الباب خبط واحنا قاعدين ودخل الدكتور
*امم فوقتي اخير ياانسه ياسمين صحابك كانو قلقنين عليكي جد وخصوصا الانسه الي جابنك حمدلله علي سلامتك
ردت ياسمين بضعف :الله يسلمك
=هي ممكن يتكتبلها خروج النهارده يادكتور
-لا يا دنيا انا لازم اخرج النهارده ماما هتقلق عليا
*للاسف ياانسه ضغطك كان عالي جدا مقدرش اكتبلك علي خروج النهارده ان شاء الله بكره لما نطمن عليكي اتصلي بمامتك وعرفيها
الدكتور خرج من الاوضه وياسمين متكلمتش تاني كل الي قالته اقول لمامتها ونامت مردتش اتضغط عليها في الكلام كفايه اوي الي حصلها النهارده
اتصلت بمامتها وعرفتها لما جت صممت اننا نروح انا وندي ومروه روحنا فعلا بس تاني يوم الصبح كنت عندها لسه هدخل لقيت اسلام خارج من عندها وعفاريت الدنيا بتتنطط في وشه ولقيته بيقولي بصوت عالي
^انتي السبب في كل دا انتي الي دمرتي كل حاجه بنا
قولتله بغضب وقرف=انا بس عرفتها حقيقتك والحمدلله انها ظهرت بدري
كان هيزعق تاني بس لقيت الدكتور بتاع امبارح جه وقاله انها مستشفي ميعليش صوته
بصلي بغضب وسابني ومشي
شكرت الدكتور ودخلت لقيت ياسمين قاعده علي السرير بجمود هزني ومامتها قاعده جنبها بهدوء مقدرتش اتكلم
الدكتور دخل بعدي *هه عامله ايه ياانسه ياسمين النهارده
ردت مامتها-هي كويسه يادكتور حمزه الحمد لله هتخرج النهارده ان شاء الله
*ايوه ان شاء الله ياامي علي فكره انسه دنيا كانت خايفه عليها جدا امبارح
-ياسمين ودنيا اخوات واكتر من الي اخوات يادكتور
*طب حمدلله علي السلامه يارب تكون اخر مره تدخلي مستشفيات
خرج وانا قعدت جنب ياسمين مش عارفه اقولها ايه
لقيتها بتقول :متخافيش عليا يادنيا انا كويسه بس فوقت اخير الضربه كانت قويه بس الضربه الي متموتش تقوي وانا بس صعبان عليا نفسي بس الحمدلله ان ربنا مبيخترش لنا حاجه غلط وانا اتعلمت
خرجنا من المستشفي بس ياسمين بقيت علي طول ساكته هاديه فقدت شغفها وفرحها بقت جد جدا فعلا بقيت خايفه عليها عرفت من مامتها انها واجهت اسلام وهو انكر بس هي زعقت معاه وبهدلته وقلعت دبلته انا معاها ان الموضوع صعب وخصوصا انها جارته بس هي متستهلوش هي تستاهل الي احسن منه ميه مره ربنا هيعوضها اكيد انا واثقه من كدا
"دنيا في عريس جايلك النهارده
=مش موافقه ياماما مش عاوزه
"يابنتي ليه بس انا وباباكي شايفين انو مناسب ليكي جدا طب قابليه طيب
=ريحي نفسك ياماما لا يعني لا مش هتجوز خالص ارتاحي
دخلت الاوضه مش عاوزه اتخطب للاسف بقيت اشوف كل الرجاله وحشه موضوع ياسمين اثر في نفسي جامد مش قابله حد في حياتي مش هقدر استحمل كسره قلب لقيت الفون بيرن كانت ياسمين
=ياسو حبيبتي وحشتيني
-الحمدلله كويسه يا دودو بس انا زعلانه منك
=زعلانه مني ليه ياقلبي انا عملت ايه
