قيود بين سلاسل الماضي
البارت ١٣
ريتاج الموسوي
مساء الخير عليكم حبايبي
ادري طولت بس حكمتني الضروف
وان شاء الله ح استمر وياكم
....................................
سُبحان من يضع للأحرف والكلمات الفقيرة القبول في قلوب عباده .. 💜
ثمَّ؛
ترحلُ أنت ويظلُّ ما تركتَ من أثرٍ !
فأحسِن أثركَ ولو بِكلمة 🌸🌿
..................
جنت اشرب مي من الثلاجه
التفتت واشوف بابا نايم على وجهه
ونفس الشخص المرعب عليه متت خوف
ردت اركض ماكو احس رجليه ثكلن
فعلا جان يخوف شعر طويل ووجهه يخوف
يمكن اذا اكول جن يمكن قليل
يجوز الجن شكله اهون
صرخت بصوت خافت محد يسمعه بس بداخلي مثل البركان صار مااكدر اشرح الي شعرت بي وسحبت سحب للصاله وهنا بعد ما حسيت شصار الا وابويه يطارد بيه بكل سرعته واسمعه يكولي... أفنان تسمعيني اذا تسمعيني ابقي مفتحه لاتنامين راح نوصل للمستشفى ورجعت فقدت
وما اعرف شنو الي صار غير واني منقوله كدام جهاز يشبه التليفزيون وفاتحين كل صدري وكومة وايرات عليه شي مرعب والدكتوره يم راسي والدكتور يفحص ويكول الوالدي ....عدة على خير الحمد لله على سلامتهابعدها
طلعت من المستشفى ونقلوني الغير مستشفى البغداد واني ما اعرف بشنو شاكين وليش هيج والدي يرجف من يشوفني به الحال وهم فحوصات وتحاليل وقرروا يطلعونه
الوالد... أفنان اكعدي من النوم شوفي شجبتلج
أفنان بصوت تعبان ...هلا بابا شنو
الوالد... افتحيها وشوفي شنو
افتحتها ولكيتها هديه كلش حلوه عباره عن أوراق وكتاب وأقلام رسم
وياها هديه ٢ كال هاي من الدكتوره الي وياي دزتها الج وتكول أشياء خاصه
أفنان ...شكرا بابا وشكرا الدكتوره لينا
...لو تدرين شكد جانت خايفه عليج
وكل شويه تجي تطمئن عليج
وهيه أصرت عليه انو اخذ منها الهديه وانطيها الج
افنان...ماعرف شكلك بابا بس صدك فرحتي مااكدر اوصفها
...كلشي لاتكولين بس كوميلنه بالسلامه وخلي البيت يزهر بضحكتج
وعدت وكعتي مره ٢وربي سترني وصارت كل ما احاول انام اتخيل المنظر اجتي عمتي وجنت مااضم عنها اي شي بعد بيبي هي كانت بدالها
جنان... هاعمه أفنان شلونج بعد عمري
أفنان... هلا عمه بخير احسن
....ياروحي شنو البيج ليش هيج امورج موتمام وكلساعه واكعه
انتي الجنتي ورده مفتحه هيج ذبلانه معقوله ماكو سبب
افنان..وانتي ياعمه هم صايره قليل تجين جنت متعوده عليج يوم وثاني يوم انتي عدنه
جنان... شسوي غير أمور الحياة ومتاعبها
هسه شلونها السبعه
أفنان... موزينه ابد
جنان... ليش
لان شفت نفس الي شفته قبل واني صغيره من كتلج
الشكل المرعب
جنان... يعني نومتج هاي الي بالفراش من سبب الي شفتي
أفنان ...اي
....وابوج عرف
....لا عمه محجيت الاي بشر بس الج
انتي الوحيده الي تعرفين بهالشي
نزلت على راسي باستني وكالت... عمه لتخافين انتي انسانه طاهره وروحج شفافة لذالك جاي تشوفين الأشياء هاي
نمت بحضنها وهي تمسد على راسي واني اكولها اي طهر هذا واي شفافية الي بسببها حيروح عقلي
صار الليل وبده التليفون يرن ومبطل رن
بداخلي اكول هذا عماد واكيد سمع من سرى السافله محاولت ابد ارد عليه وعقلي رافضة رفض قطعي
اما قلبي فلهاي اللحضه ما اعرف هل هو ينبض ام لا بي مشاعر الشخص معين أو خالي مااكدر احكم على قلبي بالأخص بعد الأحداث الي صارت
صبح الصبح وكان يوم جدا عادي والعصر منشوف غير ميس تجي والخلقه مكلوبه وتبجي ودخلت لغرفتها القديمه
راحت امي ركض عليها ميس يمه شبيج وكعدت بالكاع وصارت تكولها الامي
ميس... لحكيني لو تلحكون على الطفل لو لا
امي... وج ميس اشبيج منو وياج وشبي الطفل
ميس... ااشر على بطني واكولهم ابني ابني وابجي
ركضت فرشت إلها ونومناها اني والدتي
سرى من حجه عماد وي عمي ثاني يوم مكدرت اصبر رحت البيت اهلي ومن طبيت سلمت
أسئلتهم ميس وين
اماني ....ميس نايمه بعده محمد مااجه من الشغل وهي اله يجي يلا تطلع من غرفتها المحصنه
سرى... تعالوا لعد احجيلكم المصيبه الصارت عدنه
اماني و والدتي... المصيبه أفنان شسوت بعد
سرى.. مو أفنان صاحبة المصيبه هالمره عماد عماد يريد يخطب أفنان
وهذا الأمر ميتم ابد الا واني ميته
ميس ..
