💕💕💕💕💕💕💕💕الفصل السادس عشر 💕💕💕💕💕💕💕💕💕
الفصل السادس عشر
بكرهك بكرهك بكره كل حاجه حبيتها فيك بكره اهتمامك بيا وبكره حنانك المزيف وبكره تمثيلك عليا انك بتحبنى بكره كل حاجه بكره حياتى وبكره نفسي نطق قلبها بكل هذه الكلمات ولكنها توقفت على طرف لسانها لم تكن على استعداد النطق بها الآن فليست هذه هى الطريقة للانتقام منه ومن فعلته وتمثيله عليها فهى الان اقسمت أن تنتقم من الجميع فهى الان ليست على استعداد الهروب منه أو الوقوف بوجهه ولكنها ستنتقم منه بنفس طريقته بالتمثيل والكذب والخداع كما تعلمت من الجميع حولها ومنه هو
ياسين: حوريه مالك مسمعتش ردك؟
حوريه بخجل :انا هقولك ردى بس توعدنى انك مش هتطلب منى اى حاجه غير لماترجعلى كل حقوقى من زينات وبابا
ياسين: حوريه انا مش عايز منك اى حاجه غير انى اسمعها منك وبس انا مش مستعجل على اى حاجه غير اني اعرف انك انتى بتحبينى بس يعنى عايز ردك فى كدا مش اكتر اه أو لا
حوريه:ايوه
ياسين:ايوه ايه بتحبينى
اومأت حوريه رأسها بالموافقه ورفضت قول هذه الكلمه فهذه الكلمه ليست للكذب أو للتمثيل ويصعب نطقها بتمثيل فهى بالرغم من حبها له ولكنها رفضت بداخلها أن تنطق هذه الكلمه وهى عكس ماتنوى عليه واخفت ذلك الشعور وراء خجلها ليحملها ياسين سريعا إلى أحضانه ويلف بها فكانت بالرغم من نيتها للانتقام يخونها قلبها أحيانا وتشعر بحبه وسعادته ولكنها كانت من حين إلى آخر تتذكر ما تنوى عليه وتتذكر انتقامها
فى مكان آخر فى القاعه تقف ساره وراء عمود مغطى بالورود والكريستال بجانب مقعد مروه ودينا لتسمعهم يتحدثون
مروه :انا لازم افضحها قدام الناس دى كلها
دينا:هتعملى ايه ؟
مروه : هتعرفي دلوقتي
ثم أخرجت من حقيبتها علبه صغيره بها بودره بيضاء
دينا :يخربيتك ايه دا ؟
مروه:دى حبايه مطحونه هحطهالها فى كوباية العصير هتخليها تعمل حاجات متتصدقش
دينا :يخربيت ديماغك طيب وانتى هتحطيها ازاى
مروه :انا هنادى على العامل يطلع لهم عصير وبغلطه صغيره غير مقصوده انتى هتخبطى فيه وبعدين تفضى البودره بسرعه فى الكوبايه
دينا:طيب افردى ياسين اللى شربها
مروه :ياسين عنده حساسيه من الفراوله ومش بيشربها نهائي وانا هطلب اتنين فراوله
دينا يخربيت ديماغك
تقف ساره تحدق بعينيها على ما سمعته فتذهب سريعا وهى شارده فيما ستفعله الان لتنقذ الموقف لتصتدم باحدهم
ساره: مش تفتح يا استاذ
الشاب :انا برده اللى افتح . حضرتك اللى ماشيه تلطشي وكانك ماشيه فى المكان لوحدك
ساره:نعم ؟ الطش
الشاب: خلاص يلا حصل خير روحى شوفى انتى راحه فين
ساره بشرود:ما انا مش عارفه اروح فين
الشاب :نعم ؟ حضرتك مجنونه
ساره:هشششش بس بقا خلينى افكر
الشاب:تفكرى فى ايه يا مجنونه انتى
ساره:يخربيتهم دى ديماغهم سم طيب انا دلوقتي أنقذها ازاى
الشاب :حطيلها السكر في الشاى ياستى عدينى انتى شكلك مجنونه
ساره:اصلها لوفعلا شربت العصير هتبقى مصيبه والكل هيتكلم عن مهزلة فرح سليم الجبالى وعروسته وطبعا هو دا اللى عايزين يوصلوله
الشاب:هى مين دى ؟
ساره: طيب بقولك ايه تفتكر اروح اقولها ولا اقول لياسين بس ساعتها هتحصل مشكله جامده
الشاب:اقولك انا
ساره :هااااا قووول
الشاب:سيبينى اعدى
ساره:اسيبك تعدى ؟ انت مين اصلا وايه اللى موقفك هنا وعايز منى ايه؟
الشاب :ياستى انتى خبطى فيا من غير قصد وخلاص ممكن اعدى
ساره : خلاص خلاص عدى
ذهب الشاب وهو يتمتم قائلا:مجنونه
ساره :سمعتك على فكره
