وهذا اختصار من الحدث الأخير ليومنا هذا ميس صاروا عدها ٤ اطفال ٢ب٢ وحالهم ميسور والحمد لله لكن الهاي اللحضه سرى وامها لابطلوا سحر ولابطلوا مشاكل وياها ومحمد زوجها انسان مسكين حسب راي لان كدروا بالفتره الاخيره يسيروه
مثل ميردون وحدثت مشاكل عنيفه جدا من ٢٠١٨ لحد هاي اللحضه الي سردت بيها قصتي وصلت بيهم إلى المحاكم بس لحد الان ماكوا طلاق اما عن سحورتهم فطالت حتى الاطفال أكثر من مره سرى وامها يسحرون البنت ميس الكبيره يردون يدمروها مثل مدمروا حياة
هذا الجانب السيء لحياة ميس اما الجانب الحلو فااطفالها واحدهم يشبه الكمر جمال وتربيه بنتها حاليا اعدادية ومتفوقه حيل بدراستها حلمها تصير وتدخل طبيه اما ال٣ الباقين فمتوسطه وابتداءيه
اما ام محمد,,, فصار بيها سرطان وتعالجت منه وسوت عملية رفع الصدر هدءت شويه وبعدها رجعت النفس المصايب وأكثر من قبل دينها وحياتها كلها مشيتها بالسحوره
اذا تريد اي شي بالحياة فلازم اتمارس السحر يله تحصله صار هالشي مثل الإدمان عدها آخر فتره هاي كدرت تسيطر على محمد زوج ميس وخلته مثل الخروف تكوله يمنه يمشي تكوله يسرى يروح
امجد ابن حمايه
يوم الي شهد ضدي بوقتها كان مزوج وزوجته حامل بولد بعد كم يوم ولدت ومات الولد بعد كم يوم دايشتغل بالكير الزفت واحتركت ايده ومن يومها واني مااحجي وياه واليومنه هذا اما اخوه ال٢ بعد طلعتنه من البيت هو كعد بي أجره من جده وبعد فتره شعل النار بنص البيت ونهزم الكربلاء ومن سالوه ليش احركت البيت كلهم احسن
اما الحجي ابو عماد
ههههه اوف يا حجي شكول عليك رغم عرفت ملعوب بعقله وتغيره الي صار بسحر الا اني مااكدر اسامحه نهائيا لان اذاني اذيه لا يعلم بمداها الا الله بعد سنتين من طلعتنه من البيت راح حج بيت الله
بيوم عرفه الناس تدعي وتطلب الرحمه والغفران من الله وتسامح اني وكفت جوه ايد ربي وبديت العنه بكل لحضه وكل دقيقه مرت بهذا اليوم واليومنه هذا هو غير مبرء الذمه لادنيا ولا اخره
وحقي داءما اكوله الربي اول ليله ينزل بيها ابو عماد الكبره راح اطالب ربي بحقي لان اعرف كل الي بين العبد وربه الله ممكن يسامح عنه الا حقوق الناس واني حقي مااتنازل عنها وحق الاذيه أولها
عمتي ام عماد
فمكان إلها اي دور لان كانت مره كلش فقيره ومن اهل الله وعلى نياتها حيل بس بيها طبع مو حلو ابد السالفه الي تسمعها منا تنقلها هناك
اما زوجته ال٢ فجابها عمي وكعدها بيتنه بعد ماحركه ابن حمايه رمموه وكعد زوجته ال٢ بي بيومها من سمعت من لوعة كلبي دعيت عليهم وكلت ان شاء الله مايتهنون وحرام جردام عليهم
المي الي يستخدموه وهو حق مغصوب بعد شهر ضربتها جلطه وبعدها بكم يوم كامت تضربها عدة جلطات وكانت كلمتها المشهوره بحق رغم ماعندي اي شي وياها وحتى مشايفتها
غير بس بعرسي ومره او مرتين بعد العرس الا انها كانت حاقده أيضا وكانت تكول عني انو اني وكعت بين الأخوه وخليت دم بينهم كلماتها حيل
جرحتني وتحسبت الله عليها وافاها الاجل بعد فتره قليله من كعدتها بالبيت واول ليله نامت بيها بقبرها كلت ربي لاترحمها مثل ما سوت هي بالحياة ومرحمتني بلسانها
وكانت كل فتره تسمعني كلام وكان اني الي سويت كل هاي المصايب
اما سرى
اه ياسرى ياام السحوره هاي حدث ولا حرج كل الكلمات والكلام يعجز يوصف هالشيطانه هاي حتى الشيطان يتعوذ بالله منها اذا مر ذكرها هاي كانت بذرة الحرام تعيش بداخلها بعد المشاكل