كعدت من النوم من ردت أطلع اسمع سرى تحجي الاهلها على أفنان وعماد ومن طلعت مستحت مني ابد بقت تسولف وتكول الك......ه
سرى احنه مندخل ك....ه بيتنه
ميس منو ال ......ه سرى احترمي نفسج واكلي تبن شهالحجي من الصبح
سرى ...اختج الك.....ه بواكة الزلم
ميس بقت تحجي حجي ميلبس عليه ثوب
منها كلمه ومني كلمه وعلكت بينه واني وحدي وهي وياها امها وخواتها ومن كد الكلام والمشاده الي صارت طلعوني من البيت
عمتي...طلعي بره بيتي انه ماعندي
مره تعلي صوتها عليه
و أجرت سياره و اجيت البيت اهلي وبالطريق حسيت نفسي انزف دخلت بيت اهلي بااخر نفس الي قهر على اختي والكلام الاسمعه عنها
وقهر من الوضع الي عايشته
أفنان... صارت ميس تسولف الصار وبعدها تسولف واجه والدي وسمع كل الكلام
امير...بصوت عالي شنو هذا الحجي الي اسمعه
انه بنتي يطردونها بالشارع
شنو ماعدها اهل ماعدها ابو يوكف بوجوهم
اذا ماسويتها ضلمه عليهم انه مو امير
اليوم اسويها وحده بوحده
باوع على امي يله ولج كومي لمي اغراضج وطلعي من البيت روحي على اخوتج وخواتج
ماالج ضله ببيتي
مثل ماطردو بنتي انتي ابدالها يلا
مريم...تبجي..وتتوسل...فدوه العينك امير انه شعليه بيهم
والله العظيم كلبي محترك على ميس
جا شنهي مو بتي بس بنتك
انته شنو ماتحس
امير...كتلج اطلعي بره والبيت يتعذرج
مثل ماتنهان بنتي تنهانين
وماتردين الا وكرامة ميس راجعه
غصبن على اهلج لو اعرف افلش بيوتهم على روسهم
واحنه البنات بس نبجي ونتوسل بي ...شنو ذنب امي حتى هي تطلع
امير ...اي وحده بوحده طلعوا بنتي أطلع أختهم وهذا آخر كلام
كامت امي وهي مكسورة خاطر وحطت دشداشتين بجنطه وخلت وطلعت راحت الخوالي وصار حالنه حال ما يسر لاعدو ولاصديق
هم امي تركتنه وهم اختي رجعت النه بس شلون رجعه فوكاها حامل يارب هم اكو باب للفرج
لثالث يوم
اختي نقهرت وبس تبجي
بابا جان طالع اندك الباب رحت فتحته لكيتها امي حضنتها وبس ابجي
خواتي سمعن صوتي واجن بقينه ربع ساعه شابكينها ونبجي
...يلا يمه انه رايحه اجيت اشوفجن وهسه اطمنت عليجن
طلعت ورى امي
ميس... ماما وين
مريم... طالعه ديروا بالكم على حالكم وبلغوا عمامكم هم الوحيدين الي يعرفون يصرفون وي ابوكم
أفنان... ماما لاتعوفينه
مريم...
