قيود بين سلاسل الماضي
بارت 39
عــلـى نـيــتــي #دســت⁉️
والخطوه صاحت #وين🚶♂
الــــبـــاب #الـــمـوالــك✋
ابــد لا تـطــخ #سـرگـيه🥀
سفه ع الخربطه تم تعديله
بيومها كنت مرعوبه حيل وصلنه للبيت دخل عماد وكال فوتي دخلت وكان الوقت شهر الواحد برد حيل ومطر بليلتها كلش قوي دخلنه واول دخلتنه كال عماد
عماد أفنان يله نبلش نضف حتى نلحك نوم الاولاد
أفنان ماشي وبديت التنضيف
من البدايه النهاية البيت كملت وعدلت كل شي صح كان ماكو اي شي بالبيت كلها مكسره ومطشره لبيناهن وذبيناهن اني اعزل واغسل وعماد والاولاد يشيلون ويذبون بلزبل لحد ماكملنه كل شغل البيت وهنا عيالي عرفوا برجعتنه بس محد حجه بيهم ولاسمعت منهم اي كلمه كنت أتصور انو خلص الوضع المأساوي ورجعت الأمور كما هي لكن سرى هنا هم كان إلها دور بتحطيم آخر امل برجعتنه للبيت
سرى
من سمعت أفنان وعماد رجعوا للبيت الوقت كله بقيت الوب مثل السمجه المسمومه عمي بليلتها كان مو بالبيت طالع واحمد نايم بالفراش ومكسر بقيت انتظر لحد ماكملوا شغل البيت وتعبوا عليه اي ياافنان عبالج اخليج تتهنين اني وراج وراج مستحيل اخليج ترتاحين لو لحضه
سرى،،، اتصلت على عمي بما انو الوقت صار الو عمو عماد وافنان مرته رجعوا للبيت وهسه بايتين بي
الحجي تحجين صدك
سرى اي والله جون من المغرب واشتغلوا وقبل شويه كملوا
الحجي سديت الخط منها وشلت السلاح وطلعت
سرى عمي بليلتها كان بايت يم زوجته ال٢ عمي مزوج ٢ عمتي ام احمد كل خلفة عمي منها وزوجته ال٢ ممخلفه ابد وكانت هاي الليله يم ال٢
أفنان كملنه شغل ونومت الاولاد وتوني مخليه راسي على المخده اريد انام اني وعماد وسمعت الطلق ترس المنطقه ترس
والباب تندك قوي
عماد
كنت للباب عرفت أبويه عرف بجيتي لكيت أخويه الجبير وزوج اختي الصغيره جروني وطبوبني للداخل وكالولي عماد ابوك ناوي عالشر اخذ جهالك ومرتك واطلع منا
عماد ،،،،
طلعه ما اطلع وشيريد يصير خل يصير وشيريد يصير أكثر من هذا وااشر بيدي واكولهم اسمعوا ولكم حتى لوبيت كاوليه هم ميهجم هيج عليه
أفنان اسمع الدايصير بره بالبيت واني بالغرفه رحت حضنت أطفالي وابجي بسكوت بليلتها ايست من عماد كلت هاي هي لو قاتل لو مقتول ما اعرف شعبر عن هاي الليله كل الاكدر اكوله ربي لايسامحكم
لادنيا ولا اخره والي وقفه أمام الله مع كل شخص اذاني واذه زوجي واطفالي وخلاني اعيش هاي اللحضات والأيام والليالي
بدت أصواتهم تتعالى والكل يريد عماد ياخذنه ويطلع وعماد مصر ميطلع الا ان سمعت ابوه يكولهم لو يطلع لو أفرغ السلاح هذا برأس مرته ولده هنا اني فقدت من الصدمه حتى الدمع جف بعيني وكان السكوت مني سيد الموقف بلحضتها وباقيه اسمع كلمات عمي المخزيه بحقي وشلون يغلط ويسب
طلع عماد وصار هو وابوه وجه بوجه وكله هاي اني كبالك اضرب يله اضرب شكد تريد تضرب كم طلقه وتريح حالك اضرب وريحني وارتاح واخوه وزوج اخته يصيحون بعلوا صوته ولازمين عمي حتى لا يضرب بالسلاح بليلتها شكد حاولوا يأخذون السلاح من ايده محد كدر رجعوا يحجون ويتوسلون بعماد يترك البيت وعماد قابل ميقبل يرجع
