(ليت قلبي يُعْمَرُ بسكن عيناك. فاانا في الخوف ساكن
لعل الأمان برؤياك)
- انت هتيجي امته
=مش عارف لسه انتي عارفه شغلي انا عارف اني اتاخرت عليكي جامد المره دي بس غصب عني والله
-اتاخرت اوي يا حمزه اوي انا مشفتكش بقالي شهر
=طب اعمل اي بس ياحبيبه ماانتي عارفه انه مش بمزاجي والسفريه دي كانت مهمه خالص وفلوسها مهمة علشان الفرح والشهر الي هاخده اجازه
-انا قولتلك مش عاوزه فرح عاوزه نعمل عمره بداله
احسن كتير صح
=صح يابيبه بس برضو العمره عاوزه فلوس صح
ان شاء الله مش هتاخر عن اسبوعين وهرجع الشركه في مصر
-احنا كتبنا الكتاب وسافرت تالت يوم على طول ملحقتش اقعد معاك خالص
=كان نفسي اكتب الكتاب من زمان اوي علشان اقعد معاكي براحتي لكن تأتي الرياح بما لا تشتهي السفن وبعدين يابيبه هو انا بسيبك داانا بكلمك طول النهار تقريبا
- انت زعلان انك بتكلمني ولا ايه من دلوقتي كدا امال بعد الجواز هيحصل اي
=الله مرحبا بهرمونات النكد ياروحي انا قولت برضو المود مش مظبوط النهاردة
- انا اصلا عاوزه اعيط من الصبح اتحكالي موضوع النهارده ومش عارفه ارد باايه
=طب احكيلي ياحبيبي انا سامعك
- لا عاوزه احكيلك فيس تو فيس
=طب ممكن لما اروح نتكلم علشان انا في الشغل ومينفعش افتح فيديو كول
- اوك متنساش
=انتي عارفه مبنساش حاجه تخصك
-!!☺️☺️☺️
=اتكسفتي صح يابنتي انا جوزك اقسم بالله
- بنتي وجوزك في نفس الجمله متركبش المهم انت اتغديت
=توهي توهي ايوه ياستي الحمد لله اتغديت روحي اتغدى انتي بقا علشان عارف انك لسه مكلتيش لدلوقتي والله لو ما كلتي عدل انتي حره
- يا عم من غير ما تحلف انا جعانه اصلا يالا ياباشا سلام اروح اكل واكلمك فيديو لما تروح
=ياباشا اشكو إليك يارب اشكو إليك روحي روحي لنا الله
- الله متزقش طيب هقفل اهو سلام
=مع السلامه يااختي
نرفوز اوي مش عارفه اي دا الله
( انا حبيبه والراجل العسل النرفوز دا زوجي قره عيني
كانت خطوبه تقليديه اه بس دايما راجل اد كلمته دايما داعمني وواقف في ضهري حتى لو تفكيري غلط بيصلحه بس بذكاء بيوجهني ويتناقش معايا يايقنعني يااقنعه مقتنع جدا أن الحياه مشاركه الحياه صعبة بس لازم ندور على إلى يهونها علينا مش الي يتعبنا اهم حاجه منهنش عليه . وبعد إلحاح رهيب منه أننا نكتب الكتاب وافقت علشان صعب عليا بكذب عليكو ياجماعه اول ما قالي ما صدقت طبعا دي خطوبه ٩ شهور وخناقات ويصالحني ونتخانق ويصالحني برضو الله امال اتخانق واصالح كمان
المهم كتبنا الكتاب وقلت بقا هنخرج ونتفسح ونتكلم بقا بلا قيود يقوم الباشا تجيله سفريه للفرع الشركه الي في ألمانيا شهر ونص ليه ها ليه المهم نقوم ناكل بقا
- ماما ماماااااا ياأمي
+ بس بس في اي
- جعانه انا جعانه اوي اوي عامله اكل اي بقا
+ ادخلي حطي الاكل علشان ناكل كلنا
- يالا بسرعه ياندي يا روقيه وعبدالرحمن ياعمر بابا يلا الاكل يابشر
+ الله يكون في عونه واخد مجنونه
- عجبه عجبه
قعدنا ناكل كلنا دي عيلتي القمر ندى متجوزه عبدالرحمن من شهرين وروقيه في الجامعه وعمر في الثانوي لسه وبابا وماما خلصنا اكل وقعدنا مع بعض شويه و نشرب شاي بالنعناع
عمر :بابا هو مش حرام الي بيحصل في tik tok دا والبنات والي، بتعمله فيه والشباب كمان
