قيود بين سلاسل الماضي
بارت ٣١
صباح الخير عليكم حبايب قلبي ❤
أفنان
طلعت العماد لكيته واكف باب الغرفه واول مشافني كعد الحيله وكال
....خير خوماكو شي ترى وكع كلبي
.... دنكت وشاورته بإذنه وكتله يمكن دااطرح
عماد
كولي ياالله ياطرح بليل جنتي مثل الورد مابيج اي شي
...عماد داانزف روح صيح امي اريد امي
...ماشي أخذني من ايدي فتح البطانيه
وكال نامي هسه اروح و اصيح إلها المهم ترتاحين
.
. طلع عماد والوجع اختفى بس النزف مستمر دقايق وصل هو وامي ودخلوا للبيت
عماد ...أفنان هاي جبت امج
ردت أكعد الحيلي صاحت امي تقيدي لاتتحركين وندارت على عماد روح عمه الشغلك اني هنا يمها
أفنان ودنكت امي تسألني عن حالي
حجيت إلها الوضع
ردت على عماد
... وكالت يومه روح ليضل بالك اني هنا وشنحتاج احنه نتصل بيك
عماد... عمه اخاف تحتاج طبيب اروح وياكم
ام سيف ....حاليا تحتاج بس انت روح هاي شغلنه احنا
...
اذا تحتاج فلا مراح اروح ابقى هنا اقلها اكون وياها
ام سيف
براحتك يومه لعد بين ماالبسها روح جيب إلها تكسي للباب
طلع عماد واحس روحي ماعت ما اعرف من شنو خوف على قلق على شي يصب من شعري وكل جسمي ضهري وجسمي كوله يصب عرق رغم احنه شهر الثالث والجو بعده بارد نوعا ما كتلها الامي كالت ليش هيج اخاف مستحره
... لا بالعكس بردانه
... يله يومه هاي لبستج خليني اخذج للطبيبه وهي تقرر حالتج
أفنان
اجه التكسي وشالني عماد شيل وخلاني بي وكعدت امي يمي وعماد بالصدر
عماد... ها وين مستشفى لو عياده
ام سيف.... لا والله عياده اقلها يعتنون بيها احسن من المستشفى
عماد... ماشي
والطريق كله انخه بربي انو يكون الطفل بخير
وصلنه ولان حالتي تعبانه كلش دفعنه مستعجل السكرتيرة ودخلنه اول الناس
دخلت للطبيبه وبدت تفحص بطني وتسالني عن السبب بعدها كالت
الدكتوره ماما اي نبض للطفل حاليا ماكو مدااسمع اله ولذلك راح احولج على سونار
أفنان ماشي اخذت الاحاله وطلعت وحجيت الوضع
عماد مو مشكله يله هسه اوديج المهم سلامتج الكاتبه الله يصير
ام سيف... والنعم بالله
... رحت الام السونار وبعد الفحص
الدكتوره ماما صار شكد تنزفين
... اليوم
... متاكده
... اي خير دكتوره خوماكو شي
.... روحي واخذي هذا التقرير ودكتورتج تفهمج
أفنان حسيت من كلامها اكو شي ولذلك طلعت ودموعي تصب ١٠ عشره مو الم جسدي لا كان الم روحي
طلعنه ورجعت للدكتوره اول ما قرت التقرير كالت
الدكتوره
... ماما أفنان انتي متاكده توج نازفه ....اي قبل ساعات مو أكثر
