-تفتكري ليه ياهدي مراد جه يخطبني هو رخم وانا رفضته بس كان نفسي اساله اوي ليه جالي وكان مصمم اوي اني اوافق
-وانا كمان يارؤي الصراحه استغربت انو اتقدملك خصوصا لما حكتيلي الي حصل وانكو مكنتوش قبلين بعض اول مره داانتي كنتي هتضربيه
-بصيلتها بغباء ولقتني بقولها ممكن كان عايز ينتقم مني علشان زعقتله يومها
-لقيت هدي ضحكت جامد وبتقولي :يابنتي يخربيت الروايات الي كلت دماغك دي وبعدين مالك كدا احنا نهينا موضوع مراد من شهر بقالك يومين بتفكري فيه ليه
-بصتلها بستغراب اكنها نبهتني لحاجه :معرفش فعلا ايه الي فكرني بيه
-متشغليش بالك بيه يارؤي انا جيين الرحله بالعافيه علشان ننبسط انسي اي حاجه تعكر مزاجك وقومي يالا نرجع المعسكر زمانهم صحيو
-لا خليني هنا شويه ارجعي انا لسه مشبعتش من البحر
هدي سابتني ومشيت وانا رجعت بصيت للبحر بس لسه كلمتها بترن في وداني ايه الي فكرني بيه وليه دلوقتي افتكرت اول مره شوفته كنت راحه لكريم اخويا مركز الشرطه الي شغال فيه اديله مفتاح عربيته كنت واخدها نشتري حاجات انا وهدي خلصنا روحت هدي وبعدين رحت لكريم المركز
ركنت العربيه ولسه هخرج منها لقيت الي خبط في العربيه وكسرلي الفانوس بتعها يالهوي كريم هيموتني خرجتله وانا كلي عصيبه
-مش تفتح انت ينفع الي عملته دا اعمل ايه دلوقتي كسرتلي فانوس العربيه والله لخليك تصلحها
-يعني ركنه غلط وكمان بتغلطي لما مبتعرفوش تسوقو بتركبوها ليه فعلا مكانكوا المطبخ
-والله لما انحنا مكانا المطبخ انتو مكانكو فين سله زباله
-لقيته فجأه زعق بصوت عالي فزعني الصراحه :انت قد الكلام دا يابت
-كله الا كلمه بت بتعصبي وهو الي خرجني عن شعوري يتحمل بقا:بت اما بتك ايه بت دي بلعب معاك في الشارع
لقيته اتعصب كدا ولسه ورفع ايده ايه دا هيضربني ولا ايه بس صوت كريم انقذني الحمد لله -ايه في ايه بتزعقو ليه وانتي يارؤي مدخلتيش ليه بقالك نص ساعه بتقوليلي وصلت وبعدين بص للشئ الي كنت بتخانق معاه ولقيته بيقوله ازيك يامراد متاخر النهارده يعني مش عوايدك احنا الاتنين مردناش عليه وبرضو بنبص لبعض بعداء
لقيت كريم بصلنا احنا الاتنين:ايه في ايه انتو الاتنين رؤي دا مراد صحبي ومراد دي رؤي اختي في ايه بقا بصتله بعصبيه :الاستاذ خبط فيا وكسرلي فانوس العربيه
رد هو كمان بعصبيه اكبر:انتي الي ركنتي غلط
كريم وقف في نصنا مره واحد :بس خلاص انتو الاتنين محصلش حاجه
بصتله بغضب وبعدين طلعت المفاتيح واديتلها كريم :انا مروحه ورحت بصيت لمراد بقرف:حصلنا القرف ياحضرتك الظابط ومشيت جري صراحه كان شكله هيكولني بس سمعت كريم وهو بيضحك وبيقوله معلش امسحها فيا اختي هبله انا عارف
ماشي ياكريم ماشي لما ترجعلي
عدا اسبوعين
ولقيت كريم جاي ورايا المطبخ بحسبه هيرخم عليا كالعاده بس لقيته حضني جامد وبيقولي:معقول كبرتي وبقيتي عروسه وبعدين مسك وشي بايده مراد طالب ايدك مني
لحظه زهول مرت عليا وبعدين سالته: مراد مين مراد صاحبك الي انا بهدلته غريبه هحكي لربنا واصلي استخاره واشوف
بعد ثلاث ايام لقيت ماما بتقولي ان مراد بره مع كريم وطالب يسمع ردي هو كل حاجه غريبه ليه مش المفروض يتصل الاول ولو موافقين ييجي ماعلينا لبست وخرجت وانا واثقه من اجابتي ومن الي هقوله
لقيت كريم قاعد وقصاده مراد قعدت جنب كريم ومسكت ايده وبعدين قولت:الصراحه ياكابتن انا حكيت لربنا الي حصل بنا وصليت استخاره ومشفتش انك خير ليه طلبك مرفوض
وسبته ودخلت بعدها لقيت هدي بتكلمني تقولي ان الدفعه عامله رحله لمرسي مطروح بعد شهر بما اننا سنه تخرج علشان نطلع مع بعض
فوقت من تفكيري ايوه هدي معاها حق ايه الي فكرني انا جايه انبسط وانسي اي حاجه تزعلني يالا اقوم ارجع لهم بصيت في ساعتي يااااه الساعه 9وانا قاعده من شروق الشمس انا عارفه ليه بييجي في دماغي هو الشيطان الجذمه هروح اتوضي واصلي الضحي واقرأ قرآن واذكر ربنا كتير وابقي وريني بقا هتلعب في دماغي ازاي وهنروح نتفسح بعدها وانسي اي حاجه بقا
.