بابا: اه طبعا حرام عن ابن مسعود،قال النبي صلى الله عليه وسلم «إن مما أدرك الناس من كلام النبوة الأولى: إذا لم تستح فاصنع ما شئت» وكمان
رسول الله ﷺ قال: (يأتي زمان على أمتي القابض على دينه كالقابض على جمرة من النار)
وبعدين احنا الي بنعمل للحاجة الرخيصه سعر لما نعملها تريند وادخل شوف الهبل الي عند الناس ونشيره عندنا ونبدأ نرددها ومش عارف ايه العيب فينا لو كل واحد بدا بنفسه صدقني الموضوع هيتغير اما بقا البنات والشباب والي بيعملوه فللاسف معدش في تربيه ولا رقابه ولا تعليم دين لو كان في دين واتغرس جواهم حب ربنا وخوفهم منه مكنوش بقو كدا ابدا
روقيه : يابابا دا حتى الحجاب بقا حريه شخصيه وشوف الجديده بقا الست مش ملزمه
بابا& يعني ايه مش ملزمه دي كمان
- يعني مش ملزمه تربي وتذاكر وترضع وتخلف وحاجات كتير كدا
بابا & دااحنا داخلين على ايام ما يعلم بيها غير ربنا
ربنا يسترها علينا وخرجنا منها على خير ويحسن خاتمتنا يارب احنا نلغي tik tok علشان حوراته كترت احنا نلغي النت اصلا
- لا امال هكلم حمزه ازاي سبولي الماسنجر اكلمه عليه طيب
& دا من انعدام الحياء برضو في واحدة تقول لباباها هكلم حمزه ازاي
- جوزي يابابا الله
& لسه ها لسه معملناش فرح
- كتبنا الكتاب
& الغيه
- انت اصلا اصلا حبيبي اكتر منه ميه مره
بابا باستنكار & بجد
- امال يعني انا موافقتش عليه غير علشان شبهك كدا وفي من شخصيتك بس انت احلا برضو
& ايوه انا احلا طبعا
عمر: شوف البت ضحكت على بابا بكلمتين
- بابا حبيبي اصلا اطلع منها انت
من اكتر الحاجات الي هتوحشني لما اتجوز هي القعده دي ممكن نقول ونستفسر عن أي حاجه في دماغنا من غير خوف بابا طول عمره مربينا على اننا صحاب مفيش اي مشكله لو غلطنا الأهم اننا نتعلم من الغلط دا ومنكرروش تاني
الليل جه وحان وقت مستر حمزة يرنلي ماسنجر
=السلام عليكم
- وعليكم السلام ورحمة الله وبركاته هلا والله كويس انك افتكرت كانت فيها نكد اسبوع دي
=قولتلك انا مبنساش حاجه تخصك
- جدع كدا احبك
=وانا بحبك ياستي
- تسلم يا غالي يابن الناس الغاليه
=حبيبه المراره المراره الله يكرمك هتفرقع قولي ياحبيبتي الي حصل منكد عليكي
-بص ياسيدي هي ينفع واحد يكون خاطب واحد ويقول لها كلام حب ويتغزل فيها وهي لسه مش مراته
=ياختي دا الي مراته مش عارفه ياخد منها كله عدله لله ولو جه اتكلم بتجنه بردود أفعالها
- انا حاسه بتلقيح مش عارفه ليه
=حاسه مش متأكده اصماله عليكي
- نسيب بقا المشكله ونقلبها خناقه وترجع تقول انا الي نكدية
=طب نرجع للموضوع دا طبعا مينفعش لانه لسه اجنبي عندها لو بيحبها فعلا هيتقي ربنا فيها وفي كل كلمه تطلع منه ولو عايز يبين لها انه بيحبها بيبن كدا بالفعل ميهونش عليه زعلها يشوف ايه الي بتحبه ويجبهولها ياخد رأيها يشاركها في حياتها واحده واحده يهتم
- اه اصل الاهتمام مبيطلبش
=دا تلقيح بتردهالي يعني طب على فكرة بقا انتي عارفه اني بحبك من اول ما اتخطبنا بس كنت بحافظ عليكي
- عارفه المهم عرفت حوار الست مش ملزمه ده
=دي ليله مناقشه صح عموما الست فعلا مش ملزمه هي حبه دا وبتعمله هي حياه مش علشان ملزمه
