قيود بين سلاسل الماضي
البارت ١٢
ريتاج الموسوي
..........................
عماد.... رجعت من بيت خالي وقررت بيني وبين نفسي اروح اتقدم للبنيه
انه احبها ولازم تكون نهاية هالحب زواج بس شلون اتقدم إلها واني ما اعرف مشاعرها اتجاهي
يمكن ماتحبني
او يمكن يكون شخص ابالها غيري لازم اتصل بيها وأكللها بقراري هذا بس حتى لاتكول اصرفت بدون علمي و ترفضني
احسن شي احاول اتصل عليها دخلت البيت واني ودي اكطع سرى بين أسناني بعد ماعرفتها على حقيقتها
طلعت حيه من تحت تبن
اجه والدي من الشغل وانتظرته سبح وصلى وتعشه وكان الكل موجود والوالد مدنك يشرب بستكانة الشاي
عماد... يابه عندي موضوع وياك واريد الكل يسمع
ابو عماد... كول بويه واحنه نسمع
عماد ...انه قررت ازوج
ابو عماد... ساعه المباركة أبويه ويوم المنى الي اشوفك بيه عريس اريد افرح بيك واشوف جهالك قبل لا الله ياخذ امانته
عماد...شهالحجي يابه الله يطول بعمرك
وتشوف اولادي و اولاد اولادي
بس اخطبلي
ابو عماد...ان شاء الله باجر ادزلك امك ووحده من خواتك يخطبلك بنت الي تتمناها كل الزلم وماتطولها
عماد... لايابه انه شفتلي مره وكلبي هاويها واريدها مريه الي
ابو عماد ...شكو بيها اذا بنت ناس وعالم ليش لا نروح ونخطبها
عماد ...اي يابه وتعرفها واعرف أهلها
ابو عماد ...منو الله وايدك سولف
التعرفه مو مثل الماتعرفه
عماد ....توني اريد احجي
ونطت سرى من مكانها وكالت ....عماد مراح تلكه احسن من اختي اماني حلوه وشغوله وتتمناك
عماد... يا اماني سرى اختج حسبت اختي وامج قبل أسبوعين هم كلتلي عليها واني رافضها وبعدين وين راح حبيب الكلب الي تحبه ويحبها
اباوع عليها صار وجهها ينطي ألوان
صاح الوالد .....خلوووونه نفهم منو الي تريدها كول واحنه وياك اذا ناس اوادم وماعليهم زود
عماد.... كتلك يابه ناس كلش زينين وتعرفهم
احجي خليني افهم منو
عماد ...أفنان بنت ابو سيف
ابو عماد...اها اي خوش اوادم والنعم منهم بيت عمك ماخذين منهم مره وهم يصيرولنه أقارب بس لا تروح ولانجيهم بيها البركه أبويه