الا ان دخل حمايه عليه وكال كومي راح يوكع دم بين الاب وابنه كومي خل اخذج وأخذ جهالج واطلعكم منا
أفنان مكدرت اجاوب من صدمتي بس أشرت براسي على عماد بمعنى مصيرنه من مصيره رجع العماد وبقى يترجاه ويتوسل بي
ويحلفه بكل المقدسات وانوا هم مراضين بالدايصير بس حكم القوي ويبقى الاب اب
عماد انت شداتحجي اني لحد الان محترم وحتى صوتي مرفعته لو اريد هو بسلاحه واني بسلاحي هسه اسوي الدم للركب الحجي مو وياي احجوا وياه هو الي دايسوي كل هاي الأمور
أفنان
سمع ابو عماد كلام عماد وبهاي اللحضه وجه سلاحه عليه وعلى اولادي وبقى يصرخ على عماد تطلع لو أطشر روسهم كدامك واخليك العمر كله تنوح عليهم
وحمايه زاد بصياحه على ابوه ويرد على عماد يتوسل بي بلحضه وحده شفته قرب مني وسحب جود مني وكال شيلي حمودي وامشي ترى الوضع مابي اي مجال بعد كمت شلت حمودي وهو شال جود وطلع كدام ابوه وكله
هاي اني طلعتهم كافي فضحتونه بنص الليل والجمال تخبلوا
عماد بلحضتها التزم الصمت من شافنه شلون اني واولاده منهارين حيل لدرجه حتى منجاوب ولا نعرف شنو الكلام الي دايصير بينه
الحجي طلعهم لاباركه الله بالساعه الي شفتهم بيها
الدنيا تمطر والجو بارد وماكو سياره خلونه بستوته مال حمايه ومشت بليلتها الستوته
والهوى والمطر كص وكوه عظامنه كص ليله مرة بوقتها لكن الهاي اللحضه مرارتها وكل ماكلبي يلين او يحاول يسامح اذكره بهاي الليله الي محد رحمنه بيها خلت بي هاي الليه جرح وشلخ كلش جبير بليلتها نسيت أفنان الطيبه بهذا البيت ودعتها الروحي وطلعت وبتدات رحلة أفنان ٣
سرى بعد ماطلعنه من البيت بكم شهر اكتشفتها عمها وهذا ملخص الصار ضيفي وي البارت نسيت اكتبه
الحجي وين سرى لعد
ام احمد طلعت كالت اروح اجيب كم غرض من السوك واجي
الحجي ماشي اني طالع
طلعت من البيت وكلبي ينكط دم بيومها كنت راجع للبيت وكنت اتمشه وكدامي زلم ٢ يتمشون وميعرفون بيه اني وراهم وصلنه قريب الباب واسمعهم واحد ؤكول لل٢ والله جنة بيت ابو احمد نكست بيتهم قبل الناس تحلف براسهم هسه الي يمر من يم بابهم يبصق عليها وبصق على باب بيتي بيوم ردت الكاع تنشك وتبلعني ولا اسمع هذا
الكلام دخلت وسألت زوجتي عن سرى وكالت طالعه عرفت بيومها يقصدون بالكلام سرى لان هواي كان يوصلني كلام عليها ومااصدك طلعت والنار واجه بنص كلبي اني بنت أخويه تنزل راسي بين الناس اليوم افنيها من الحياة طلعت ادور بين الطرقات وامشي واتوسل بربي الكاها ويوم الشفتها فقدت صوابي وفقدت عقلي جبتها من السوك للبيت
دك وضرب ماخليت بيها عظم صحيح التوثيه نفسها الي ردت اضرب بيها أفنان وعماد بيوم العركه نفسها صارت كبال عيني وبكل قوتي اصيح واصرخ موتي ولاجيبين العار تالي عمري الي دخلت زوجتي صرخ وبناتها من شافوا امهم ماتت جوه ايدي كاموا يصرخون ويحاولون يخلصوها من ايدي ومكدروا بيومها كنت ناوي على موتها خلاص
