💕💕💕💕💕💕💕الفصل الثالث عشر💕💕💕💕💕💕💕💕💕💕
فى صباح يوم جديد فى فيلا الجبالى استيقظ الجميع وكانت الفتيات تحضر طاولة الفطار
ومن بينهن حوريه التى ترتدى بنطلون ابيض وبضي ابيض وترفع شعرها برابطة
وتقف تضع الاطباق على الطاولة فالتفت لخطواته يهبط الدرج يرتدى بدله سوداء ويرتدى نظارته ومفاتيح سيارته وفى أذنه سماعة البلوتوث المتصله بهاتفه يتحدث مع احد العاملين معه بالشركه .
وقفت حوريه شارده فى وسامته تستنشق رائحة عطره وظلت تحدق به وهى تحدث نفسها قائله:ايووووه ايه المز دا يخربيت حلاوتك ولا ريحة البرفيوم بتاعتك
ياسين يحدث الطرف الآخر فى الهاتف: طيب خليك معايا يا سيف
وقف ياسين يتابع تعبيرات وجهها وحديث شفتيها المبهم وهى مازالت شارده لاتشعر به
فناداها ياسين: حوريه . حوريه مالك
وهى مازالت شارده تتفحصه بعينيها و تحدث نفسها
ياسين: حوريه
حوريه بهيام وشرود هاااا فى حاجه؟
ياسين:لا ابدا كان فى فار معدى من تحت رجلك
حوريه:ايه دا .فار. عااااااااا فار ثم صرخت وجرت إليه سريعا تتمسك به فاوقعت نظارته على الأرض انكسرت فنظرت له بقلق وارتعاب فبادلها بنظرة غضب ووعيد
فحاولت الاعتدال فى وقفتها تعثرت وامسكت به فاوقعت هاتفه فتحدقت عينيها بشده ليزداد ياسين فى غضبه ونظره استغرابه من تصرفاتها رفعت حوريه كاتفيها نافيه مايحدث ثم تركته وجرت سريعا باتجاه المطبخ لتصتدم بهدى وهى مازالت متوتره وقلقه
هدى :مالك ياحوريه ؟
حوريه:هه لا ابدا ياماما انا بس تعبانه شويه
هدى:الف سلامه ياحبيبتي مالك
حوريه:هه لا ابدا مفيش . بسيطه. انا حطيت الاطباق على السفره تحبي اعمل حاجه تانيه
هدى :خدى ياحبيبتى القهوه دى اديها لياسين
تحدق حوريه عينيها :لا
هدى باستغراب: لا؟
حوريه:أقصد لا ياماما روحى حضرتك بالقهوه وانا هكمل هنا
هدى:مفيش حاجه تتعمل خلاص انا هخرج وانتى هاتى القهوه لياسين بسرعه عشان مستعجل
حوريه:حاضر
خرجت هدى ومن خلفها حوريه تختبئ خلفها تحمل القهوه
هدى:يابنتى مالك في ايه انتى مستخبيه فيا كدا ليه ؟
ينظر لها ياسين يمثل الغضب رافعا حاجبيه
هدى :انا هروح عشان انادى لالاء ومحمد يفطروا
ذهبت هدى لتذهب ورائها حوريه تنسحب بهدوء ولكن تتفاجئ به يمسك يدها لتقف تحدق بعينيها ثم يسحبها ناحيته يلوى عنقه بجانب قابضا على طرف شفتيه بأسنانه
ثم هتف قائلا:اعمل فيكى ايه ؟ انتى مالك كدا مش على بعضك
حوريه:انا. انا
ياسين:انتى كسرتيلى اكتر نضاره بحبها وكانت هديه غاليه عليا وكمان وقعتى الفون ومش مظبوطه من الصبح وعماله تستخبي منى زى الفار اللى خايف من القط
حوريه:انا اسفه انا مكنتش أقصد اوقعهم . ثم ترفع عينيها تسأله بخبث هى النضاره دى كانت هديه من مين ؟
