قدري ان احبك

( 3 )

رجعت غرفتها فريدة وارسلت لرامي رسالة وتحدثًا محادثة كتابية وأخبرته ب أستسلامها عملها الجديد :
_ برضه هتنزلي شغل مجهول المصدر
_ بقولك مطعم تقولي مجهول المصدر
_ ايوه مطعم الصبح وبليل مرقص
_ مليش دعوة ببليل انا هنزل الصبح بس
_ عارفك عنيدة ومش هتسمعي الكلام ، خلي بالك ع نفسك لغاية ما انزل
_ متقلقش جعفر موجود
_ ماشي يا جعفر .
_ طمني عليك عامل ايه عندك مبسوط ؟
_ عاوز أرجع جدًا والله كلها 10 ايام ونازل
_ هتنزر مصر يا روميو
_ منوره ب اهلها يا ديدا
سمعت فريدة صوت والده رامي :
_ طيب اقفل يا رامي شوف مامتك ونتكلم بعدين
_ تمام ..متناميش هكلمك تاني
_ انت ونصيبك بقي
_ رخمه والله .

اغلقت الهاتف وعادت لاستكمال جلستها برفقة والدها والاحاديث عن الزمن الجميل :
_ كنا وصلنا لفين ياعمر أفندي
_ لرامي
لاحظت غمزة والدها وضحكت:
_ رامي يا عمر أفندي صديقي المقرب مفيش حاجة تانية
_ متأكدة ؟
_ جدًاا، مش هينفع يكون فى حاجة تانية
_ ليه بقي ؟
_ لانه مينفعش اسمع مني وبعدين انا عاوزة زوجي يكون شبهك يا عمر أفندي ورامي بعيد خالص يا لطيف
ضحكك والدها : بالعكس رامي ابن حلال وبيعزك جدًا وعلاقته بيكي جميلة
_ اخوات واصحاب اسمع مني
_ عمومًا الايام بتبين كل حاجة
_ كل شئ هينكشف ويبان
ضحكا واستكملا احاديثهم .. بعد 10 ايام عاد رامي الى القاهرة واتجه الى شرم لاستلام عمله وكانت فريدة انهت اوراقها واول يوم شغل فعليًا لها ، هاتفت رامي حتي استيقظ من نومه :
_ اصحي يا روميو كفاية نوم
_ يابنتي ارحميني بقي متبقيش انتي ودراكولا اللي مش مخليني انام من الرعب
_ مين دراكولا دا ؟
_ قدري فى الحياة .. هي الساعة كام ؟
_ 6
_ اصحي الساعة 6 ليه انا وشغلي الساعة 9
_ صحصح وافطر واشرب الكوفي روق كدا انت مدير وموظفينك مستنينك فى الفندق
_ ماشي يا ست الفرفوشة، اسبوع واشوفك وانتى طالع عينك بتجري فى رجلك
_ يلا صحصح وابقي ابعتلي
_ انتى ابقي طمنيني عليكي مطنشيش
_ حاضر

صحي رامي وتجهز ونزل يتفقد الاحوال فى الفندق وذهب الى غرفة مكتبه يتأفف وتفاجئ بالكرسي بيلف اتجاه وصعق وبتهته : ص صباح الخير يا عمر اقصد يا مستر عمر
عمر ب إبتسامة باردة : انا قلت اجي اهنيك ع مكتبك وأشوف نشاطك
رامي شعر باستهزاء : الفندق فندقك
_ لما تصحصح ابقي تعالي المكتب
غادر المكتب وجلس رامي غير مريح من رؤيته لعمر ، بعد قليل توجه الى مكتبه :
_ صحصحت يا رامي
_ تمام
_ انا طلبت عشان اوضحكلك حاجات مهمة هنا فى الفندق ، انا مدير التنفيذي للمكان وانت وانت مدير مكتب العملاء ، يعني انا مستر عمر وانت مستر رامي ،ابن عمي دا فى البيت مش هنا ، لسه متخرج ومفيش خبره وشغال بواسطة ف انا مستني منك تثبت احقيتك للكرسي اللى قاعد فيه فى مكتبك
_ انا فاهم كل كلامك دا مش محتاجة تقولي كل دا يا مستر عمر
_ السبب الوحيد اللي هيخليك تستمر معانا هو شغلك وشغلك وشغلك بس
_ ان شاء الله مش هخيب أمل حد من اللي دعموني
_ اتمني كدا .. اتفضل ع مكتبك
رامي قاعد فى مكتبه متعصب من طريقه كلام عمر الحاده زارسلت له فريدة ايموجي بيفكر ف ارسل لها ايموجي بيبكي وكاتب جنبها دراكولا ف ارسلت له ايموجي بيضحك ورن هاتفه ب إتصال من هنا أخت عمر .

