قيود بين سلاسل الماضي
البارت 25
اسفه ع التأخير والله مو بيدي افنان صار عدها حالة وفاة وتاخرت
وان شاءالله ح ارجع وياكم يوميا ماعدا الجمعه والسبت اعوضهن الكم الاحد ❤
افنان
انهيت المكالمة من يم عماد احس روحي مثل الطير المفرفح فرحانه وطايره بعلوووو السما شيصير لو الحياة الي نعيشها كلها .....
هيج حب وتفاهم واحترام واهم شي بكل هذا احترام الذات الي اغلب الناس مفتدته
رجعت كعدت بينهم وكل بالي مو يمهم يم عماد وسوالفه التجنن أصفن .....
واذكر كلماته الي رددها وابتسم وارد أذكر شلون خفت منه ورديت على سؤاله شلون هيج جراءت وكتله احبك فزيت من صفنتي على نضرات
خالتي الي كلها حقد اوف لو بس اعرف ليش هالحقد هذا يعني حياتنه بعيده هواي عنهم ومن تلاكينه متلاكينه بخير ليش هيج حولوا .....
المحبه الكره باوعت إلها وكانما صار عدها شك يمكن بين عليه ويمكن لان مكدرت
اخفي فرحتي بكلام عماد يله هي هيج هيج عالكه خل افرح وكافي احسب الهذا والذاك
سهام...بضحكة حقد...هاا خاله شو فرحانه والدنيا ماواسعتج
شني هاي الفرحه النستج ابوج بالفراش
وضحكتج ضحكينه وياج تره ابو سيف مايستاهل وضايجين عليه
وباوعت على امي حتى تخلي شك عدها
افنان....لا خاله ابد مو يمج السالفه
وبعدين مو فرحانه مجرد ضحكت شنو ميصير
صديقتي خابرتني وتريد تزيح الهم عني وضحكت على حجيها
لو اكو شي ابالج
سهام ... لا ماكو مثل شنو
خايفه منه
....يتهيأ لج لا خايفه ولا شي عليمن اخاف واثقه من نفسي ممسويه شي غلط
مريم...شبيجن شو تحجن الغاز وانه مثل الأطرش بالزفه فهموني شسالفه
افنان...لا ماما ابد ماكو شي ولا الغاز
بس مجرد سوالف بيني وبين خالتي حبيبتي
حجيتها واني راصه على اسنوني
افتهمته هيه يعني العكس وماتت قهر راسن كامت وكالت
...يلا انه اترخص طولت ع البنات ضل بالهن عليه
هم امر عليكم غير مره
مريم...يا هلا ومية هلا بيج خيه تنورين شوكت ماجيتي
افنان
شفتها طلعت كلت لاهلا ولامرحبا دروحي عبالك گاعده على گلبي
سمعتني امي ضربتني خفيف على متني
...ولج عيب عليج هاي تبقه خالتج واختي مااقبل عليها
...ههههه هنيالج بهالاخت الي تحبج وتحب بناتج
من گبر لف بناتها
مريم...افناااان كافي عاد زودتيها
....ههههه يلا ماما بطلت خليت ايدي ع حلگي
((بقلمي ريتاج الموسوي))
عماد
رجعت للبيت طاير من الفرح مااكدر اوصف شعوري بس احس ......ملكت الدنيا كلها بكلامها الأخير
اوف يا بويه هاي كل بنيه هيج سوي تدمر اليريدها والله ايست منها الا شويه،،،،
على كل حال باجر اخلي اهلي يرحون الاهلها ويفضون السالفه وكافي انتظار كاعد على القنفه ومرتجي وبيدي الجكاره
وفاتت من يمي سرى وبكلبي كتلها اي يم المصايب ولج عين تباوعين بوجهي بعد السويتيه صلفه وساقطه من يوم يومج
افكر وقطع تفكيري صوت أبويه
الحجي.... هاي بويه اشوفك تمام ومرتاح