-مزعله مامتك بسببي
=بسببك لا طبعا ليه بتقولي كدا
-مش انتي رفضتي العريس علشاني علشان الي حصل
=لا انا مش عاوزه اتجوز من زمان وانتو عارفين
-لا انا فهماكي كويس علي فكره مش كل الرجاله وحشه بيعتمد علينا احنا واختيارتنا انا اختارت غلط وبتحمل نتيجه الي عملته وانتي دلوقتي ماشيه طريق غلط وبعدين ازاي انتي ازاي تقوليلي انسي وعيشي حياتك وانتي متاثره بالموضوع اكتر مني يالا روحي اعتذري لمامتك وقابلي العريس واستخيري ربنا وشوفي وسيبيها عليه
=اتغيرتي اوي ياسمين
-لا اسمها اتعلمت والدرس كان صعب
قفلت معاها وانا بدعلها من قلبي ورحت ووافقت اني اقابله بس واعرف طريقته واصلي استخاره اخترت احكم عقلي صراحه ماانا كمان اتعلمت القلب لوحده بيخدع
-يالا يادنيا تعالي ودخلي العصير
=حاضر ياماما جايه خدت نفس عميق وطلعته بهدوء علشان اهدي نفسي ودخلت
بصيت لقيته الدكتور بتاع المستشفي
=دكتور حمزه
ابتسم وقالي-اه دكتور حمزه انفع ولا لا
بابا ضحك وبعدين قال طب اسبكو لوحدكو شويه خرج للصاله وسابنا في الاوضه وفتح الباب
لقيته خد نفس بصلي بهدوء وبدا يتكلم-انا حمزه الشامي 27سنه دكتور باطنه عندي اخ واحد بس اصغر مني بسنتين اسمه حازم مهندس والدي متوفي وعايش مع ولدتي انا واخويا وان شاء وليا دور فوق شقه ولدتي هنعيش فيه ان شاء الله عندك اي اساله اه وبصيلي علشان بعد كدا هيبقي النظره بحساب وربنا هيحاسب عليها لكن دلوقتي في الرؤيه من حقك
اتكسفت جامد صراحه وبعدين قولتله
=انت بتصلي وحافظ القران ولا لا جاوبني بصراحه لو سمحت
-الحمد لله الاتنين
=ليه انا
-شوفت بنت جدعه بميه راجل واقفه جنب صحبتها ومسبتهاش رفضت حنينه وقلبها ابيض وبتحب الخير لغيرها تكفي دي اجابه
بصيت في الارض ووشي احمر=عندك انت اساله
-ضحك وقالي :انا عرفت الي عاوزه قبل ماجي
=طب هصلي استخاره وارد علي بابا
-مستني الموافقه
خرجت بسرعه وانا قلبي بيدق بس خوفت صراحه خوفت صليت استخاره وحسيت اني مرتاحه جدا طلب من بابا يكتب الكتاب علي طول وبرضو صليت استخاره وحسيت براحه
يوم كتب الكتاب كان في الجامع البنات كانو معايا كلهم
مروه*خلاص هتخدلي القفص برجليكي مكنش يومك ياحبيبتي جبتي الراجل علي ملا وشه
ندي^لا دي جابته من نظره عين
ياسمين "بطلو رخامه يابنات متكسفوهاش الف مبروك ياقلبي
=الله يبارك فيكي ياسو عقبالك يارب
"يالا نخرج نتفرج علي كتب الكتاب
توهت في الكلام وانا عارفه قومنا نتفرج عليهم من فوق وهما في مسجد الرجاله تحتنا
قلبي دق واتوترت جامد محستش بالي حوليا اول ما قال بارك الله لكما في الخير لقيته علي طول بص لفوق وبصلي وابتسلمي صحابي شفونا وضحكو اتكسفت جامد ودورت وشي الناحيه التانيه نزلنا روحنا البيت