الي صارت كنت هواي اسال سرى منين عدها هيج جراءه اذا ماكو شي سابق بحياتها هو الي وصلها الهذا الحال اكتشفت أمور هواي من خلال بحثي عن الأسباب صح تأخرت هواي اله عرفت
حقيقتها هاي لكن مندمانه ابد انو مرة بحياتي وحده مثل سرى وراح بنهاية حديثي أذكر ليش مندمانه سرى كانت من اول شبتها بنيه كلش جريءه وعدها تاريخ حافل بالمغامرات حب وعلاقات إلى اخره بفترة المراهقه
سرى مارست الحرام وي خالها هي وبنيه وهذا من اعترافها بلسانها هي حصرا
مارست عدة علاقات قبل الزواج مااكدر اكول علاقات جنسية لان مشفت بعيني لكن كانت تكون علاقات آخرها وي ابن عمها احمد انتهت بالزواج بعد ما كانت تمارس وياه العلاقه الجنسيه
بعد زواجها منها استمرت بعلاقاتها وهنا لزمتها لزم يد سمعت بااذني كيف تحجي وي صديقها المعلم وهذا كان شي ملموس مو مسموع
واستمر هذا حالها اليومنه هذا علاقه بعد علاقه والسحر غذاءها الروحي اني سامعه يكلون الصلاه التسبيح الفلاني والدعاء هو الغذاء
الروحي سرى كانت عكس البشر السحر هو غذائها الروحي ايدها كانت ولازالت كلش طويله بوك واكل مال حرام وسرقة أشياء الغير عدها مثل شرق المي آخر اكتشاف اكتشفته شتتوقعون سرى ماالها تاريخ اقدم حتى من المراهقه
سرى بكل هذا الكلام طلعت تشبه منو وتقلد حياة منو وتمارس حياة منو عدنه المثل يكول اضرب البصله وشمها البنيه تطلع على امها اي سرى نسخه اصليه من امها الي هي خالتي
خالتي الي بعمر المراهقه من بيبيتي عرفت بيها مو راحه وحاولت تمنعها عن الطريق الي ماشيه بي خالتي مرضت على امها وحاولت تنتقم من امها وسوت باامها الي محد سواه من قبل بيومها
كانت بيبيتي نايمه خالتي ام سرى استغلت نومتها جابت نفط ورشته على ذيال ثوب بيبيتي وخلت الجوله النفطيه يمها ونهزمت لحضات وبيبيتي وجت النار بجسمها وهيج حركت امها حتى بعد لاتدخل بيها وبسوالفها رادت توصل
بيومها رساله معناها محد يكدر يمنعني لحد مابيوم ومزوجه خالتي وعدها ٧ اولاد وحبلت بطفل حرام وفوك ماهو ابن حرام كملت جريمتها وقتلت الطفل ودفنته بيدها وللان المكان يشهد على جريمتها هاي
هواي كنت مستغربه شلون هيج تعاملت وي ميس وشلون يهون عليها ابن ابنها
يموت كدام عينها و٦ ساعات ميت ومتقبل حتى تجي تشوفه الاجابه كانت مثل ما ذكرت الكم هي الي مارحمت طفلها صح كان ابن حرام بس موذنبه ذنبها هي راح ترحم ابن غيرها هاي حقيقة خالتي وبنتها سرى الي عاشت نفس حياة امها عتو وطغيان ومرض نفسي اكل روحهم اكل الغل والحسد الي خلاهم يجرمون
وينتهكون وصل بيهم الحال حتى لله تحدوه سرى اليوم بهذا وقتنه بناتها كبروا بنتها الكبيره سوت مثل ماامها سوت وحبت ابن عمها وزوجته بعد فضايح وصل بيهم الحال هي شربة ادويه وانتحرت وابن عمها ضرب نفسه طلقه بصدره مات بيومها وبمعجزه الله أحياه وبعد هالمصايب زوجوا زواج
سريع بدون مهر وهاي الأمور ومرة الليله الأولى بزواجها مثل اول ليله مرينه بيها اني وعماد الفرق عماد تمرض بسحورتهن هي لا زوجها رفض يتقرب إلها رفض قطعي وبعد عدة محاولات وكم سحر مشت حياة بنتها بس مع الأسف بالاتجاه السيء وكان الله يريدها تذوق من نفس الكاس الي شربته الي اللهم لاشماته
اما بنتها ٢ هم مارست نفس حياة امها سرى وحب
وعلاقات ونخطبت وبعد فتره من الخطوبه اكتشف خطيبها عدها علاقه بواحد غيره وعدها موبايل سري بي صفحه سريه تمارس بيها علاقاتها وي الشباب وصارت مشاكل هواي بوقتها تهمتني الي انو اني مسويه سحر البنتها حتى تمشي بهيج درب لان فضيحتها كانت كدام خطيبها ورادت تغطي عن فضيحة بنتها بي اني وهم من خلال السحر والشعوذه
