💕💕💕💕💕💕💕الفصل الخامس والعشرون💕💕💕💕💕💕💕💕
فى ڤيلا البرهامى تتحدث حوريه فى الهاتف مع أحد رجال الحرس الموجود أمام الڤيلا تهتف قائله:جت ؟ طيب كويس دخلوها بسرعه
وبعد دقائق تنزل الدرج سريعا لتحتضن امينه التى بكت شوقا عند رؤيتها
حوريه :وليه الدموع دى بس ياداده
امينه: وحشتينى ياحورية يابنتى وزعلانه على حالك
حوريه تحاول كبح مشاعر واخفاء دموعها :واناحالى ماله ياداده
امينه:اتجوزتى مكملتيش شهر وسيبتى بيتك ورجعتى تانى لارف عامر وزينات غصب عنك
حوريه:وهى ترفع راسها براحه وكبرياء وانا اول مره ارجع الڤيلا دى بمزاجى وانا مش خايفه من حد انا اتغيرت ياداده ومش عارفه تغييرى دا صح ولاغلط بس انا حاسه انى بلاقي نفسي من ناحية وقلبي بيضيع من ناحية تانيه
امينه:سلامة قلبك يابنتى احكيلى مالك وايه اللى حصل معاكى وصلك لكده
حوريه:تعالى بس اطلعى ارتاحى وغيرى هدومك انا جبتلك هدوم جديده وكمان جبتلك اكل هنتغدى سوا وبعدين نقعد نحكى مع بعض واحكيلك على كل حاجه وتنصحينى اتصرف ازاى
امينه : ماشي يا حبيبتي
فى ڤيلا الجبالى
تهتف هدى بصوت عالى تكاد تصرخ من صدمتها قائله:لا. ياسين انت اكيد اتجننت
ياسين:فى ايه ياامى بس
هدى:انت هتتجوز مروه ؟ يعنى انت بتعملها اللى هى فى ديماغها بدل ما تعاقبها هو دا اتفاقنا ياياسين؟
ياسين:امى انا مش صغير وعارف كويس اوى انا بعمل ايه .
هدى:معنى كلامك دا ايه ؟
ياسين:معنى كلامى ياامى انى لازم اعاقب مروة بنفس الطريقة بتاعتها هى هتفتكر انها طلعت سابع سما ووصلت إلى هى عيزاه بس انا هرميها على سابع ارض وفى نفس الوقت بعاقب حوريه واخليها تفكر الف مره قبل ما تفكر تسيبنى وكمان بثبت لنفسي حاجه ياامى لو حوريه فعلا بتحبنى هتمنع الجوازه دى ولو مامنعتش الجوازه يبقى انا حاجه مش مهمه فى حياة حوريه وانا عمرى ماهفكر اعيش معاها وهى مش عيزانى واللى اهم من كل دا هى حوريه نفسها حوريه لازم تكمل فى طريقها انها تنتقم لنفسها وأنها تبقى اقوى وتبطل تهرب من مشاكلها وتواجهها من غير مساعده ولاحمايه من حد حتى لو انا . مع انى معاها فى كل خطوه بتخطيها بس من غير ما تحس عشان تفضل معتمده على نفسها
هدى:انت تقصد أن حوريه هتقف قصاد عامر ومراته لوحدها ؟
ياسين:هى مش لسه هتقف هى خلاص وقفت وحققت أولى خطواتها واهمها ودلوقتي زينات فى السجن بتهمة محاولة قتل حوريه وكمان حوريه استردت جزء كبير من الفلوس اللي استولت عليها زينات وسرقتها وظل يقص عليها الكثير من الأحداث التي مرت بها حوريه
هدى: حوريه عملت كل دا !!!؟بجد انا مبسوطة عشانها عشان قدرت تتغير وتعتمد على نفسها
ياسين:واللى مش هتصدقيه اكتر أن انا وحورية النهارده هيكون عندنا عشاء عمل مع شركتين مهمين جدا بصفتها رئيسة إدارة شركة البرهامى وطبعا انا رئيس إدارة شركة الجبالى
ثم ابتسم بسخرية ووجع شعرت به هدى قائلا :تخيلي ياامى مراتى وحبيبتى بدل ما نروح عشاء عمل واقدمها بصفتها مراتى نروح لشركتين مختلفين ومنافسين
هدى:انا لو منك تروح وتستغل الوقت وتوضح لها كل حاجه
ياسين:لا طبعا حوريه مش هتسمع منى وحتى لو هى مصدقانى حوريه عايزه تثبت كيانها وانا مش هحاول اقف قصاد اللى بتعمله انا النهارده هكون مبسوط بيها جدا بس طبعا لازم اظهرلها عكس كدا والنهارده هتسلى على جنونها وشقاوتها لما القطه اللى جواها بتطلع وتخربش
هدى:ههههه بس خد بالك لا القطه تخربش صاحبها
ثم تذهب من أمامه موليه لها ظهره لتتركه مندهش يراجع كلماتها بحيرة