استمرت فريدة فترة فى شغلها فى المطعم واسلوب المتواضع قرب الجميع ليها ، كانت فى بعض الايام تتعرض لمضايقات من بعض الزبائن لكنها كانت تتجاهل الا زبون واحد كان دائم التواجد وبيضايقها بتصرفاته ونظراته ليها ، وهي بتتجهز للعمل قربت منها صديقتها سميه :
_ فريدة
_ ايوه يا سمسم خير
_ الراجل المتصابي اللى فاكر نفسه سن ال 20 موجود وبيسأل عليكي
_ اعمل ايه ايه انا سبيبه
_ انا كنت بقولك فرصة يا ديدا
_ فرصة ازاي ؟
_ انتى متخيله هتطلعي بمصلحه منه اد ايه ، ابسط حاجة هتشتغلي فى مكان احسن من دا بس كلمة حلوه منك له هتعمل حاجات كتير
غضبت فريدة : ايه اللى بتقوليه دا
تدخل صديقهم احمد : متسمعيش كلامها يا فريدة انا رايح اخد طلباته
اتجه احمد لطاولة الزبون ولكنه رفض ان يطلب واول ما لمح فريدة نده عليها ومنعًا لاحراج راحتله :
_ طلباتك يا فندم
_ الجميل هيفضل تقيل علينا لامتي حني علينا واللى انتى عاوزاه
غيرت ملامحها واخذت الطلب واتجهت للبار لتحضير الطلب وهي واقفه شمت مألوفة لشخص جلس ع احدي الطاولات فى انتظار رفقة هتنضم له كان عمر ، انضم له بعض الاشخاص وتحدثا عن بعض الاعمال فى اثناء ذلك كان الزبون السخيف متقصد فريدة وطول الوقت بيرسل فى الهواء قبلات وغمز بص عمر لمين كان لفريدة ف ضحك وعاد لاصدقائه ، كان وقت الحساب والجميع مشغولين وفريدة راحت تحاسب الزبون :
_ الحساب يا فندم
اخرج كارت فيزا وفلوس كاش : تحبي الحساب ب ايه
_ اللى حضرتك عاوزة يا فندم ؟
استفزها طريقته سحيبت كارت الفيزا واتجهت لدفع الحساب فى خلال ذلك كان عمر يراقب الموقف وبالنسباله موقف مضحك ، رجعت فريدة ومعاها علبه فيها الشيك والفيزا ، أخد الفيزا وحط مكانها كارت :
_ ايه دا ؟
_ انا عارف هتخلصي شغلك الساعة 9 هكون مستنيكي فى العنوان دا مش بعيد عن هنا ، هنقعد مع بعض ونتكلم وهقولك ع شغل تاني اريح من هنا وبيكسبك كتير .
ماسكة فريدة الكارت ومصدومة من اللى سامعاه وعمر انهي جلسته وخرج هو واصدقائه وع وجه ابتسامة ساخره من الموقف ، مشي الزبون ولاحظت فريدة محاولة سميه اخفاء شئ دخلت لخزنه ملابسهم وأخفت هاتف عمر سهي عليه ونسيه ، راتها فريدة وقربت منها وطلبت منها الموبيل :
_ رجعي الموبيل يا سميه
_ فى ايه يا سميه انتى عاوزة تكوشي ع كل حاجة دا رزق وصاحبه هيقدر يجيب غيره
_ دا اسمه سرقه هاتي الموبيل يا سميه
_ اتفضلي يا فريدة هانم
بسرعة خرجت خارج المكان اقترب منها السائق وتعرف ع الموبيل نظرت للسياره كان يوجد شخص جالس فى الخفاء وعاد الموبيل لصاحبه .