كمت من شوغات روحي واعصابي التلفت اضرب على منطقة الحساسه مال سرى دفرات واكولها ام الكوداه فاحشه ساقطه انتي تنزلين راسي فقدت الوعي مني وكعت ورحت اجيب السجين علت أصوات بناتها وتوني اريد أدخل اذبحها ودخلت امها واخوتها واخذوها من ايدي وخلصوها بقينه
بقينه بحدود الساعه نصايح اني واخوتها وتتعارك
ام سرى شبيك تخبلت تالي عمرك هيج تضرب سرى شنو ماعدها اهل ويأخذون حقها
الحجي انعل ابوكم لأبو اخوتها لوبيكم خير كان عرفتوا بنتكم بيادرب ماشيه هالساقطه هاي اليوم اله اذبحها
سامي وعلى اي اساس تذبحها واحنه موجودين جيبها احنه ناخذها هي عدها اهل واخوه واحنه نصرف وياها
الحجي اخذوها وطمو عارها اذا تكدرون
سرى
وعيت على نفسي امي واخوتي فوك راسي
ويردوني اكوم مااكدر بالأخص المنطقه الحساسه متاذيه حيل وكل جسمي مكسر اخذوني اهلي وياهم وبقيت بيت اهلي ٦ أشهر عمي وزوجي مصرين يطلكوني من اول يوم كالوا طلاك وامي بيومها ماخلت سحار مراحت اله حتى ارجع لعيالي والزوجي بقيت ٦ أشهر كل يوم سحر شكل كنت انطي البناتي
هم ينطوه ويخلوه البيت جدهم بالأكل والشرب ايست ارجع الحياتي ماخليت باب مادكيتها واتوسل يرجعوني ومرجعوني آخرها رحت البيت الشيخ وحجيتله كل شي ووكعت دخيل عنده يرجعني البيتي وفعلا دز خبر العمي وهم اجانه الجواب ميقبل واستمر الحال هيج وباقيه يوم اسكيهم ويوم ارشلهم لحد ما رجعت سيطرت على الوضع وكدرت ارجع بعد أكثر من ٦ أشهر ومن يومها واني مسيطره على الكل وكل ما اشوف السحر بده مفعوله يقل ارجع اكرره الهم وهاي حياتي اليومنه هذا حتى بناتي مشيت نصيبهم بالسحر والشعوذة وهيج عايشه حياتي
أفنان
من سمعت بسرى وعمي شلون كاتلها هيج كلت سبحان الله صدك لو كالوا يمهل بس ما يهمل اني وعماد بوقتها اجرنه بيت وكعدنه بي واطفالي كانوا اجمل شي بحياتنه ٢ بس الي صار وتغير علينه بهاي الفتره هي اخلاقي ما اعرف ليش صرت اضايق واتحسس من كل شي ونفسي صار ضيق حتى وي أطفالي حاولت هواي افهم روحي ليش هالتغير مكدرت ابد كنت داءما اكول بسبب الي مريت بي عماد بهاي
الفتره استمر بعمله مرت ايام وليالي علينه صعبه حيل بحيث نفسيتي حيل تعبت منها حاليا شهر ال٣ سنة ٢٠١٣ انتظرت موعد ال....وماكو حللت طلعت حامل حيل فرحنه بيومها الاطفال كلش فرحوا لان من ٢٠٠٧ آخر حمل وصاروا محمد وجود كبار ومن عرفوا بي حامل احس الفرحه تتطاير من عيونهم حتة عماد بيومها فرح كال هاي اخر حمل شنو الي يرزقنه الله فخير وبركه سواءا بنت او ولد
أفنان بس اني رايده هالمره بنت حتى ولد ٢ واخت خير من ربي
عماد هو بعد نخلق ولد او بنت هاي ربج ورزقه
أفنان والنعم بالله
وبدت أشهر الحمل تزداد وعيالي محد بيهم سال فقط اخت عماد الصغيره بعد غيابنه من البيت ب٣ أشهر اتصلت على عماد وحجت وياه وخبرته والدته تبجي عليه طول هاي الفتره وبقى عماد يتواصل وي امه من خلال اخته اما باقي عيالي فالكل التزم الصمت القاتل والانحياد ومحد اجه منهم ولا حد عرف بينه وين صفه الدهر حامل ٦ أشهر واخت عماد تحاول هاي الفتره تتواصل وياي وي اولادي
