اسكربت❤️❤️
=ممكن افهم بقا هتفضلي لحد امته ترفضي في العرسان كدا يابنتي حرام عليكي بقا عندك ٢٦ سنه
- ماما مش هتجوز ريحي دماغك انا مش هتجوز مش هتجوز
=انا مش هعيشلك انا وابوكي العمر كله انتي محتاجه راجل تتسندي عليه
- ربنا يخليكم ليا ويبارك في اخواتي
=يابنتي انا بقول سنه الحياة وبعدين اخواتك بكره يتجوزو والدنيا تلهيهم اسمعي كلامي طب حولي بس أدى لنفسك فرصه تقعدي مع حد من الي بيتقدملك
- وانا ايه يضمنلي ايه ايضمنلي انه يكون سند مش يكون أقسى من الدنيا عليا ايه يضمنلي انه يخاف عليا مش يخوفني من الناس والدنيا اكتر ماانا خايفه ايه يضمنلي انه يكون اماني مش سبب رعبي يضمنلي ايه انه مش هيطفيني ويخليني اكره عيشتي وحياتي مفيش صح يبقى انا كدا كويسه اوي
ماما حطت ايدها على دراعي وطبطبت عليا =يانور عيني زي ما فيه الوحش فيه الحلو يا منه صدقيني دا نصيب وبعدين انا مااقدرش اوعدك أن أي شخص مهما كان مش هيكون فيه عيوب بس في فرق بين العيوب وقله الأصل
ودا نعرفه بالخطوبه بقا أن شاء الله أدى لنفسك فرصه
- عارفه ياماما في مثل بيقول عارف فلان اه عارفه عاشرته لا يبقى متعرفوش مش كلهم بيبانو من الخطوبه ياماما فيه إلى بتظهر حقيقته بعد الجواز
=كل حاجة في الحياة وليها سبب أو حكمه وربنا بيدينا إشارات كتير بس احنا الي بنحب نعيش دور الضحيه وبنمشي في الاتجاه الغلط
-ماما بلاش جواز انا مش عاوزه
=عارفه انتي عامله زي الي معاه كبايه ميه مليان تلات ارباعها بس انتي مش عاوزه تيجي جنبها غير لما تكمل كلها وهي عمرها ما تكمل فاانتي بقا عماله تبصي عليها من بعيد كدا بصي هي كلمه العريس إلى جاي يوم الخميس هتقابليه بس كدا
( ماما قالت كدا وقامت من جنبي هما ليه مش قادرين يفهمو أن كل حاجه حوليا بتقول ان الجواز والخطوبه اسوء حاجه شايفه معظم الرجاله بتكسر الست إلى معاها انا عارفه ان في ستات متتعشرش خايفه اتجوز ليظلمني أو اكون انا الي ظالمه الموضوع كله مرعب بشكل مخيف بالنسبالي الحياه حوليا ورتني كتير ومشاكل كتير إلى جوزها خد دهبها واشتغل بيه ولما ربنا كرمه راح اتجوز وطلقها والي عاوزه تطلق علشان زهقت والي اتجوزو بعد معاناه وحب وهو راح اتجوز واول ما خلف رماها ورا ظهره وقالها عاوزه تطلقي اتنزلي عن كل الي ما ليكي لولادي والي حافظ القرءان ويشهد زور الناس بقت مؤذيه اوي اوي لدرجه مرعبه كلهم بيفرشو الأرض ورد في أول الجواز وبعدين يكسرو فيها بعدين والي ترسم ملاك في الخطوبه وتظهر الحقيقه بعد الجواز ربنا سبحانه وتعالى بيقول (وجعلنا بينكم موده ورحمه) ليه بقا مبتعاملش مع بعضنا بالموده والرحمه ليه لازم يكون في وجع بالطريقه القاسيه دي انا واحده متقدرش على كدا انا لو حبيت هديله حب الدنيا كلها إلى في قلبي بس في المقابل لو كسرني مش قول هضعف و هقع لا انا هفقد ثقتي في نفسي وفي الناس عاوزه حد بلطفه يطبطب على قلبي وطمني بس حد يطمن قلبي
اتكلمت كتير ونسيت اقولكم انا منه خريجه تجاره انجلش وشغاله في شركة عندي ٢٦ سنه واخواتي محمود الكبير ومتجوز رؤى البيست بتاعتي ياجماعه ومخلفين إياد الاقمر وامل إلى بعده متجوزه برضو بقالها سنه وحامل اهي وانا وأحمد بقا آخر العنقود سكر معقود لسه في رابعه طب حبيبي دا)
خرجت من الاوضه لقيت رؤى مرات محمود اخويا بتقولي+ اخير يامنمن خرجتي امل زمنها جايه وهتقعد نحكي للصبح
-اشطا بقا هنبات مع بعض النهارده ونسهر للصبح
لقيت محمود اخويا فوق راسنا مره واحده وحط ايده على كتف رؤى..تبات معاكو فين ياماما معندناش حد يبات بره
+هبات بره فين بس ياحبيبي دا مع اخواتك هنا
.. لا مفيش بيات بره الاوضه بتاعتنا سهله اهه وبعدين انتي تباتي هنا وانا معرفش انام علشان مش مطمن عليكي وشايفك جنبي
-لا بقول لكو ايه رومانسيتكو جابتلي صداع وانا معنديش غير مراره واحده هاتو إياد حبيبي دا وغوروا حبو في بعض بعيد عند