كان حمزه واقف جنبي مسك ايدي وانا اتكسفت
-مبروك
=الله يبارك فيك
-انا فرحان جدا انك بقيتي مراتي خلاص
وشي احمر ومكنتش عارفه اتكلم بس انقذني حازم
؛عصافير الحب واقفين بيقولو ايه
*حمزه بصله بغيظ :انت ايه الي جابك
؛شكلك كنت بتتشاقا ياكبير عقبالي يارب
*انوي انت وانا اجوزك معايا
؛انني انتظر تلك الي ستاخذني علي بساط الريح من النظره الاولي وانا اخطفها من النظره التانيه
* طب حاسب لتقع علي وشك بس
مقدرتش امسك نفسي عن الضحك اكتر من كدا منظرهم تحفي وهما بيتناقرو ضحكت جامد
*معلش زوجتي العزيزه حازم اخويا الاهبل
حازم حازم يابني روحت فين
؛هه لاقتها وبعدين جه جمبي
الا قوليلي يامرات اخويا مين العسل الي هناك دي
بصيت للي بيبصلها
=مش ممكن ياسمين بصتله تاني بس دي مش للعب دي صاحبتي
*علي فكره يادنيا حازم راجل وقد كلمته
؛والله ياحمزه طول عمري بقول عليك اخ جدع علي فكره
بصيت لحازم وبصيت لياسمين حسيت انو ممكن يعوضها فعلا وقولتله= بس دي مش هتخطفها في النظره التانيه هتتعب كتير
؛هستناها وهتعب ادام هخطفها في الاخر
بصتله باستنكار لقيته بيقولي ؛جربيني
=من مره شوفتها
؛اعتقد عندي كفايه
*لاحظو اني واقف معاكو ابعد ياعم دي مراتي انا وكتب كتابي انا مش فرحك هو
ضحكت تاني عليهم بس في نيتي ياسمين هتبقي سلفتي
.
.
.
.
.
ودوني علي بيت حبيبي نعيش مع بعض فيه
"وهتجوز وهتجوز هاااا النهارده فرحي مش مصدقه وربنا هاااااا
=مجنون خد هبله بس احسن حاجه اننا فرحنا مع بعض وخدنا اتنين اخوات يا ياسو
"عمري ما كنت اتخيل اني افرح تاني حازم استحملني كتير وتعب علشان يوصلي عمره ما زعلني دايما كان بيتعامل معايا بهدوء اكني بنته بالظبط استحمل هبلي ونكدي وجناني وميسبيش غير لما اضحك من هزاره حافظ عليا للحلال كان بيسمعني من غير ما يمل او كان بينصحني اكنه ابويا يادنيا كان صعب محبوش عارفه حسيت اني عمري محبيت غيره رجعلي ثقتي في نفسي وفيه تاني اول مره مسك ايدي بعد كتب الكتاب حسيت عيني دمعت مزعلتش وكنت عاوزه اسيب ايده لا انا تبت فيها مكنتش عاوزاه يسبني
حسيت ان للحلال طعم تاني انا بحبه اوي يا دنيا
منعرفش حازم دخل امته بس لقناه بيقول*دا كله ليا انا طب كنتي بلي ريقي بكلمه داانا غلبان وبحب مرات والله
ياسمين اتكسفت اوي وانا قولتله انت ياعم انا هنا
*طب روحي لجوزك بره ومتبقيش عزول يالا علشان اسلم عليها وهاخدها واطفش مش رايح فرح انا
ضحكت وقولتله=طب سلام انا بقا
خرجت وقفلت الباب ورايا وابتسمت جامد لقيت حمزه قدامي ومسك ايدي وباس راسي مسكت ايده قوي وقولتلك
(والحلال في طاعه الله حياه واسمي حب هو ما حفظ في القلب حتي يظهر للنور ليكون حلاوه تلك الحياه)
#للحلال طعم اخر
#SM&
رايكو😍😍
اكمل كتابه انفع ولا لا😄😄
