❤️❤️❤️اسكربت❤️❤️❤️
_فريده يالا اطلعي الأتوبيس علشان نمشي
=حاضر ثواني بجيب شنطتي بس
ركبت الأتوبيس وانا نفسي عم عبده السواق يسرع شويه علشان الحق اعمل الاكل لادم وعدي قبل ما ييجو من الجامعه التوأم اخواتي لا ولادي انا الي ربيتهم وتعبت علشانهم انا الي حبيتهم وادتهم عمري كله ولو اطول اديهم روحي مش هتاخر لحظه كل لما ابص ليهم افتخر احس ان سنين عمري مضاعتش هدر انا ربيت رجاله كل احلامي بتتحق فيهم لو حد فيهم تعب انا الي بمرض دول روحي لا اكتر دول ثروتي وشقي عمري ولادي وسندي وظهري دول حياتي كلهم نسيت اعرفكو بنفسي انا فريده٢٨ سنه معايا دبلوم تجاره كانت احلامي ابقي دكتوره صيدلانيه اوي بس مكنش ينفع ساعتها امي كانت تعبانة واخواتي كانو صغيرين كان لازم اضحي وبعدين ادم حققلي حلمي وبقا دكتور صيدلي في سنه التخرج وعدي باشا مهندس قلبي اخر سنه وهيتخرج ولاد قلبي زي ما بقول امي اتوفت وانا في تلاته دبلوم واخواتي كانو في اولي اعدادي وانا من ساعتها الام والاب والاخ والصديق كان لازم اقف ومستسلمش لازم ابقي قويه علشانهم وخصوصا ان ابويا اصلا وامي كانو منفصلين من ساعه ولاده اخواتي وكمان اتوفي قبل امي بسنه يعني يتما ام واب
= عم عبده وقف هنا وصلت
-انزلي يابنتي
دخلت الشارع بتاع بيتنا وانا طالعه شوفت خاله هدي ساكنه تحتنا
= ازيك ياخاله هدي عامله ايه
*بخير يابنتي سالت عليكي العافيه
=الله يشفيكي ويعافيكي ياخاله يارب
* ربنا يرزقك بابن الحلال يارب
ضحكت ومشيت الناس هنا طيبه اوي لدرجة انها فاكره ان الدنيا ممكن تقف علشان متجوزه ولا مخطوبه ال ايه لازم راجل قي حياتك انا معايا اتنين وانا الي مربياهم يباركلي فيهم ربنا
دخلت اعمل الاكل اينعم تعبانه بس لحظه ما اشوفهم وهما بيكلو وبيهزرو معايا ضحكهم وابتسامتهم بيشيل عني اي تعب والله سمعت صوتهم وهما بيتخانقو كالعاده مين يدخل الاول
"انا الي هدخل الاول ياعدي
+لا انا الي هدخل الاول ياادم
" انا الكبير الله
كنت لسه هخرجلهم بس سمعت صوت معاهم
&الله ادخلو انتو الاتنين بقا وبطلو لعب عيال
سيف ابن عمي الوحيد الي بيسال علينا من بعد موت بابا وماما بييجي عندنا من وقت للتاني اتقدم عاوز يخطبني كام مره بس انا رفضت مش لشخصه علشان من عيله بابا وانا اعرف منين مش يمكن زي عمه يتجوزني ويسبني انا وعيالي من معانا ناكل ويروح يتجوز واحده تانيه وميسالش فينا دمر حياتنا وجاب لامي المرض كسرنا ودمرنا علي طول بيقولو ابن عاق بس انا شوفت الاب العاق ورغم كدا مقدرش اقول غير الله يرحمه ويسامحه علي الي عمله
علي صوت ادم وعدي وسيف لبست الطرحه وطلعت لهم
=حمدلله علي السلامه
ادم وعدي :الله يسلمك ياوزتي
ليكمل ادم "جعنين والحج سيف جعان وريحة اكل تموت من الجوع صراحه
=بس كدا عيوني ثواني والاكل هيتحط
دخلت وسمعت عدي بيقول لسيف+شيل عينك من علي اختي ياسيف بدل ما اعلقك
&ياشيخ حرام عليك بقا ارحموني هو لا اكل ولا بحلقه
" لا ياخفيف الاكل هيتحط وتاكل احنا مش بخلا
&طب ما تجوزهالي والنبي انا بقالي ٨ سنين متشحتف وراها وربنا
+لاحظ انك بتكلم اخوتها
&بحبها ياجدع اي الذل دا حسو بيا يحس بيكو ربنا
" انت هتشحت هي مش موافقه
خرجت بالاكل اكلو ودخلت عملت الشاي
&بابا عاوز يروح المقابر بتاعتنا الجمعه الجايه
+ايوه يعني عاوز ايه
&مش هتيجو معانا علشان باباكو تقراو الفاتحه الميت بيحس بالي يزوره ويقرأله قرءان
" وهو من امته كان جه جالنا ولا عبرنا وهو عايش علشان نرحله دلوقتي
=عدي ادم انا مربتكوش علي كدا انتو حافظين القرءان وعارفين يعني ايه بر الوالدين دا ابوكو سبب وجدكو له فضل عليكو غصب عنكو اوعو مره تانيه تتكلمو عليه كدا واجب عليكو تتدعوله ربنا يغفرله ويسامحه
ادم وعدي:اسفين
بصيت لسيف وقولتله =تمام هنروح
بصلي ولقيته بيقول& فريده هو ممكن في يوم توافقي عليا
بصيت علي ادم وعدي اكنهم بيقولولي احنا كبرنا لو عاوزاه وافقي بصتله تاني وقولتله =متوقفش حياتك عندك ياباشمهندس شوف حياتك انا مش موافقه ودا نهائى