يعني هي بتطبخ لولداها وجوزها وبتتفنن في الأكل علشان يعجبهم علشان بتحبهم وهكذا بقا قيسي عليه كل حاجه انتي ساكته ليه
- بحب اسمعك واسمع وجهه نظرك وانتي بتشرح يتقنعني جدا وانا اصلا صعب حد يقنعني بحاجه
= احم احم انا مش اي حد يابنتي
- دا غرور دا
=لا دا ثقه
عدي كمان اسبوعين كانو متعبين بجد بجهز بقيت حاجتي علشان الفرح لما حمزه ينزل وبجد مفيش تعب اكتر من كدا عاوزه اعرف مين الكذاب الي قال ان احسن شهر هو الي قبل الفرح يالا يا كذاب دي سحله انا مش عاوزه اتجوز انا مليش في المرمطه والله انا كتكوته اصلا مليش في الفرهده
الفون رن اول ما نمت على السرير والله ما قادره افتح عيني ولا اتحرك رديت وانا بنام تقريبا
- الو
=حبيبه انتي نمتي
- اه هموت ياحمزه جسمي كله مدشدش مش عاوزه اتجوز لا يلا نفركش انا تعبت
=سيبك من الكلام دا دلوقتي بصي من البلكونه كدا
- مش قادره اتحرك والله متكسره في ايه تحت
=انا تحت
-اي قول والله انت تحت انا مش بحلم صح
ضحك=لا انا تحت بجد لسه جاي من المطار حالا كنت عملهالك مفجأه
- انا نازله حالا سبت الفون ولبست الاسدال ونزلت جري
=حبيبه البسي اسدالك الاول .... حبيبه........حبيبه
نزلت شوفته قدامي شهر ونص من آخر مره شوفته خس عن الاول اكيد كان مهمل في نفسه ومش بياكل كويس هقول لمامته تأكله كويس او انا هاكله كويس هو نزل وكلها اسبوعين ونتجوز وانا هاكله كل شويه
نتجوز دا نزل لا مش عاوزه اتجوز انا عيله وبرجع في كلامي خلاص مش عاوزه اتجوز بجد
=حبيبه مالك انتي كويسه بقالك كتير بصالي وساكته وتعابير وشك بتتغير بطريقه غريبه في اي
- انت نزلت بجد
=اه ياحبيبتي ددانتي بقالك شهر بتقوليلي هتنزل امتى هنتجوز اخيرا انتي وحشتيني أوي اصلا
- لا ارجع تاني انا مش عاوزه اتجوز
=ارجع تاني ياشيخه منك لله ددانا كنت بمني نفسي بحضن مطارات وحشتني وبحبك اي حاجه لله
- كدا هنتجوز بسرعه
رفع ايده للسما=يارب يارب انا راضي ومشتكتش بس كدا كتير وبعدين بصلي يعني انا جاي من المطار عليكي من غير مااروح حتى وجاي اشوفك دا مقابله واحده لجوزها مشفتوش بقالها شهر ونص
- لسه مبقتش جوزي الله
=وكتب الكتاب دا كان زينه
- لسه الفرح اقولك يالا نفركش
=اقولك انا حل احسن اطلعي فوق اخفي علشان مقتلكيش واقتل نفسي اصلا دي غلطتي من الاول
ادور ومشي شويه - على فكره انت وحشتني اوي بس انا متوتره
=عارف يالا تصبحي على خير اشوفك بكره
- هنتغدي سوا
=هنتغدي سوا
احسن حاجه في حمزه انا حافظني اكتر من نفسي عارف لما بتوتر بعمل اي اي بيعصبني اي بيفرحني عارف تفاصيلي كلها وبيتعامل معاها عادي من غير عصبيه شخص هادي جدا وانا مجنونه جدا جدا بس هو بيتعامل مع جناني عادي خالص
حمزه جه تاني يوم واتغدي معانا وسلم على بابا وماما وقضينا الاسبوعين الي بعده بنجهز الحاجات بتاعت الفرح والفستان والميك والي ناقص في الشقه وطبعا كل يوم خناقه شكل والله الله يكون في عونه على النكد بتاعي كل يوم مشكله تافهه وهو بيسكت ياحبيبي بس هيفرقع مني عارفه
-طب على فكره بقا انا عاوزه ابقا بشعري في الفرح
=اه طبعا امال يامفترية داانا مشفتوش عاوزه توريه للشعب ذكاه عن صحتك دا ولا ايه.