عادت فريدة مرهقه من العمل وهاتفها رامي :
_ وحشتك اعترفي
_ وحشك عفريت
_ فى ايه المود مش مظبوط ولا ايه ؟
_ خالص اليوم كان من أسوء ايامي
_ مش أسوء من اللى عايشه مع دراكولا
_ انت قاعد مع دراكولا وانا قاعدة وسط زومبي
حكت فريدة لرامي ما حدث وتحدث رامي بغضب :
_ وانتى منولتهوش بالصينيه ع راسه ليه
_ عشان اترفد وبسمعه واللى اشتغلته طار
_ سبيه يا فريده وانا هظبطلك مكان معايا
_ لا يا رامي لازم اعتمد ع نفسي عشان اتعلم وانا بعرف اتعامل
رامي بغضب : فريده
_ انا غلطت انى حكيت كنت سكت احسن
_ كنتي متحكيش كنتي هتلقيني عندك اديتك بوكس ورجعت تاني مكاني
_ يا حمش
تحدثًا قليلًا واغلقت الهاتف واستسلمت للنوم .. فى اليوم التالي ذهبت الى عملها وكانت سمية تراقبها بغضب ، بعد ما انهت عملها وهي خارجه وقفت قدامها سياره ونزل منها الراجل المتصابي حاولت تتجنبه جذبها من يدها :
_ ايه اللى بتعمله دا
_ استنيتك امبارح مجتيش ليه
_ بجد عيب عليك انا اد بنت من بناتك ، مش مشكلتي انك مستصغر نفسك وقولت هيفهم لكن مفيش فهم انت راجل متصابي مريض عاوز تتعالج .
_ يعني بعد ما اخدتي الفلوس تقوليلي كدا
اتفاجئت فريدة : فلوس فلوس ايه ؟
_ صاحبتك اخدت مني 5000 جنيه ليكي وانك هتيجي ماهو دا سعرك ماهو انا مش اول زبون وهي اكددتلي انك لما هتاخدي الفلوس هتيجي ولا عاوزة اكتر .
صدمت فريدة من كلماته ودفعت ذراعه بعيد عنها وعرفت ان صديقتها هي سمية اللى اخدت الفلوس ، حاولت تبعد عنه وهو ماسك ايدها وبيجرها للسياره غصب عنها بدون تدخل من احد حتى اخرجت من حقيبتها قلم وجرحته فى ايده ونزف دم واقترب مدير المكان ودخلا الى الداخل وفريدة منهاره من رؤية اصابه الرجل واخبارها امامها اختيارين يا محضر اعتداء يا تروح معاه الشقه، وسط ذعر فريدة وحديث المدير وسؤاله عن السبب اخبرته قصة سمية واحضر سمية واكدت سمية رواية ال5000 وان فريدة اخذت المال بالفعل وطلب المدير تفتيش حقيبة فريدة وبالفعل وجد المبلغ وسط صدمة وذعر .. وافقت ع المحضر والذهاب الى القسم ولكن تنازل الرجل المتصابي وتم طرد فريدة من عملها ... عادت فى الطريق تبكي من صعوبة الموقف عادت الى المنزل دون أخبار احد ، كانت يوميًا تنزل فى موعد عملها تبحث عن عمل أخر دون اخبار احد بتركها للعمل.. ففي يوم فى المنزل وفريدة بتبحث عن عمل فى الجريدة اتصل رامي :
_ بتعملي ايه يا عاطله
_ بشوف برج اليوم تحب اشوفلك برجك
_ لا شكرًا مش عاوز ، لسه ملقتيش شغل
_ ولا الهوا .. انا قولت لبابا انى قعدت لان اكتر من كدا هجيب فلوس منين
_ جهزي نفسك طيب يلا
_ ليه ؟
_ عشان تستلمي الشغل هنا
_ بتتكلم بجد
_ ايوه ظبطتلك حاجة كدا كويسة هنا فى شرم
_ هتكلم مع بابا وارد عليك
_ هيوافق انا كلمته وهو موافق لانه مش عاجبه قاعدتك كدا بالنفسية دي
_ بجد
_ قدامك لاخر الاسبوع انا نازل القاهرة وانا راجع شرم هعدي عليكي نرجع سوا اتفقنا .. اتفقنا يلا سلام
اغلق رامي الهاتف وسط ذهول فريدة ، عاد والدها وتحدثت معه واعلمها بموافقته لعملها برفقه رامي فى فندق فى شرم الشيخ .. وبالفعل بدأت تتجهز فريدة لسفر الى شرم الشيخ وبدأ صفحة جديدة فى حياتها العملية .