زوجتهم وبعد فتره من الزواج رجع لكه عدها موبايل سري وصفحه أيضا وحاليا الأمور بينهم قايمه هالمره برأس منو راح تضم فضيحة بنتها الله اعلم
اما بنتها ال٣ فحدث بلا حرج هي والرابعه نسخه اصليه من امهم وبالأخص ال٤ بوك علني وشيل وسرقه وكان سرى داتعيش حياتين
اما ابنها
هم كان ضحيه الحقدها وغلها علمته على نفس حقارتها وغلها وحقدها لدرجه لا توصف آخر مصيبه سواها وي ابني جود كل هاي السنين كنا بعاد عنهم بحيث
لانشوفهم ولايشوفونه وشاءت الأقدار انو بالمتوسطه يتلاكون ابنها وابني وابن ميس سرق دفتر ابني جود و٣ ايام نصعد وننزل للمدرسه وللااداره وميقبل يطلعه رغم حتى شهود اكو عليه من ضمن الشهود كانت مدرسة العربي بعدها طلع الدفتر عنده وتعاقب بدرسين يرسب وفصل من المدرسه
لحين حضور ولي امره وهاي كانت تربية سرى المحترمه اما امي الحبيبه الي كانت تتوسل بالله تشوف حفيدها وتشيله بيدها فصارت كل ما تروح الهم متلحك تصيح على هذا وتصرخ على ذاك خواتي واني كل وحده بينه خلفت ٤ اطفال وكلنه ٢ب٢ الا اني ٣ ولد وبنيه وحده وهيج صارت امي عدها أحفاد درازن
وأكثر أحفاد تحبهم هم اولاد ميس وبناتها تموت عليهم هي وآلوالد والفرق جدا واضح
اما والدي فمستحيل يتغير ابد رغم عمره واستلام منصب الاداره وفقد احباب وكسب احباب الا انو هو هو بس صار اهدء مع امي بالتعامل
أما ام امجد فمن يومها واني تركتها وسلمتها بيد الله وفعلا ربي ابد مخيب ضني بيهم الكل كان اله نصيب بكل الي سووا بيه حمودي نور عيني
صار اعداديه وشواربه بدت تخط وعين الله ترعاه مثل ابوه بالطول بس شكله على خواله اما جود فهذا نسخه اصليه من ابوه بالأخلاق الوقت
كله هاديء بس من ينفجر ياستار منه صح عصبي بس شايل كلب محد شايله وحاليا هو متوسطه ربي يوفقه ويحرسه من شر البشر وأولهم سرى وابنها
ام كيان هذا روح الروح والخليفه مال ابوه الأمير الي متربع على مملكة امه وابوه
هذا اعتبره هدية الله الي هو الي رجعني الافنان القديمه الي فقدتها بسبب الي عشته وبسبب الناس الحولي وحاليا هو صف اول اروح له فدوه عنده رتله بالراء اتخبل عليها بالأخص من ينطق الكلمه اما قدر البنت المشاكسه الي بالنهار
حبيبه أبوها وعشيقته بس بليل مستحيل يكدر يطيقها لان تبقى الليل كله تبجي وتعيط وما اعرف شنو السبب تبجي بدون توقف رغم هي كبرت وصار المفروض تنام الليل كله اما اني محدثتكم أفنان فصار عمري حاليا ٣٣ سنه مكرسه حياتي الزوجي والاطفالي
وهاي قصتي اتمنى تكون استفاديتوا منها واتمنى من الكل يدعيلي اكمل بيتي واكعد وارتاح عكب هاي السنين ومرها والي جره بيها اما الي يريد يعرف سرى وين تسحر ومنو كان ذاك السحار الي كانت ولازالت تسحر عنده فاارجعوا لأول حلم شافته أفنان راح تعرفون منو هذا الشخص وليش كان يساعد سرى بالسحر اكيد عرفتوا منو البارتات الأولى حجت عنه أفنان بما يكفي هذا حالنه احنه البشر واقعنه مر حيل احب اصارح الكل بشي شكد تتألم روحي واني اكتب عن اقرباءي هذا الكلام رغم كل اذيتهم الي لكن ثقوا بالله اتالم واني أذكر مساوءهم هاي واقرأ كتاباتي وارجع بذكرياتي هاي للماضي الي لازال للان معانا وعايش بينه لهذا السبب كان اختيار اسم القصه بهذا الاسم اتمنى راقت الكم واسفه اذا طولت عليكم ابروني الذمه احباءي ولاتنسوني بالدعاء محدثتكم شخصيا أفنان احبكم كلكم شلع قلع اكتبوا بالتعليقات منو هذا الشخص اذا عرفتوه اريد اعرف نسبة اندماجكم وي البارتات مع السلامه أستودعكم الله الذي لا تضيع وداءعه
