قيود بين سلاسل الماضي
بارت 36
رن الموبايل ورديت بسرعه الو ياروحي
عماد هلا حبي ماعندي مجال
أفنان كول
عماد اني بالفلكه الي تدخل المنطقتنه اني وجماعتي جابتنه قوه وخلونه هنا وهسه رايدين قوه تجي تستلمنه
أفنان وليش القوه مدخلكم للداخل
عماد هاي لهنا حدهم ورجعوا حاليا احنه بمكان كلش خطر ومنكدر نتقدم الا قوه دخلنه
أفنان والحل شلون
عماد كومي روحي على بيت اهلي كعدي أبويه واخوتي وروحي البيت جيرانه بيت ابو حسن كعديهم لان ابنهم هم ويانه وخل هم يجيبون قوه ويجون ياخذونه قبل لا يحسون بينه ويرمونه يله بسرعه
أفنان ماشي رايحه وكلبي يدك الف باللحضه
سديت الخط وبديت ادور مثل المخبله على شي احطه على راسي يمكن من لهفتي ويمكن من خوفي عليه نسيت وين مخليه العبايه اروح هيج واجي هيج ردت أطلع تذكرت لازم احمد الله على رجعت عماد وأشكره
نزلت للكاع سجدت لله وحمدته وشكرته وبده الكلب يقره الف والف والف اشتياق
شلون راح اشوفه بعد كل هالمده شلون راح احضنه واشمه شكله نفسه لو تغير ضعفان سمنان بعده مثل قبل ابيض لو غيره الفراك وتغيرت ملامحه الف سؤال طرق مسامعي واي جواب ماكو لبست وطلعت اطارد يمكن بليلتها ما اعرف شلون تحملت واصبرت لحد ما يجي وعيني تنظره دكيت باب بيت عمي حيل بقيت ادك احس ايدي يبست من الدك هم من النوع الي ميفتحون الباب بسرعه دمرت أعصابي على مصاح عمي منو
أفنان اني
الحجي ها خيرج خوماكو شي
أفنان اريد احجي يبس حلكي ربي نطقني الوقت الضائع مو بصالح عماد ابد
الحجي اخذي نفس وارتاحي واحجي شصاير
أفنان اي اي راح احجي
الحجي ها كولي
أفنان عماد جايبتهم قوة ومنزليهم يم الفلكه الي تنزل المنطقتنه وانت تعرف المنطقه محاصره من كل الجهات والقوه الجايبتهم متقبل تدخل للداخل لان تخاف من الرمي والمواجهة
الحجي والحل شنو الحمد لله على السلامه
أفنان عمو كال جيبوا قوه داخليه تستلمنه
الحجي يله جاي بس شلون حدبرها وحدي
أفنان بقيت صافنه من كل عقله هيج يحجي جاوبته والله اني عندي استعداد اني اروحلهم
الحجي ولج المنطقه محاصره هي قوه جايبتهم ومتكدر تدخلهم انتي شبيج الوضع زفت
أفنان كمت ابجي واكوله والحل هذا عماد ومستحيل ماكو حل نكدر نسوي اله
الحجي روحي للبيت خل نفتهم شنسوي
أفنان يا بيت حروح البيت ابو حسن ابنهم هم وي عماد كال روحي كوليلهم
الحجي ساعه ٣ وين طلعين وحدج
أفنان لعد ابقى صافنه لحد ماتلكون حل
اني رايحه وشيريد يصير خل يصير اليوم مااسكت ولاارجع البيت الا عماد يدخل ويرجع بيناتنه
طلعت وشلتها بركضه البيت ابو حسن وبديت ادك بالباب قوي صاح ابوهم منو
أفنان اني
الاب منو انتي
أفنان زوجة عماد جيرانكم
الاب شخيرج بنيتي خومابيج شي
أفنان حسن دزلكم سلام ويكول اهلي خل يجيبون قوه ويجون يستلموني
اني كلت حسن لو احس طفر من الهول للباب مال البيت بركضه وكال يله بنيتي روحي البيتج عد عيناج اخذ الدنيا كلها مو بس قوه
