قيود بين سلاسل الماضي
البارت ٢٠
ريتاج الموسوي
......🌹🌹🌹🌹🌹🌹🌹🌹🌹.......
#أکتب یا قلم بهداي ....✍
لا تکتب سبب #نوحي..
لأن #جرحي أنکشف للناس💔
ورشو ملح #بجروحي #
نزلت بحضن عمتي مرعوبه من صوت أبويه يمكن لان اعرفه من يعصب واعرف شحيسوي ويمكن لان عماد كلي بالرساله دخل وكال
...وين أفنان
أفنان ...نعم بابا
...تعاي للغرفه وسدي الباب وراح
أفنان
دخلت وكل جسمي يرجف
صاح ....اكعدي وكعدت
شمر بحضني الورقه وكال ...هاج اقري
أفنان...
اقره ودموعي تصب متاثرت بالكلام كد ماتاثرت بلي كتب الكلام شلون ينطيها كلبها تكتب هيج كلمات وتمارس هيج أفعال ضدي
احاول امسك روحي كدام أبويه بس الموقف كلش كان مؤلم مؤلم انك تعيش قمة احزانك بسبب أشخاص قريبين الك مؤلم
وقاتل الشعور من تشوف أبسط احلامك والي من حقك تعيشها يدوسوها اقرب الناس
الك ويمنعوك تعيش حياتك رغم كل اذيتها الي مفكرت بيوم ااذيها من صدك يخطر على بالي انو انتقم بس وكت ما توصل الفرصه
اليمي أذكر ربي غفور رحيم واتجاوز عن سياءاتها فزيت على صوت أبويه وهو يكول............ امسحي دموعج أفنان
أفنان...... ممصدكه الاسمعه منو الدايحجي هيج معقوله هذا أبويه
اي اي والله هذا هو بس مستغربه ردت فعله لارفع صوته ولا عاملني بسوء
وبكل هدوء سألني.... هاي شنو ومنو اله مصلحه يشوه سمعتي بنص المستشفى
أفنان ....
دنكت وكتله تسمح لي احجي لو تحكم بدون ماتسمعني
الوالد احجي باختصار بدون لف ودوران
واني
بكل هدوء كتله هاي سرى
الوالد... متاكده
أفنان.... اي وعندي الف دليل
سكت لحضات وكال كومي روحي غسلي واني اعرف شلون اصرف
أفنان
من صدمتي معرفة حتى شلون ارد عليه كمت من يمه مثل الطياره وللغرفه بكل سرعتي تلكتني عمتي حضنتها وابجي بكل حركه
جنان...وج يمه شبيج فنونه
افنان...عمه والله مكاعد اتحمل خلص كلبي وخلص صبري
