قدري ان احبك

( 13 )

فى الفندق تكرر حدث عرض الازياء ورحب عمر جدًا بأقامته ، كان ذات أهمية والجميه متأهب لاهميته ووجود الميديا والمواقع الموضه وأسم الفندق سيكرر فى سمع الاخريين ، كان عمر منشغل بالتحضيرات وكانت مقابلاته قليلة جدًا مع فريدة ليوم الحدث ، وقفت فريدة تشاهد الحدث عن بعد وتراقب عمر ورغم انشغاله بالحدث ولكنه لم يغفل عنها وذهب للوقوف بجانبها والعرض شغال مال اليها محدثًا:
_ مبيفكركيش بحاجة العرض دا
_ أيوه هو دا يتنسي
_ كنت مش طايقك
_ قال يعني انا اللى كنت طايقاك
_عيني فى عينك كدا
توترت فريدة وأبتعدت خطوتين :
_ مستر عمر احنا فى ايفنت وفى كاميرات وناس ف انا همشي علشان اسمك ميبقاش منور الصبح بفضيحة تم التقاط صورة غرامية مع موظفة الريسيبشن
قالتها مازحة وأبتعدت نظرإاليها باسمًا ونده عليه رامي وعاد الى التحيه النهائية للعرض ، انتهي العرض وعادت فريدة للسكن للراحة .. أرسل عمر رسالة لها أخبرها بأنتظارها فى حديقة امام السكن وبالفعل بدلت ملابسها وذهبت اليه :
_ أنت صاحي لدلواقتي
_ لا نايم وروحي اللى معاكي
_ يا روحي
ضحكا : لا بجد منمتش ليه أنت بقالك كام يوم كنت بتجهز لايفنت دا ومنمتش
_ وتم وخلص بنتيجة مرضية جدًا
_ الحمدلله بصراحة انت شاطر
_ شكرًا على المجاملة الجميلة دي
_ لا مش مجاملة انت فعلًا شاطر فى شغلك أوي لما بتحط دماغك فى حاجة بتتعمل ، ايوه بتتحول وبتكون دراكولا ع رأي رامي لكن النتيجة بتكون رائعة .. انا فخورة بك جو اون
نظر إاليها باسمًا فى صمت :
_ بتبصلي كدا ليه ؟
_ انا بسمع مدح كتير عن شغلي لكن مدحك أنت أحساسه مختلف هادى على قلبي بيطمنه
_ طبعًا لازم أكون مختلف هو أنت تعرف كام فريدة
_ اتنين
ضحكت : أصحح السؤال تعرف كام فريدة غيري انا ومامتك ؟
_ مفيش
_ بس هو دا السبب التميز يا حبيبي ، عمر أفندى كان بيقولي أن واقع وأثر الكلمات من الاشخاص القريبين على قلبنا مختلف جدًا عن أى شخص تاني ، لانه بيبقي من قلبهم فعلًا بيكونو فرحانين لنجاحك وخطواتك وسعيك حتى لو بخطوات بسيطة حتى لو مش فاهمين أنت بتعمل ايه بس شايفين أنك بتحاول أو أنك تقدر، كلماتهم بتحفز وتشجع يعنى بيكونو أحدى أسباب الاستمرارية وأنت بتكون مش عاوز تخذل ثقتهم فيك فبتعمل كل مافي أستطاعتك .. عشان كدا دعم المقربين مهم جدًا أكتر مما يتخيلوا .. عارف في سنه من السنين سقطت فى مادة اللغة العربية فى أعدادي انا فاشلة فى النحو ودا سبب قفلتي فى المادة وبابا كان عارف كدا وعارف ان بنسبه كبيره هدخل دور تاني لكن كان بيشجعني وبيحمسني وانا قدها والكلام دا لكن حصل وشيلت المادة عارف عمل ايه لما عرف ؟
_ عمل ايه اكيد سمعك كلمتين
- ايوه فعلًا سمعني .. قالي ولا يهمك انتى وقعتي مره طبيعي ومتوقع لكن مش هتتكرر وهتعديها لاني عارف انك هتعديها، لما تقعي مش نهاية الكون أرجعي اقفي وحاولي تاني وانا معاكي متخافيش من حاجة .
_ ياه بس كدا
_ ايوه بس كدا ومقولكش بقي أكلت المادة فى الصيف رغم انه سفرني مصيف وخرجني ، كنت مخصصه وقت للمذاكره وبالفعل امتحنتها دور تاني ونجحت فيها ومن بعدها محصلش تاني ايوه مجموعي وتقديراتي مش أحسن حاجة لكن بجد عملت اللى اقدرعليه وهو شاف دا ومزعلش مني .. مع عمر أفندي عشت حياتي كما يجب ان تكون .