ياسين:ابدا دى من واحده من ايطاليا كانت بتشتغل معايا
حوريه:اممممم طيب كويس انها اتكسرت
ياسين:نعم
نظرت له حورية نظرة عند وغيره قائله: ايه بقولك كويس انها اتكسرت لأنها كانت وحشه عليك جدا تحس كدا انك احول ثم تحول عينيها فيصدع صوت ضحكات ياسين يملأ المكان
حوريه:انت بتضحك على ايه؟
ياسين وهو يحاول تمالك نفسه من الضحك :هكون بضحك على ايه ؟ عليكى طبعا
حوريه:هاااا😏😝😝. انت رايح فين عالصبح ومتشيك كدا رايح للمزه صح
ياسين:المزه ؟ مدام ياسين الجبالى تقول مزه وبتتكلم كأنها واقفه فى موقف عربيات فين يابنتى الانوثه و الرقه
تكشر حوريه بين حاجبيها بطفوليه تنظر لنفسها ولملابسها ثم تنظر للأرض
ايه دا اتجوزت واحد صاحبي
حوريه:انا انا واحد صاحبك انا
ياسين:هو دا اللى انا شايفه
ثم يسمعوا صوت هدى تهتف قائله:الفطار ياولاد يلا
ذهبوا إلى طاولة الطعام جميعا يتحدثون ويتناولون وجبة الإفطار
هدى:حوريه حبيبتى عيزاكى تجهزى نفسك النهارده عشان مصمم الازياء هييجى اختارى الموديل عشان يلحق يجهزه خلاص مفيش وقت احنا خلاص ظبطنا كل حاجه والفرح باقى عليه يومين
حوريه: مش انتى قولتى اخر الاسبوع ياماما
هدى : ياحبيبتي ماهو فاضل على اخر الاسبوع يومين
ساره:ايوه يا ريري بقا عروستنا المنتظره انا لازم اختار موديل حكايه
هدى :المهم حوريه تختار فستانها هى الاول . ثم تنظر لياسين قائله:ياسين النهارده تحاول ترجع بدرى عشان تاخد حوريه تجيب كل اللى الحاجات اللى عيزاها
ياسين:اوك يا امى هحاول ارجع بدرى . يلا عن اذنكم انا لازم اروح الشركه
ثم ينظر إلى محمد الذى مازال يجلس يتحدث مع الاء ليهتف قائلا: بالنسبه لحضرتك يا استاذ محمد مش ناوى تقوم عشان تروح شغلك ولا ايه؟
محمد بمزاح:لااا اصل عقبال عندك عندنا فرح فانا ناوى استأذن النهارده
ياسين :اه وحضرتك هتعمل ايه عشان كدا هتغيب
محمد هنقش الكحك
ياسين:نعم ؟
محمد :هنقش الكحك . ثم يطلق ضحكه قائلا : ياعم ارحمنى بقا عايز اخد يوم واحد اجازه انا اتجوزت ولا كانى اتجوزت
ياسين:وهو الجواز انك تغيب من شغلك؟
محمد:بكره تتجوز وتعرف ومش هشوفك بعد كده في الشركه
نظر ياسين لحورية التى خجلت ونظرت إلى الأرض سريعا
ياسين: طيب يلا بقا يا لمض ايه رايك انك هتيجى معايا ودلوقتي حالا عشان تبقى تتلامض معايا اوى .
يقبل محمد الاء من جبهتها مودعا وهو يهتف بمزاح قائلا:اسف يا حبي مضطر امشي منه لله اللى كان السبب اشوف فيك نفس اللحظه اللى بتعيشهالى انا والغلبانه اختك دلوقتي وساعدتها مش هسيبك برده
ضحك الجميع على مزاحهم ثم ذهب محمد برفقة ياسين إلى الشركه
هدى :يلا يا بنات جهزوا نفسكم عشان المصمم هييجى وكل واحده تديه الموديل اللى عيزاه وساعدوا حوريه تختار فستانها .