بس اني كنت كل هاي الفتره ماخذه من الكل موقف لذالك جنبت حتى سؤالها وسلامها كانت تمر الأيام بين المر والحلووو صعبه وسهله بااول الفتره لاقيت صعوبه بنسيان الأمور الي حدثت وياي أيام ولادتي قرب وعماد كان بيومها بعيد عني بدوامه وعمله وامي كانت مسافره هي والد الالمانيا الحضر وياي بالولاده زوجة سيف وزوجة عمي صار عندي حاليا ولد ٣ واحد احلى واجمل من الاخر عين الله تحرسهم
مرت كم يوم على ولادتي بحدود الشهر عيالي سامعين بي ولدت حمواتي ٢ وزوجة حماي الجبير اجو وزاروني بيتي وذوبوا الزعل الي بينه وعمتي هم بعد فتره كامت تجينه كل شهر وتبقى ٤ او ٥ ايام كان تعاملي وي عمتي مثل البنت وامها هي من البدايه انسانه فقيره وماالها اي دخل بكل الي صار ومن اهل الله لكن عدها عيب واحد الي تسمعه هنا تنقله هناك مرت الايام وكدرت اشتري قطعة ارض وبدينه نجمع
الفلس فوك الفلس حتى نحاول نبنيها حاليا دخلت علينه ال٢٠١٤ والكل يعرف شصار بهاي السنه من أحداث مدمره للعراق وسقوط عدة مناطق بيد داعش منطقتنه شاهدت أحداث عنيفه وتم محاصرتها من قبل داعش لمدة ال٣ أشهر سقط إعداد كثيره من الشهداء والجرحى وصل بهاي الفتره عدد الشهداء لل١٠٠٠ وميه شهيد بيتي كاعده وكيان حبيب امه ما اعرف ليش بس يبجي ومابطل ابد بجي ويصرخ حاولت وياه شكد اسكته مكدرت تهسترت أعصابي واني احاول لكن مكدرت بليلتها بقى للصبح هيج وضعه والليل كله عماد باقي على اتصال وياي قبل الفجر بشويه كال اروح اتحضر للصلاه وبعدها انام شويه
أفنان ماشي حبيبي س
سديت الخط منه وما اعرف ليش احس كيان ولا حتى اني مرتاحه بهاي الليله شعور كان حيل مزعج
بعد الفجر صليت باوعت الكيوني بده يتعب ويريد ينام هنا عمره شهرين او اقل بكم يوم رضعته وخليته على فراشه نام واني هم حسيت بتعب رحت نمت كعدت على صوت الموبايل يرن
باوعت حبيبي يتصل بك
ابتسمت وكلت بنفسي اكيد يصبح علينه
أفنان الو حبيبي صباحو
الو احنه الدوله الاسلاميه ولدكم كلهم صاروا بيدينه وذبحناهم كلهم ذبح الشاة
أفنان للحضه وحده حسيت هاي مزحه وكتله منو انت وكافي هيج تسوي عماد مو وقت شقه منك
لكن اجه بمسامعي تكبيرهم وهم يصيحون تكبير
الله اكبر
تكبير
الله اكبر
هنا اني فقدت
صح كنت اعرف مكان عماد خطر هو واصدقاءه بس مكنت أتصور هيج بلحضه ممكن كل شي يتوقف ويتغير
احاول اتصل كله مغلق طلعت اركض البيت اهلي واصرخ وابجي اول مدخلت كان باين على وجوههم كلهم انو هم يعرفون بالي صار
امي هاي شبيج يومه أفنان اسم الله واجت بلهفه اخذت كيان من ايدي
احجي ليش ساكته مو راح اموت
أفنان
عماد ماما وجماعته يكلون لازميهم وذابحيهم
امي بقيت ساكته وفززني صوت أفنان يومه احجي صدك هذا الحجي سمعتوا هيج شي ليش ساكتين