نظر إاليها باسمًا وهي تتحدث عن والدها :
_ وأنت أكيد كنت من المتفوقين باين من غير ما أسال
_ الاوائل حضرتك
_ ايوه باين .. والدك كان مروقك صح عربيات وسفريات
_ عادي
_ يعني ايه عادي ؟
_ عادي لما بنجح كلماته قليلة لكن هداياه كتيره ودايما بيكرر جملة انا كنت واثق فيك يا عمر ومخذلتنيش كالعادة .
_ بس كدا
_ شخصية بابا من بعد ماما أصبح عملي أكتر لكن اللى متأكد منه انه بيفرحلي بكل خطوة
_ هي مامتتك اتوفت وانت اد ايه ؟
_ كنت فى تانيه اعدادي أعتقد وانتي
_ لا كنت أصغر كان عمري 6 سنين
_ وباباكي متجوزش تاني ؟
_ ولا فكر
_ ليه ؟
_ لا دي حكاية لوحدها والوقت متأخر أبقي احكيهالك أو اخليه هو نفسه يحكيها ، الحكاوي من عمر أفندى مع انغام الست ام كلثوم فى الخلفية ليها روح تانية .
_ شوقتيني اقابله بجد .
_ بمواعيد هو عمر افندي سهل كدا
_ يا سلام يا سلام
_ طبعًا ..
_ بقولك ايه تيجي ناكل أيس كريم
_ دلواقتي ؟
_ وهو عيب ولا غلط مش فاهم ؟
_ يعني الساعة 2 بعد منتصف الليل
_هو الايس كريم هيعرف الوقت منين ؟
ضحكت فريدة : على رأيك
_ وبعدين عاوز أكأفئك ع مجهودك اليومين اللى فاتو واصلحك اني كنت مشغول
_ انا مش زعلانه كنت زعلانه حبه صغيرين اااد كدا
_ ولا اد كدا ولا كدا مينفعش يكون فى زعل أصلًا
_ ما انا تراجعت وقولت ماانتي شايفاه قدامك مشغول والايفنت مهم اعقلي
- عشان عقلك دا يلا بينا على الايس كريم
_ يعني هتجيبلي ايس كريم كبير
_ الحجم اللى انتي عاوزاه
_ موافقة جدًا

توجها الى محل ايس كريم وجلست فريدة تتناول الايس كريم بلهفه وهيام وينظر لها عمر مبتسم ولاحظت نظرتاته لها :
_ أول مره تشوف حد بيحب ايس كريم ؟
_ بتحبيه اوي كدا ؟
_ جدًا جدًا يا عمر
_ طيب انا ولا هو ؟
_ أختبار مفاجئ دا ماشي 1 2 3 الأجابة انتم الأتنين
_ لا اختاري
_ اممم اممم
_ انتى بتفكري .. انتى بتفكري دانتى ليلتك مش معديه
ضحكت فريدة : استني بس أنت ليه متسرع كدا
_ سألتك سؤال والاجابة المفروض واضحه ؟
_ بصراحة كدا
_ ايوه .
مالت له هامسة : انت طبعًا
_ يا سلام بعد تفكير وتطويل بتثبتيني بكلمتين كدا
_ اثبتللك ازاي انه بجد مش تثبيت ؟
_ يعني طريقه واحده نتيجتها مؤكده
وقفت فريدة : ادخل اجيبلك أكبر ايس كريم فى المحل ع حسابي
_ ما انا معايا اهو مش طفاسة هي
نظرت اليه وهي واقفه : طيب ايه الطريقة واعملها حالًا
_ متاكدة ؟
_ انا اقدر اعملها
_ هي عمليًا انا اللى اقدر اعملها لكن أنت كمان تقدري
_ طيب قولي ايه
جذبها من يدها وجلست بمقربه منه وأقترب إاليه :
_ يعني مثلًا على خفيف كدا
علمت فريدة تلميحه على قبله، امسكت الايس كريم الذي امامه ووضعته فى فمه :
_حلو الايس كريم الحقه قبل ما يسيح
ضحك عمر على ردود افعالها : ماشي ماشي ..
_ يلا بينا عشان عندي شغل الصبح
تحركا الى السكن :
_ تصبح على خير وشكرًا على الايس كريم
_ احنا تحت الخدمة يا فندم
_ سلام ..