- دا هو يوم واحد يعني
=ايوه يوم واحد يعني اي ندخل النار علشان يوم الفرح ددانتي كل ما اقولك اشوفه تقوليلي خليها بعد الفرح هتنبهر هتنبهر وشكله هيبقي زي شعر سوكه في الاخر
- طب على فكره بقا شعري حلو وكمان مش هتجوز وخد دبلتك اهي وانا ماشيه بقا وتعالى خد حاجتك
=اي دا حبيبه انتي عيطي راحه فين يامجنونه بهزر والمصحف حبيبه طب يابنتي بطلي عياط
- روحني
=حاضر هروحك بطلي بس عياط
-لا روحني دلوقتي
=طب يالا
ودا نبذه عن نكدي الايام دي حقيقي نكد بلا هدف يومها من الايام الي لا يمكن انساها طول الليل قعد يصالح فيا وهو مش فاهم في اي ولا انا فاهمه وقعد ساعه يشرح لبابا انه مش عارفه بعيط ليه
=حبيبه لسه بتعيطي..... طب انا اسف طيب...... ياستي والله حتى لو زي شعر سوكه انا راضي بس بطلي عياط
-لا انا شعري حلو
=انتي اجمل من حياتي كلها والله بطلي عياط بقا
-انا مش عاوزه اتجوز دلوقتي
=حبيبه العزال في الشقه الفرح بعد كام يوم
- ناجله اكتشفت اني لسه معرفتكش كويس
=دا علشان مرضتش اخليكي بشعرك يوم الفرح
- اه
=كدا اوك براحتك ناجل الفرح وتذكرتين العمره يروحو علينا بقا ولا ابعهم
- بجد حجزت نعمل عمره
=سياتك هنخلص السيشن ونطلع على المطار على طول بس بقا لو هتاجلي نلغيها
- ناجل اي انا اصلا موافقه من زمان طب والفيزا هنعمل ايه معنديش فيزا
=وانتي فاكره الصور والورق الي كنتي بتجهزيه وانا معاكي له علاقة بالجواز مااحنا كتبنا الكتاب خلاص كنت بخلصلك الفيزا علشان العمره كنت عاوزها مفجأه
- احسن مفجأه من أحسن حمزه في الدنيا
.
.
.
حبينا نبدأ حياتنا بانقي وأطهر مكان في العالم نعمل عمره كان حلم من احلامي نكون انا وجوزي قدام الكعبه احساس فظيع روحك خفيفه ونقيه وطايره في السما بتدعي وتبكي من قلبك دعاءك مسموع دعيت بكل حاجه في ودعيت كتير لحمزة واخواتك ومامته وباباه وماما وبابا واخواتي كانت أجمل أيام حياتي كان نفسي نقعد اكتر بس خلاص روحنا
.
.
.
.
.
=حبيبه صلاه الفجر
- كمان شويه ياحمزه
=هرش ميه ياحبيبه
- هههه محدش يهزر معاك انا قومت اهو
صلى بيا زي الشاطر كدا هو
-خد ايدي سبح عليها
=هاتي ياستي
-قول بقا الاذكار وانا اقول وراك
=هقول الأذكار ونقرأ الورد ونام اشطا
- اشطات
.
.
=صدق الله العظيم
- صدق الله العظيم. يالا ننام بقا علشان اروح بكره لماما
=يالا ننام يابيبه
نامت وانا فتحت مذكرتها بحب اشوف الحاجات الي بتكتبها كنت دايما بشوف اخر حاجه كتبتها بس المره دي فتحت اول صفحه على طول بصيت على تاريخها دا اليوم الي اتقدمت فيه بدأت اقرا فيها
_دعني اخبرك ببعض الامور التي تجهلها عني لعلك تفر هاربا
=وما ادراكي قد أهيمًُ بكي اكثر
_لن تستطيع التحمل فلا تتعبني ولا تتعب تفسك ابتعد الان بهدوء
= اتعلمين اعشق الاحلام صعب المنال تجعلني اشعر بالشغف والتحدي لأصل اليها
_ماذا و مادخل الاحلام الان
= ببساطه انتي حلمي
_تقصد كابوسك هكذا افضل
=يإللهي الا تعرفين قدر نفسك ليتك تعلمي من انتي لدي
_انت لم تتعرف انت فقط رايت الظاهر ما يراه العالم الخارجي لم تتطلع الي كم الظلمه المعتمه داخل قلبي لم تجرب عصبيتي صراخي لم ترا غصبي سخطي لم ترا اكتئاب انت لا تعلم شئ انا لا اصلح لشيئ وانت تستحق الافضل
= اتحاولين دفعي بعيدا لا اري اي ظلمه بكي بل نورا ساطعا ارا من خلاله جنتي
_لا فائده
=اجل اجل لا فائده لن اتركك بحالك ابدا لهذا وفري نصائحك الغاليه لنفسك انا لن اجد افضل منك حلما وان كنتي كابوسا كما تتدعي فيا فرحت قلبي ان لازمني الي الابد
مسكت القلم وكتبت في نهايه الصفحه
= وفوالله كنتي أجمل من ان احلم بكى واحلى مما اتمنى جمعني الله بكى في الدنيا وادعو كل فجر ان يجمعني بكى في جنه الخلد
وقفلت المذكره وعنتها مكانها ورجعت خدتها في حضني ونمت علشان اصحى فايق للنكد الجديد النهارده ياترا ياهل ترا هيكون عن أي
#SM&
رايكو بصراحة وعاوزه تشجيع جامد بقالي فتره مبكتبش ومش عارفة صراحه هيعجبكو ولا لا ♥️🥰🥰