امي سمعنه على اساس هم ٨ منهزمين ٥ وذابحين ٣ أفنان كمت أصرخ وكتلها يعني عماد وياهم احجوا ليش ساكتين
امي طلعت قوه عليهم ولحد هاي اللحضه محد منهم لاكين بس
أفنان بس شنو
امي لاكين بس ٣ جثث بلا روس ومثلين بيهم بحيث ما باقي بيهم شي
أفنان بيومها ضجت المنطقه ضجه كان يوم القيامه صار كل الأهالي تريد تسمع أخبار ولدها لل ساعه ١١ الصبح اجه الخبر الأكيد ٣ مذبوحين وتم التعرف عليهم و٥ مفقودين ودايبحثون عنهم بيومها ماخلوا مكان مادورا بي حتى منادات بمكبرات الصوت سوا عنهم يوم
رعب كان بمعني الكلمه حاطه أطفالي بحضني وكاعده بيت اهلي وبس دموعي تصب بعد الساعه ١٢ ونص بدت تنزل على مواقع داعش العمليه كامله من اولها البدايتها وحتى حز الروس والتمثيل بالجثث نشروها قامة القيامه بيومها واحترك الأخضر واليابس على الي صار ولد بعمر الورد راحوا بشربة مي
وتم التعرف عليهم وجابوهم اهلهم المغرب قبل اذان المغرب بشويه واني بيومها لا بقى حيل عندي ولابقت دمعه ابجيها دك الموبايل رقم غريب فزيت مرعوبه كلت اكيد هم الدوله الااسلاميه رحت اطارد بتجاه والدي وارجف وكتله اكيد هم رفع الخط والدي وصاح الو
عماد الو
والدي حمد لله على السلامه عمو
عماد الله يسلمك واحجي بصوت ناصي حيل
الوالد وين انت عم بالنه مشغول والدنيا هنا محتركه حرك
عماد الله نجاني بهاي الليله والاكلنه كان نذبحنه
الوالد هاي مرتك راح تتخبل هاك احجي وياها
أفنان اخذت الموبايل من ايد والدي
وصحت الو
عماد الو حبي لتبجين اني بخير صدكي
أفنان جذاب وأكبر جذاب انت واحد اناني ومتحب غير بس حالك
عماد ليش حبي هيج هاي بدل متكولين حمد لله على سلامتك
أفنان
كم مره كتلك بطل من هاي الشغله كم مره بجيت كدامك وكم مره وكعت دخيل عليك تترك هاي الشغله
عماد غير حتى أعيشكم عيشه زينه
أفنان ياعيشه انعل ابو الحياة وانعل ابو الفلوس احنه رايديك الك مرايدين حياة بدونك ولو صدك تحبنه مثل متكول متعوفنه وتروح بحلك الموت وكل فترة ميتين موته شكل
عماد حقج والله كافي حبي لتبجين مو زين عليج حليبج ينشف
أفنان هو هذا الهامك حليبي
عماد لا اكيد انتي وابني ولدي الباقين كلكم تهموني
أفنان وين انت و شنو هاي المصيبه الي حلت على منطقتنه عماد هجموا علينه وكنا مجموعتين المجموعه الأولى ضحت بروحها حتى المجموعه الوراها تنقذ حالها وشوفة عينج ذبحوا ٣ من عدنه
أفنان ابجي واذكر صورهم
تمر كدام عيني
أفنان موبايلك وين عماد عفنا الاول والتالي وشردنه من شفنه القبلنه انذبحوا
أفنان ترى اتصلوا عليه الدوله وهم الي كالولي ذبحوا جماعتك
عماد أفنان ذبي السيم كرت وانطيني ابوج بسرعه
أفنان رحت الوالدي وكتله عماد يحجي وياك
الوالد ها عم
عماد عم اخذ السيم كرت من أفنان واتلفه واشترولها واحد ٢ واني الحمد لله وضعي زين اجت قوه اخذتنه وحاليا بخير بكره انزل او بعده
الوالد ماشي تدلل والحمد لله على السلامه مره ثانيه يرادلك ذبيحه الوجه الله تعالى من تجي لازم نذبحلك
عماد الله كريم بحيل الله
أفنان