_ فريدة
_ ايوه
_ بقولك ايه أجازتك بعد يومين صح ؟
_ ايوه
_ الغي اى خطط ليكي فيها وتفضي نفسك
_ ليه .. متقوليش شغل فى ايفنت ولا وفود جايه ؟
_ فى ايفنت بس انا وأنتي بس اللى رايحينه ف فضي نفسك
_ تمام ..

يوم اجازة فريدة أرسل عمر رسالة وأخبرها بأن تكون جاهزة الساعة 6 صباحًا، تجهزت فريدة وفى تمام الساعة 6 رن هاتفها وأخبرها ينتظرها بالاسفل امام السكن وتحركا بسيارته الى البحر الى يخت مستقرعلى المرفأ وقفت فريدة امامه تنظر فى الانحاء لم تجد أيفنت ولا جمع غيرهم فنظرت اليه متفاجئة وعمر ممسك يدها :
_ هو احنا هنا ليه ؟
_ ما انا قولتلك إيفنت
_ إيفنت فين دا ومفيش غيرنا
_ ماهو الايفنت جوه اليخت مش برا
_ بتاع مين دا ؟
_ متقلقيش مش سارقه
_ ايه دا بتاعك ودا بتستخدمه فى مشاوير وكدا
_ ايوه ببقي نفسي فى كيلو سمك وجمبري ف بروح اصتطاد به
_ يا سلام ايه خفه الدم دي
_ قولي لنفسك مشاوير .
_ اصل بصراحة اول مره اقابل يخت فيس تو فيس كنت بشوفه صور او بعدي من جانبه كدا
_ ودلواقتي جه الوقت اعرفكم ع بعض شخصيًا يلا .
تحركت فريدة وهي ممسكه يد عمر وبتتحرك لداخل اليخت رأت سائق اليخت واثنان يعملان على ضيافتهم ، جلست فريدة وهى تنظر فى ارجاء اليخت ومنبهره به وجلس بجوارها عمر :
_ مالك ؟
_ هو احنا هنا ليه ؟
_ انتي ذاكرتك ذاكره سمكة قولتلك فى إيفنت هنحضره
_ دا مفيش غيرنا
_ ماهو الايفنت انا وانتي وبس
_ انت خطفتني ولا ايه ؟
_ بأرادتك ولا عندك أعتراض
_ اعترض ع ايه لا مفيش اعتراض بس كنت اعرف
_ قولت اعملك مفأجاه أسبوع ضغط شغل ترتاحي فى يوم وهنقضي اليوم هنا فى وسط البحر ايه رايك ؟
_ وسط البحر ؟
_ ايوه فيها ايه مخضوضه كدا ليه ؟
_ ها لا ابدا ..
وقف عمر وامسك يدها وتحركا لسطح اليخت واجلسها واشار ليتحرك اليخت :
_ انا عاوزك تستمتعي بكل لحظة انهارده انسي كل حاجة انا وانتي وبس
ابتسمت فريدة وبدا اليخت يتحرك وهي سعيدة بالتجربة ، جلسا تحدثًا وضحكا ولعبا بعض الالعاب وحضرا سويًا الطعام بشوائه فى وسط البحر وسط ضحكاتهم .. ثم جلسا مستنده فريدة راسها على كتف عمر يشاهدها البحر والسماء و تتنهد :
_ ايه كل التنهيدة دي ؟
_ هو دا بجد مش حلم
امسك يدها وطبع قبله :
_ كدا ايه ؟
_ كدا بتأكدلي انه حلم
ضحك عمر : لا حقيقي حقيقي جدًا انا معاكي وانتي معايا
_ عارف انا مكنتش اتخيل هعيش اللحظة دي ،رغم كنت ع يقين اني هقابل قدري
_ قدرك ؟
_ ايوه عمر افندي قالي ان لكل انسان قدر فى الحياه هيقابله هيشكل حياته هينورها هيلونها هيحسسه بكل الجمال اللى فى الكون ، فانا عشت عمري مستنياه اقابله .
