WHAT IS LOVE (Mizo Vers)#COMPLETE#

CHAPTER NINE

🦋WHAT IS LOVE🦋

🖤JUNGKOOK FF🖤

CHAPTER NINE

*************

JUNGKOOK P.O.V

Hotel lam pan chuan ka kal a, heng thil te hi a thleng chak mah mah lo maw, kei hian inhualna ka neih pui dawn chu a nia..

A bialpa Kim Taehyunga thinrim dan tur ka ngaihtuah chuan ka hlim a ni, a duh tak ka neih sak dawn miau a..

Kha inhualna kha engvanga pawm nge ka nih? Kim So-yeon, min hip em vang chu ni tho mahse, Taehyung ka hneh theihna tur kawng a ni bawk

Ka thlenna tur hotel ka thlen chuan ka inbual fai nghal a

Lisa leh bawk maw, ka phone chu la kangin ka en deuh vang vang a, lisa lak ah hian inthiam lohna ka nei lem lo, min phatsan hmasa zawk miau a ni, an inkiss lai thlalak ringawt kha hmu mahila, kha pa nen khan an mu dun dawn tih ka chiang khawp mai

"Hello, Duhtak ka call i va la har ve, ka ngai tawh che nia, i rawn haw tawh dawn em?" No fahran hian a rawn ti a

So-yeoni nen kan chanchin news lama darh mek chu a hmuh hmaih hauh lo tih ka hria, a hmu tih a tilang lo mai zawk a ni

"Lisa, kan inkar a tawp tawh, vawi engzat a tam nge hrilh i ngaih dawn a, nupui ka nei dawn a, ka sawm kher che a ngaiin ka hre lo"

"Hetiang hian awm suh, duhtak ka ngai che, ka lakah i thinrim tih ka hria, kha nu nen khan eng inzawmna mah in nei lo tih ka hria, ka hnenah i lo let leh hun ka lo nghak reng ang"

Hah...henu hian eng nge a hriat hrep le? Inhualna kan neih hunah a awih ve mai ang

"Duhtak, paris ah chuan i awm tak tak a mi, ka lo kal ve ang aw, min ngaidam tawh la umm"

Call ka dah hmak, a ni thilsawi dunpui hi engmah awmzia a awm lo

Ka kham tawh takzet a ni henu hi chu..nula nalh tak leh mahni lu zo lutuk a ni a, apa nen hian thian tha tak kan ni, sumdawnhmg mi hi chuan thian kan nghah hi a pawimawh takzet, fanu mal a nih avangin duat rawn a ni a, indate pui tura min sawm pawh khan mak ka ti reng a ni, ka tan chuan a nau mah mah bawk, vawi eng nge maw zat ka hnar hnuah pawn a beidawng duh lo, min umzui a bansan duh chuang lo, chutiang taka hmeichhe nalh takin mipa single an zar chuan tunge hnar reng thei bik ang??

Zan kan hmandun hmasak ber atangin mipa a mutpui fo tih ka hrethiam nghal mai, pawi ka tih loh zawng tak a ni, min tih lawm dan a thiam khawp mai

Hmeichhia ka kawp fo tawh nain So-yeon tluka min hiptu an la awm lo, a hmui ka fawh ringawt pawn ka danglam nghal em em mai zel a

Chhun lamah ka muthil a vangin ka mut a chhuak hlawl lo

So-yeon, hi ka be dawn nge dawn lo, ka phone chu ka lek kual chhen a

Ka phone rawn ri thut chuan min ti phu nasa kher mai, So-yeon nih beisei deuhin ka en a, Nayeon call maw, ka farnu hi tun nithum chhung khan vawikhat mah ka la be miah lo

Call ka lak chiah chuan,"big bro, he thil hi a tak tak a ni em? Fapa i lo nei tawh  amaw?"

Thudik ka hrilh thei lo, Nicholas ka fapa a nih lo thu hi sawi thei ka ni lo, ka chhungkua neihchhun ka nau hi dawt pawh ka hrilh thei chuang lo, engtin nge ka tih tak ang?

"In inang takzet a ni, ka vahpa nen khan, "Big bro, so-yeon unnie kha ka ngaihsan zia thu lo hrilh rawh aw..ka hmu ve chak takzet"

"Nayeon, inhualna kan nei dawn a, a hun ka la hre hrih lo, ka hriat veleh ka rawn hril ang che"