هيج مرت ايامي كل ما ارتاح كم يوم تجيني مصيبه جديده نزل عماد وكانت هاي اخر مره يروح بيها العمله ألوالد بيومها قسم كال بس يجي مستحيل بعد اخلي يرجع لو يعيش هو ومرته واطفاله على خبز وبصل بعد نزوله والدي قدمله على تعين وبحكم مكانته الاداريه كدر
والدي يحصله وضيفه مدنيه صح الراتب قليل لكن وجوده بينه كان يسوى كل املاك الدنيا
عماد وماادراك ماعماد اقدس رجل بحياتي بعد الرسول واله كل الكلام الي تكلمته قليل بحقه
مشت الأيام صح تاذينه ماديا وصح اهله كل هاي الفتره بعاد عنه بس مرتاحين مرة السنين وهيج حالنه كل مانجمع كم فلس نبني بيها شوي حاليا ٢٠١٧ شهر الواحد ٢٥ بي ولازلت ارضع كيان رضاعته طبيعيه لان طبيعة رحمي ميتقبل اي مانع حاليا عمره ٣ سنين ونص بديت اشكي من دوخه وأعراض ثانويه تختلف عن كل مره اكون بيها حامل لذالك كلت هذا مو حمل لان اختلاف جذري بعد شهرين من الأعراض رحت راجعت الدكتوره وبيومها صدمتني حيل
أفنان ياحمل دكتوره اصلا اني مسويه مانع اني وزوجي وارضع طبيعي
الدكتوره ماما حامل وحتى نتاكد سوي سونار
أفنان اخذت الورقه ورحت للسونار واول مخلت ايدها بالفحص كالت مبروك ماما حامل والطفل بي نبض
أفنان بقيت صافنه ليش من شوكت حامل
الدكتوره شهرين واسبوع
أفنان يعني بي روح
الدكتوره اي مامه وهي تمشي ايدها على بطني
الدكتوره ماما يمكن اكو ٢
أفنان بقيت فاتحه حلكي إلها شنو ٢
الدكتوره اي كيس حمل ٢ بس ماكو اي نبض بي
أفنان يعني شنو
الدكتوره يعني بس طفل واحد متلقح وال٢ كيس مابي اي طفل
أفنان والحل
الدكتوره عادي ماما ماكو اي أشكال
أفنان كمت من يمها والخوف والارتباك يقره الف شراح اكول العماد والله هالمره مراح يسامحني شلون يصير حمل واني وياه متفقين منسوي اي طفل بعد رجعت للبيت وكان باين على وجهي التغيير والضوجه مو اعتراض على رزق الله لكن عماد متفق وياي خلص منسوي اي طفل
عماد
دخلت وكنت اعرف باافنان رايحه للطبيب واول مدخلت شفت وضعها حيل مو تمام عرفت اكو شي او كلام وياها كتلها بس لاحمل
أفنان باوعت عليه وكتله والله مو بيدي رزق الله
عماد كمت اصيح على أفنان وكتلها بس احنه متفقين
ليش هيج
أفنان والله ولا أدري بي اصلا كل شي يختلف عن الحمل السابق لذالك كلت مو حمل
عماد والحل
أفنان وكفت كباله وكتله شهرين وشويه ياحل من كل عقلك ممكن اذبه
عماد لعد شلون
أفنان
هاهي حاله حال إخوته وبلكي تطلع بنيه وهيج الله يفرحني تعرف بيه شكد احب البنيه
عماد كطنه وشيليها من اذنج مستحيل تصير عندج بنيه
أفنان بساعتها احس عماد ضربني طلقه بنص كلبي دنكت وكتله شتقصد
عماد
حسيت على روحي شحجيت حاولت اعتذر منها بس بيومها صرت اناني وحتى اعتذار معتذرت لان زعلت منها من عرفت حامل واحنه متفقين منسوي اي طفل بعد امشيت وعفتها وهي فعلا زعلت مني بقينه ايام على هذا وضعنه حاولت اصالحها كم مره بس هي متقبل ابد بقت زعلانه مني ٣ أشهر كلام بينه على حد السؤال وبس احاول اتقرب منها تصدني بطنها بدت تكبر وهالمره تختلف عن كل مره ما اعرف ليش بس حملها هاي المره يلفت النظر حيل