يوم السفر تجهزت فريدة وخرجت من الغرفة كان عمر أفندي مجهز الفطار وفي أنتظارها :
_ صباح الفل يا بابا
_صباح الفل يلا تعالى نفطر مع بعض
_معانى مش جعانه بس هاكل خفيف علشان متعبش ف السكه
_ اشربى حاجات دافيه ومتهمليش ف نفسك
_ متقلقش يا عمر افندى يلا نفطر
قعدت فريده تفطر لقت والدها بيديها مصحف صغير:
_ ايه دا يا بابا
_علشان يحفظك كل يوم قبل ما تنامى اقرى فيه شويا ولما تحسى انك لوحدك ومخنوقه اقري فيه هيونسك كلام ربنا هيحفظك دايما
_ انت بتقلقنى ليه هو علشان اول مره اسافر ابعد عنك
_ اول مره تكونى لوحدك ومش عاوزك تخافى
_ عيب عليك انا بنت عمر افندى
مسكت فريده السلسله والمصحف قربته لصدرها: طول ما دول معايا اكيد ولا هخاف وهكون ف امان
كان رامي فى أنتظارها اتحركوا بالتاكسي الى موقف السوبر جيت وناموا طول الطريق لغايه ما وصلوا شرم واخدوا تاكسى وصلوا ل الفندق :
_ يا مرحبا بفريده عمر ف شرم
_ايه الجمال دا انا كنت بتفرج ع شرم ع النت هى جميله كده
_ جميله لانك موجوده يلا بينا علشان نقابل عماد المسئول ع تعيئنك
دخلوا الفندق قابلوا عماد:
_اهلا بيكى يا فريده نورتى شرم
فريده باابتسامه: شكرًا شرم منوره بالى فيها
عماد بيبص ل رامى: انت مقلتليش ان فريده ضحكتها حلوه كده
_ايه ياعم عماد احنا هنبتدى تسبيل اوعى تفكر ..ديدا خط احمر ها
عماد ضحك : خلاص خلاص براحه علينا انا مقصدش حاجه نتكلم ف المهم
_ ايوه نتكلم ف المهم يلا
فريده باابتسامه: يلا بينا
_ بصى يا فريده هو انتى ملكيش مكان هنا لشغل
فريده اتصدمت: نعم
_اصبرى بس ، الاماكن كلها اتحجزت ومكنش ينفع نمشى حد لان عقده أعتمد من الشركه ف القاهره خلاص
فريده بصت ل رامى: انا جيت ليه بقى
_بصى احنا دايما في اوقات السيزون بيبقى زحمه وبيبقي فى عماله قليله فانتى هتكونى من العماله الاحتياطى بس مش شغلانه ثابته يعنى المكان الفاضى هتكونى فيه يعنى ويتر ف المطعم و ع حمام السباحه و فى الريسبشن وممكن هاوس كيبر دا انا فهمته ل رامى وهو قالى انك هتوافقى
_ يعنى هشتغل يوم واقعد الباقى
_ لا طبعا بس اعرفك انك زى اللي شغال لكن بعقد مؤقت ، المتثبتين معاهم خبرات وشهادات والفرع اللي ف القاهره بيراجع ومش عاوزين نقع ف مشاكل بس طول ماانتى ف العقد المؤقت محدش هيتكلم أنتي هتبقى زيك زى المتثبتين فى حقوقك ومرتبك الفرق ان ملكيش مكان ثابت .
فريدة بتبص ل رامى : انت ال عملت الحوار دا
_ هفهمك بعدين
بصت ل عماد باابتسامه: مفيش مشاكل وميرسى جدا ع مجهودك وتعبك
_ واهو يا ديدا تاخدى خبره عملى من كل حاجه ولا ايه؟
فريده متغاظه من رامى : اقنعتنى يارامى والله انت دبستنى
_ بلاش النبره دى قدام الراجل المفروض ان انا مديره
نستاذن احنا يا عمده ومتشكرين اوى يلا يا ديدا
_ ميرسى جدا يا مستر عماد
_ نورتى يا ديدا
خرجت فريده ورامى:
رامى بسعاده: مبروك يا ديدا
فريده ملامحها غير مريحه : ع البهدله، ليه قولتلي ان كل حاجة تمام ، انت هتلففنى الفندق والقرية كله ناقص تخلينى ابقى جناينى
_ بصيلها أنها فرصه تكسبى خبره فكله علشان لما تروحى شغل نظيف وبجد متتبهدليش زى ماحصل فى اللوتس كنتي فى المكان الغلط ومن غير خبرة واستحملتي تصرفات اعتقادًا منك ان دا طبيعي ..هنا هتتعلمي حاجات كتير وبعدين متقلقيش شغلانه الجناينى فاضيه هوصيهم عليكى ليها
خبطت فريده رامى وبتهزر وبيضحكوا قدام باب الفندق فى عربيه وقفت قدام الباب ونزل منها عمر ، العطر اللى حاطه عمر شبيه للعطر اللى شمته فريدة فى المطعم ووسط شرود فريدة
رامى بيبص اتخض : دراكولا
عمر قرب منهم وبص لرامى : ازيك يا رامى
فريده ساكته ورامى اتلجلج : ها الحمد الله
..انت جيت ليه ..اقصد فى حاجه .. اقصد ..
عمر بضحكه بارده : انا جيت علشان الافتتاح الاسبوع الجى انت نسيت ولا ايه؟
بص عمر ل فريده وحس انه شافها قبل كده فى مكان بس مش متذكر
وسابهم ودخل الفندق ورامى راح شد فريدة ومشى:
_ مين دا
_ دراكولا الابن
_ ابن عمك؟
_ ايون قدرى ال مش بعرف اهرب منه
فريده بتضحك : انا شميت البرفان دا قبل كدا فى مكان
رامى بصلها: دا يا فريدة تجري من قدامه مش تقفي تشم فى برفانه ..انتى لو عرفتيه هتكرهى نفسك
فريده بصتله: ليه يعنى ماهو عادى اهو
_ الاحسن برضه انك تبعدى من قدامه لانه سخيف وقليل الذوق وكل الصفات الوحشه ومش هيفيدك قربك ليه بالعكس هتتضرى وهتكرهي نفسك بقولك
_ انت قلقتنى ليه وبعدين انا ههتم بشغلى المهم ورينى فين هنام فين السكن
_ يلا بينا
_صح هى هنا هتيجى امتى ؟
_جايه ع اخر الاسبوع هتحضر الافتتاح هى كمان
فريده بتضحك: خلى بالك يا روميو هتتطحن اعمل نفسك مش عارفنى بقى طول ما هنا موجوده
رامى بصلها: ايه يا هبله... هنا عارفه كل حاجه وعارفه انك هتشتغلى معايا
_يا قلبك يلا ودينى هنام فين بدل ما افرشلك هنا
مشيت فريده مع رامى لمكان السكن الموظفين وعرفها مكانها والبنات ال معاها دخلت اوضتها ورمت نفسها ع السرير وبتكلم نفسها :
يا اهلا بيكى يا ديدا فى طريق الكفاح
وهى بتبتسم رجعت صوره عمر والبرفان وسرحت ..فوقت نفسها : فوقى انتى ملكيش دعوه بيه خليكى ف شغلك واسمعى كلام رامى ...

