💕💕💕💕💕💕💕الفصل الواحد والعشرون💕💕💕💕💕💕💕💕
هبطت حوريه الدرج بثقل وتكبر وهى ترتدى فستان انيق ممزوج بالالوان وارتدت كعب عالى ولم تنسي ابدا وضع خلخالها الأنيق الذى كان دائما يشعل غيرة زينات ونيرانها التى تذكرها دائما بزينب وجمالها واناقتها فكانت ترى حوريه أمامها وكأنها والدتها زينب فهتفت فى بالها قائله:كبرتى ياحوريه وبقيتى نسخه من امك
سلمت عليها حوريه برسميه جدا قائله:اهلا زينات هانم
زينات :انا كويسه
زينات: ماشاء الله عليكي وعلى حلاوتك ياحوريه طول عمرك انيقه وشيك
فين البنت اللى كانت بتجرى عالسلم بالچينز والتيشرتات والكاب وكنا بنتحايل عليكى انك تلبسي فستان قدام المعازيم وكنتى بترفضي
حوريه:قصدك تقولى البنت اللى دوقتيها العذاب الوان اللى كنتم بتلعبوا بيها وبتبيعوها للى يدفع اكتر البنت اللى عيشتوها فى عالم مش بتاعها خالص اللى مكنش عندك ذرة حنيه ولا شفقه وكانت بتتمنى حنان الام اللى مش عندك عشان كدا ربنا ماردش يظلم طفل برئ انك تكونى أمه أو يخليكى تجيبى لعنة شيطان من دمك على الدنيا ماهو العالم مش ناقص اتنين من نفس الدم دا لو كان عندك دم وانتى جايه بعد كل اللى عملتيه فيا
انتفضت زينات من كلام حوريه وتحدقت عينيها ذهولا لتهتف بصوت عالى حوووريه
حوريه بصوت اعلى غاضب:وطى صوتك وتتكلمى بصوت واطى ومتنسيش انك دلوقتي في بيتى
زينات:هه بيتك انتى فاكره انى مش عارفه اللى فيها وأنه متجوزك بس عشان يبقى مالك امرك ومنقدرش نجوزك حد تانى بس بكره لما يطلقك ويرميكى فى الشارع ويجوز اللى يختارها بإرادته مش اللى بيساعدها شفقه هتتاكدى من كلامى
شعرت زينات انها هزت حوريه بكلامها المسموم ولكنها تفاجئت من رد حوريه
حوريه بكل ثقه وغرور :انا مرات ياسين باشا الجبالى وهفضل مرات ياسين باشا الجبالى ومفيش غيرى ولا فى قلبه ولا حياته ولا فى بيته انا وبس
وياريت تنجزى وتقولى انتى جايه هنا عايزه ايه ماخلاص سيبتلك كل حاجه بابا واخدتيه منى وكرهتيه فيا والأملاك والشركات خدتيهم عايزه ايه تانى مش مكفيكى كل دا جايه تفرقي بينى وبين جوزى ؟يابجاحتك
زينات:انا جيت اعرفك ان باباكى هيدخل السجن
حوريه بقلق:بابا!!!؟ انتى بتقولى ايه ؟
زينات وقد شعرت من حديث حوريه بلهفه انها قد حققت ما ارادته ابوكى ياحوريه هانم هيدخل السجن وكمان اللى هيدخله جوزك وبعض الشركات التانيه باباكى عليه شيكات موجوده عند ياسين والشركه مهدده بالافلاس وباباكى داخل السجن
حوريه :البركه فيكى
زينات:ليه وهوانا اللى قولتله يخلص فلوسه على القريه السياحيه اللى كان بيشطبهالك عشان يكتبها باسمك وكمان كان سايب شغله كله وقاعد لتشطيب القريه السياحيه قال ايه عايز يقدمهالك هدية جوازك ويأمن مستقبلك قبل ما يموت
حوريه بعدم تصديق:بابا بيشطب قريه سياحيه ليا انا
زينات وهى تلوك فمها :,اه ايه مش مصدقانى روحى اساليه قبل ما يتسجن
حوريه:وانا اقدر اعمله ايه دلوقتي انا
زينات:فى ملف موجود مع جوزك فى شيكات باسم عدنان السيد مرعى تيجيبيها
حوريه:وانا اجيبها ازاى دى أن شاء الله عمرى ماهقدر اطلب منه طلب زى دا وبعدين مين عدنان السيد دا هى الشيكات مش باسم بابا
زينات :بقلق هه لا عدنان دا هو اللى ماسك كل حاجه وبيتفق وبيمضي كل حاجه لان باباكى عامله توكيل وبعدين انتى مش هتطلبي منه انتى هتحاولى تجيبي الملف من غير مايعرف وهتشيلى كام ورقه معاه من الخزنه عشان ميشكش
حوريه:انتى اتجننتى عيزانى اسرقه
زينات: خلاص سيبي ابوكى يتسجن وساعتها هتتفضحى فى كل مكان وكمان لما نشوف سي ياسين هتكون نظرته ليكى ايه لما يحس بضعفك واهله كمان
حوريه: طيب يلا امشي قبل ما حد يشوفك هنا وانا هتصرف
زينات :متتاخريش عليا
حوريه بنظرة كره وغضب : طيب يلا امشي