_ وقابلتيه بقي ؟
_ اممم هو قابلني
ضحك عمر :أعرفي كويس انه كان احلي حاجة تحصله انه قابلك ، قدرنا نتقابل
_ ايوه احنا قدرنا جمعنا وزي ما عمر أفندي بيقول اللى القدر بيجمعه صعب يبعده
_ تعرفي انتى حمستيني اقابل عمر افندي من كتر كلامك عنه بجد ؟
_ هتحبه جدًا .. عارف انا طول الوقت كنت بتمني اقابل حد زيه ، فى حبه وتعامله مع الحب .. مكنتش اتوقع انى هقابل اسمه كمان
ضحك عمر : فعلًا صدفة غريبة.. وماما اسمها فريدة
_ ايوه صح
_ يمكن دى اكتر حاجة فى الاول شدنى ليكي اسمك حسيت انها بعتتك ليا
_ يا حبيبي انا ماما وبابا وانور وجدي
_ لا خليكي فريدة وبس ممكن
ضحكت : انت الخسران
نظر اليها : هخسر ازاي وانتى معايا
ارتبكت فريدة كالعاده ونظرت امامها : الجو ماله حرر كدا ليه ؟
_ تحبي عصير ولا ايس كريم
وقفت على طرف اليخت لتستنشق الهوا ووقف بجوارها عمر يداه :
_ عارف يا عمر فى حاجات كتير نفسي اعملها وفى حاجة منهم هعملها حالا
_ هتنطي ولا ايه ؟
مسكت يداه بقوة : قصدك هنط
وبالفعل سحبته برفقتها فى المياه وظلت تضحك وعمر يدعيها بالمجنونه .. خرجا من المياه وبدلا ملابسهم واحضر عمر ايس كريم المفضل لها من محل الايس كريم :
_ وكمان ايس كريم
_ خدمة 5 نجوم
_ لا تستاهلوا تقييم حلو
_ احنا تحت خدمة حضرتك يا فندم
_ ميرسي ميرسي
ظلت تتناول الايس كريم بسعادة وظل عمر ينظر اليها مبتسم كالعادة وهو يشاهدها وبحركة مفاجئه دفع بالايس كريم فى يدها ف تلطخت بالايس كريم على شفاها :
_ احنا فينا من الهزار دا
_ سايباني ومركزه مع الايس كريم
_ انت بتغير من الايس كريم يا حبيبي
_ ايوه اهتمي بيا شويا عنه
_ حاضر ( تبحث عن مناديل ) فين المناديل
_ ليه ؟
_ همسح اللى بهدلته دا
نظر حوله : كان هنا ولا اقولك
_ ها
اقترب ليها وبحركة مفاجئة ازال بقايا الايس كريم بشفاه من على شفاها ..تفأجئت فريدة ونظرت إاليه:
_ ايه اللى عملته دا ؟
_ شيلته مش كان مضايقك ومفيش مناديل
_ يا سلام تقوم
قاطعها : بس طعمه حلو
_عمر انا انا
أقترب إليها : انتى ايه ؟
ابتعدت عنه وعادت الى الاسفل دخلت الحمام مسرعة واغلقت عليها الباب وكانت تشعر بالاحراج والكسوف من تصرفه الغير متوقع ونظرت الى المرايا وتحسست شفاها بطرف اناملها وابتسمت .. بعد لحظات عادت الى الخارج وحاولت ان تتمالك خجلها : انت قولت فى فيلم هنتفرج عليه صح فين دا
_ ثواني وهشغله
وشغل الفيلم وجلست بجواره وهي تتحسس شفاها مبتسمه وينظر اليها عمر ويبتسم ، انهيا اليوم وقام ب ايصالها الى السكن بدلت ملابسها وتوجهت لسرير لتنام رن هاتفها وكان عمر :
_ وحشتيني
_ انا لسه سيباك
_ ممكن تبصى من الشباك بس للحظه
_ ايه دا انت تحت ممشيتش
_ ايوه بصي من الشباك
_ لا مش هطلع وانت روح ارتاح
_ مش همشي
_ يوه بقي .. حاضر
خرجت فريده تنظر اليه من نافذه غرفتها وكانت الساعة 1 بعد منتصف الليل وجدت عمر جالس اعلي سيارته وتفأجأت :
_ ايه اللى انت عامله دا انزل
_ ليه ؟
_ حد من الفندق يشوفك ولا حاجة انزل
- مش هنزل غير لما اقولك حاجة
فريدة بنتظر فى الانحاء : قول بسرعة ؟
_ انتي عارفه ان انا بحبك
ابتسمت فريدة : عارفه
- انهارده عشت يوم بعمري كله، اللحظة معاكي حياة يا فريدة ، توعديني انك تفضلي معايا
_ على قلبك متقلقش
_ اوعدك انك فى قلبي ومش هتخرجي منه ابدا
_ يلا روح نام بقي
_ بحبك

ظلت واقفه تشاهده وهو ينصرف وعادت الى السرير اغلقت عيناها لتنام ، استرجعت احداث اليوم وقبله الايس كريم تحسست ب اناملها شفاها وشعرت بالخجل واستسلمت للنوم وهي سعيدة .