تانى يوم كان تدريب لكل الموظفين الجداد وكله اتجمع الساعه 8 الصبح وراحت فريده واتوزع وظيفه ومكان كل واحد وكانت فريده واقفه ف الريسبشن رامى عدى عليها فى مكانها
_ صباحو ايه الجمال دا اول طالعه ريسبشن شكلك كنتى جايبه مجموع حلو فى ماده الريسيبشن
فريده حاولت تكتم ضحكتها: امشى من هنا روح شغلك بدل مااقول بتتحرش بيا
رامى ضحك: مجنونه وتعمليها وادبس واتجوزك ويا خسارتى
فريده : هتمشى ولا ايه دا مستر عمر
بص بسرعة وراه : انا هنا ب ..
ملقاش حد وضحكت فريدة : قولتلك امشي
رامى بيضحك: خلاص خلاص BEST OF LUCK BABY
فريده بتضحك: بيبى ف عينك امشى
الموظفه ال كانت جنبها بصت لفريده وضحكت..

وعدت فتره التدريب قبل حفله الافتتاح وعمر بيلاحظ فريده ورامى ع طول بيتواجد ف الاماكن ال فريده فيه شك ان فى حاجه ومش قادر يفتكر شافها فين وكل ما تيجى عينه ف عينها هى تبتسم ليه وهو مكشر وبيحرك راسه بس كتحيه .

يتبع ..