أفنان
صار فتره ما احجي وي عماد وبيوم كاعده اكلب بالموبايل دخلت على كوكل شفت عماد منزل اجمل الأسماء ومعانيها ومنزل اسماء بنات فقط فرحت بكلبي حيل حسيت عماد تصالح وي حملي وبده يتاقلم وياه مشيت بتجاه عماد ومخليه ايدي على بطني
أفنان عماد سؤال
عماد كولي
أفنان صح انت متريد الطفل الي بطني
عماد اي
أفنان كول والله مرتين
عماد ابتسمت وكتلها حرام الحلف
أفنان الحلف حرام لعد حلال من تجرحني وتكول مراح تشوفين البنيه وجلال من تكول شوفي حل ما اريد هذا الحمل
عماد والمطلوب هسه شنو ياام حمودي
أفنان اذا صدك مرايد الطفل لعد ليش منزل هاي وخليت الموبايل بوجهه
عماد هههه هيج إستطلاع
أفنان هااا اني هم هيج كلت وردت امشي جرني الحضنه وكال لشوكت تبقين ناطيتني ضهرج أفنان
أفنان من تحب البطني مثل محبيت اخوته عود اعطف عليك واسامحك
عماد منو كلج ولد
أفنان انت
عماد لا اني احساسي يكول بنت
أفنان ههههه ترى جرحك ميطيب لتحاول هسه تضمده فات الأوان
عماد لا وداعت حبنه بنيه متاكد
أفنان وتحبها لو لا
عماد منو كلج أكرهها
أفنان تصرفاتك من عرفت بي حامل
عماد اني مو اكره الطفل او اكره هاي النعمه بس اني اتفقت وياج كتلج بعد ماكو طفل لان وضعنه المادي ميسمح بهالشي ابد
الطفل يريد حياة حلوه وراحه وين نجيبه اليا عذاب هاج شوفي حال الدنيا شلون صاير
أفنان والله حقك بس والله صار غصب عني مكنت اعرف وانت تدري اي مانع ميصير اليه
عماد سحبتها الحضني حيل وبديت اشم بركبتها واكولها هسه محنيتي على عماد المسكين
أفنان
ههههه يا مسكين هو اني اكدر مااحن عليك
أفنان مرت فتره الحمل وصلت السابع نهايته كعدت من النوم طبيعيه حيل ردت اكوم حسيت طك بداخلي شي كمت الحيلي شفت نفسي غركانه اخذوني امي وعماد للمستشفى وقرروا انو عندي ولاده مبكره رقدت بالمستشفى ٣ ايام دخلت ال٨ ولدوني ولاده صناعيه لان الطفل خلص المي وبده يختنك
بيومها ولدت بنيه كانت كلش ناعمه اقل من الوزن الطبيعي بهواي دخلوها خدج وبعد فتره وهي بالخدج ضربها فايروس خطر جدا وكالولي اذا عاشت مستحيل تكون طبيعيه عدة الفتره واخذت كورسات العلاج الي انهكتنا ماديا وجسديا ونفسيا
لكن بفضل الله اليوم أصبح عمر بنتي الي أبوها اختار اسمها بيومها وسماها قدر سنتين وشهرين وكانت حياتها أشبه بالمعجزه لان تحدت العلم والأطباء وعاشت طبيعيه جدا بل احسن من الطبيعيه وعاشت قدر حياتها بشكل جدا طبيعي ورغم صغر عمرها الا انو تتكلم لغتين عربي وانكلش اخوتها يعلموها هيج وهي ماشاء الله تستلم بسرعه قدر أصبحت
الآن مد لله العاءله وبالنسبه لبوها يعتبرها نفسه اليصعد والينزل قدر طفله عدها شخصيه كلش قويه وكدرت تكسب محبة أبوها بسرعه وللحكايه بقيه انتظروني مع البارت الأخير اتمنى من كل من يقرء قصتي يترك الي دعوه حلوه لعلها تتحقق ويكون
نصيب لكل من دعا احبكم شلع قلع محدثتكم شخصيا أفنان