شلون ما اطلع متعرفين ابوج كلمته وحده ومتنكسر ديري بالج على اختج ميس
ميس دتطلع امي من باب البيت ولزمتها من عباتها
... ماما اريد اكولج شي ضروري اني
يمكن طرحت
وكامت امي تضرب على وجهه وج صخام ليش وشوكت وشلون
ميس ماما ودنكت شاورتها
مريم... ولج دخلي جوه بالبيت أفنان مشي اختج الغرفتكم ونيميها وروحي صيحي مرة عمج
بسرعه
أفنان ...ميس امشي وسحبتها من ايدها اوديها الغرفتها واجه بابا وشاف امي باب البيت تباوع النه
وصرخ بصوت رج البيت رج
ولج هاي شجايبج مو كتلج ماتعتبين الباب امشي اطلعي بره
سحبها من ايدها وطلعها بره
وطلعت امي واخذت روحنه وياها واحنه حسرتنه الدمع بسكوت وكان هو السلاح الوحيد الي نكدر نعبر بي عن وضعنه
طلعت اركض على زوجة عمي دكيت الباب ودخلت بسرعه
وبديت اسولفلهم الصار باختصار وبركضه وحده اجت وياي ودخلنه ميس تصرخ من وجعها
...ميس عمه شبيج
عمه.... بطني موتتني
...أفنان اطلعي بره خل افهم من اختج طلعت وسديت الباب ورأيه بعد لحضات صاحت زوجة عمي
....أفنان اركضي جيبي ملابس اختج أطلع بيها الدكتوره ودزي وحده من خواتج يرحون على عمج يجيب السياره للباب اختج حالتها متبشر بخير
بعد دقايق سمعنه السياره دك هورن باب البيت وطلعوا ميس واخذوها وكلبي احترك حرك
رحت لملمت البيت من الهوسه الصارت ودموعي تصب على امي وعلى اختي المسكينه الي توها متزوجه مصار شهرين وهيج سووا بيها ليش و شنو السبب
الي خله اقرب الناس النه يسوون هيج بينه
رغم ماكو اي اذيه سابقه بينه ولااي مشاكل واني صافنه واشتغل واسمع السياره وكفت باب البيت وطلعت اركض نزلوا ميس ودخلوا جوه بغرفتنه ونوموها واني شابه بكلبي الف نار ها عمه بشري شلونها ميس
...زينه ديروا بالكم عليها خطوها ولاتخلون تصير هوسه يمها سوي العشه الخواتج وحافظي عليهم لحد ما نشوف مصيبة امج الي لأبيها ولاعليها وهيج صار بحالها هي واختج
طلعت مرة عمي وصلت الباب البيت وصحت... عمه
....ها أفنان شرايده
افنان.....عمه باقي بالي على ميس شلونها
لتخافين بيها العافيه صدك نسيت الدوه بالجنطه ومكتوب التعليمات وكت بوكته موتنسين يله مع السلامه
افنان...عمه عمه
...ها عمه شبيج كولي أفنان بحلكج حجي احجي طلعي لاتضل بكلبج
أفنان... عمه ادري ميس زينه انه مو بس عليها داسال اقصد غير شي
ها افتهمت انتي تسألين عن الطفل والله وكبرتي وصرتي تحشرين نفسج بالكبار
دنكت... لا عمه بس انه خايفه اخاف مات بطنها
لا عمه مابي شي مجرد نزف ومحتاجه راحه تامه
أفنان ...يعني عايش
...اي عايش واهم نقطه ترتاح وماكو كومه ابد
اي من عيوني عمه ابد
مااخليها تتحرك بس الصيحات وبس احس روحي هدأت شويه صعب الشعور هذا انك تحس حالك مسؤل عن هيج مشاكل
طلعت مرة عمي ودخلت اسوي العشه هناك ودخل والدي
امير...أفنان أفنان
...ها بابا هياني دخل وعيونو تنكط حمار منو جاكم
أفنان محد بس عمو مازن وزوجته أخذوا ميس للطبيب
امير ...وشكالوا شبيها اختج مات الطفل مو
افنان...دنكت لابابا عايش بس حالتها مزينه
امير...والله والله الا اخليهم يندمون على اليوم الي فكروا يمشون على بنتي وهيج سووا بيها
وطلع
يتبع
ممكن متابعه للكاتب
