WHAT IS LOVE (Mizo Vers)#COMPLETE#

CHAPTER FOUR

🦋WHAT IS LOVE🦋

🖤JUNGKOOK FF🖤

CHAPTER FOUR

***************

KUM KHAT HNU AH:

JUNGKOOK P.O.V

Ka unaupa mu reng chu ka thlir a, ventilator hmanga thawk tir reng a ni a, "ka nau lo harh vat vat rawh, ka nu ang kha chuan min kalsan ve tur a ni lo"

Chuap cancer a ni tih ka hriat chhuah kha chuan last stage a lo ni der tawh, kei hian hetiang natna hi nei zawk tur ka ni, kei chuan mei zuk ka ching a, a ni zuk pawh zu lo, tlangval fel leh nungchang tha hian hetiang natna hi a nei a, khawvel huapa pawha cancer thih pui tam ber, chuap cancer chuan a eichhe mek zel chu a nia

A room ka chhuahsan hnu chuan a lemziahna room ah ka lut leh a

Lemziah nuam a tih zia te, a lemziahna ho chu ka en kual a, reife ka awm hnu chuan room chhuahsan in sitting room lamah chuan ka kal a

Ka farnu neihchhun, ka fanu ang maia ka en, a naupan lai atanga ka enkawl ka nau jung Habin-i hi kum pawh a la tling lo, a ni hi chu a naupang fal a, ka chhang chiah ka unaupa nen hian kum 10 laiin an in thlau a, ka nu hriselna a that loh avangin ka nau Habin-i hi ka awm nasa theu khawp mai, ka pu in min rawn zawn chhuah hma kha chuan nung tura kan beih nasat zia kha

Ka nu rilru na leh a tawrh na zo zai te kha, ka tawrh tir ve khawp ang

Ka pa hi khawvel a ka mi huat ber a ni hial ang, min thla thlam in kha nu kha min um san a nia

Ka nu thih tir tu a ni, min kalsan lo se chuan ka nu hi a la dam tur, Doctor khan in enkawl turin kan tlai lutuk tawh thu min hrilh a nih kha, ka unaupa hi chu ka enkawl dam ngei tur a ni

___________

Sumdawn na lamah hma hruaitu nih char² ka tum a, ka ni reng bawk a, ka pu company tereuh te a tranin tiang hi ka thleng thei a nia

Ka tih chhiat vek hma chu ka duhtawk ngai lovang

"Big bro, hei hi ka duh ve" tihpahin Habin_i chuan a phone ken chu ka hma zawnah a rawn lek a

Hmeichhia te buaina thawmhnaw leh bawk

"Mawh ka u, he kawrfual hi khawvel ah pakhat chhiah a awm dawn a, ngam huai ber hnenah hralh a ni dawn, Bella Rae, Designer thiam ber mai design a nih hi" a mit mengah chuan a awt takzet a ni tih ka hre thei, Designer hming a sawi kha ka hre tawh tlat, a hming kha, khawiah nge ka hriat kha aw!!

"E..Lisa  khan a sawi tawh tak e

"Aw, i nei thei ang" ka ti chiah chu a lawmzia kha, ka naute hian a duh leh a mahmawh chu a nei vek tur a ni

Ka phone rawn ri chu ka en vat, Lisa call a ni

"Hello"

"Darling, i lo kal a mi"?

Ka lo theihngilh daih mai, vawiin hi ka bialnu Model leh zaithiam Lisa birthday a ni

"Ka unaupa ka tlawh lawk a, ka lo kal nghal" Habin-i chuan min rawn melh reng a

"Kha nu nen khan inla inzui reng a ni maw? Kha tiang ang mihring nun lem lutuk" tihpahin min rawn kal pel a, a la phun zui nang nang a

Hmeichhe ho hi hriat thiam an har a ni, Lisa a vawikhat hmuhna atangin a haw nghal a, ka hriat loh thil hi a hria bik a maw ni?

Lisa hi nula nalh tak a ni, thla 3 chhung chu kan in zui ve tawh, hmangaihna hi a awm ka ring lem lo, tisa thil ah kan in hip tawn a, chu chu a tawk mai in ka hria