.
.
.بعد اسبوع
-ياااه عدي اسبوع بالسرعه كدا بس كان تحفه صح يارؤي
-كان جميل صراحه والبحر روعه ياهدي
-اهم حاجه قولتي لخوكي علي المكان الي الباص هينزلنا فيه علشان يقابلنا
-اه قولته ياااختي نامي بقا علي ما نوصل
نمنا وصحينا علي صوت المشرف:يالا ياجماعه وصلنا اصحو نزلنا انا وهدي من الباص ومعانا شنطنا ببص حوليا بدور علي كريم بص فتحت عيني علي الاخر ايه مراد ايه الي جابو هنا لقيته جاي علينا كدا وبيقولي بابتسامه
-ازيك ياانسه رؤي اتفضلي انا هوصلك كريم جاتله مؤموريه وقالي اجي بداله
بصتله بغيظ وانا جوايا هولع من كريم بس لما اشوفه
لقيت هدي مسكت ايدي وبتهمسلي:انتي تعرفي الاشكال النضيفه دي منين يابت
-مسكت ايدها ومشيت ناحيه مراد الي خد شنطنا وحطها في العربيه وقولتلها بصوت واطي:دا مراد ياحزينه
بصتلي بغيظ وضربتني في كتفي :والله مافي حزينه غيرك دا بترفض طب جبيهولي داانا صحبتك
فوقنا علي صوته بيقول بهدوء:ممكن تركبو علشان نمشي
سالته مش عافه ليه بس كنت عايزه انرفزه:وانا اعرف منين ياكابتن ان كريم الي قالك
لقيته بيضحك وبصلي:ممكن تتصلي بيه علي فكره وتساليه يالا اركبي بقا
ركبت ورا انا وهدي كان الصمت سيد المكان زي مابيقولو بس فجأه لقيته بيقولي بابتسامه بشوشه
-انسه رؤي ممكن تفكري تاني في موضوعنا وتقولي رائيك
اتفاجأت الصراحه بس لقتني بقولي بتلقائيه:معتقدش ان جوابي هيتغير انا بثق جدا ان ربنا بيخترلي الاحسن
لقيته بيقولي بثقه شديد:انا طلبتك من كريم تاني وواثق المره دي اني هكون الخير ليكي اتفضلو انزلو وصلنا
-ومالك واثق كدا ليه
-بصلي بنفس الثقه مع ضحكه صغيره لما نكتب الكتاب هقولك
بصتله بسخريه :بتحلم ونزلت
نزلت ولقيت هدي بتمسك ايدي وتقولي بحنيه فكري تاني يارؤي بس براحه علي الراجل ايه دبش علي طول كدا
اعمل ايه يعني انا بحب الصراحه مبحبش ادور الي في قلبي علي لساني علي طول
طلعت سلمت علي ماما وبابا وحشوني اوي وبعدين قعدت افكر في مراد واثق من نفسه كدا ليه هو مفيش غيره مثلا هو اينعم عسول حبتين يبقي خلاص ايه يارؤي دا اتعدلي الله انا هروح اصلي واحكي لربنا واصلي استخاره والي فيه الخير يقدمو ربنا بقا
*
*
*
هدي-مبررروك يارؤي مبروك ياقلبي كتبو كتابك خلاص دخلتي القفص
=الله يباركفيكي ياهدي عقبالك ياحبيبتي يارب
- يالا يابنات نخرج العريس جايه
خرجو كلهم وسبوني لوحدي الصراحه كنت متوتره جدا جدا بس لازم اساله ليه كان واثق اني هوافق عليه
لقيته داخل علي وشه ابتسامه فرحه اكنه فاز في حرب خطف قلبي فعلا وقتها قرب ومسك ايدي وبصلي وقلي دلوقتي اقدر اقولك ليه كنت واثق انك هتوافقي كنت دعائي في جوف الليل برجاء وفي كل صلاه والتمس اوقات الدعاء لتكوني لي وتكوني زوجتك وان اكوني خيرا لكي وان كنت شرا جعلني الله خيرا لاجلك (كنتي دعوتي ورجائي)
عيني دمعت فجأه ولقتني بقولك :كنت اختيار ربي لي
#SM&