سبتهم ومشيت وانا ببتسم عليهم بجد رؤى ومحمود الطف حب ممكن تشوفه محمود كان بيحبها من زمان ايام ما كانت في ثانوي ومتكلمش غير لما خلصت جامعتها حتي مقلش لنا اتفجأنا لما قال إنه بيحبها وعاوز يتجوزها ولما سألته متكلمش قبل كدا ليه ومخفتش حد يخطبها قبلك رده كان بجد خلاني اتمنى حد يحبني زي ما هو حبها قالي يا منه انا كنت بجهز نفسي وعمري ما كنت هدخل بيتهم غير وانا قادره اشيل مسؤوليتها واشوف طلبتها قبل ما تطلبها بحبها وخبيت حبها في قلبي بس صارحت ربنا بيه وهو أعلم بقلبي مني ودعيته يحفظهالي ويجعلها من نصيبي وكنت واثق ان ربنا هيحققلي طلبي بيقولو إلى بيتعب علشان يوصل لهدفه بيحافظ عليه بكل قوته وانا تعبت كتير علشان أتقدم ليها بس علشان اقدر احافظ على بيتي وسعادتي بعد كدا
علشان كدا مش بستغرب لما اشوف حنيه الدنيا في محمود وحبه لرؤي وحبها ليه وخوفه عليها
احمد جه قعد جنبي " هاتي حبيب عمه دا"
اديته إياد
-عامل ايه في الكليه ياباشا
" والله يابنتي منهم لله"
ضحكت عليه وقولتله- انت قدها يادكتور والله حبيبي انت
لسه هكمل كلامي لقيت الباب بيخبط وأمل وجوزها داخلين
امل؛ خلاص بقا ياحبيبي معلش تعبتك معايا روح شغلك بقا
جوزها ! تعب ايه انا زعلان منك بجد لو متعبتش ليكو هتعب لمين
امل؛ لا خلاص وحياتي متزعلش مني
كنت انا واحمد قاعدين نتفرج ناقصنا الفشار حقيقي ولقيت أحمد بيقول "تيرارارا تيررررا هااا هنروح محكمه الا سره امته"
امل بصلت لاحمد بزعل؛ أخص عليك يااحمد عمر ه ما دا يحصل ابدا
احمد بصلي وقولي " عارفه يابنتي انا عمري ما تخصص نسا وتوليد ليه علشان الأشكال دي وياعمري وياقلبي ويامرررررااااتي انا بقا"
(كنت هموت من الضحك انا واحمد نفس التفكير والدماغ وكل حاجه أحمد لو مكنش اخويا كنت اتجوزته امل بقا ومؤمن جوزها حكايه تانيه خالص عمرهم ما كانو يعرفو بعض ولا شافو بعض قبل كدا مامتو قابلت ماما في الهايبر وكان معاها امل اختي واتعرفو ومره في مره قالتلها انا عاوزه اكل لمؤمن وجم اتقدمو وعرفو بعض كنت بستغرب في حب فعلا بعد الجواز بس شوفته فيهم لما مؤمن يجبها الصبح يوم الجمعه ويروح شغله ويوفر اليوم دا انه ياخده اجازه علشان مطمن عليها وسطنا ويأخد بداله يوم تاني لو حس بتعبها ولا حاجه
شوفته وهو بيقولها كميه التوصيات وان أو اتوجعت تتصل بيه وهو هيكون عندها مهما كان وفعلا بيسيب كل الي وراه وبييجي شوفته وهو بييجي آخر اليوم ياخدها وبيكون هلكان ومش قادر يفتح عينه علشان ضاغط نفسه جامد في شغله وبابا يقوله كنت سيبها تنام مع اخرتها وخدها الصبح علشان متتعبش يقوله وهدخل البيت وهي مش فيه ازاي وأمل إلى مفيش على لسانها غير مؤمن مؤمن مؤمن)
مؤمن مشي واليوم عدي واتغدينا وبابا قام نزل يصلي المغرب وحاليا موعد جلست الاعترافات البناتيه انا ورؤى وأمل
-انا الأول في حاجه حصلت معايا غريبه يابنات
رؤى +ايه الي حصل
-حد بعتلي على الماسنجر ايميل بنت وكل حاجه في الاميل بنت بس مستحيل إلى بيتكلم بنت دا وجبالك عريس ياحبيبتي انا مش عاوزه ليه دا فيه وفيه وفيه وابعتيلي صورتك ولما رفضت خلاص عاوزه صوره حد من صحباتي لا والمشكله ايه بقا أنه باعت فيس بصوت بنت لا انا زعلانه منك وصوره بنت ومسحهم اول ما شوفتهم على اساس هطمن بقا وابعت صوري أو صور صحابي وكدا
امل؛ ناس مريضه
رؤى + مش دي المشكله المشكلة الحقيقية أن في بنات للأسف طيبين جدا ومعندهمش خبره في الحياه هيبعتو صورهم عادي ويصدقو انها بنت انتو عارفين حتى لو بنت متبعتيش صورك لحد محدش عارف ممكن تعمل بيها ايه اصل مش معقول تعرفك الصبح وتقولك ابعتي صوره لكي باليل
- ربنا يحفظنا ويحفظ البنات يااارب هاا يلا مين عنده اعترافات الليله
رؤى +سيبك من الاعترافات عاوزين حاجه تفرح
امل؛ مين هتبقي عروسه يوم الخميس
- نكد انتي نكد مش امل ابدا وبعدين عروسه مين انا هطفشه كالعادة يعني
امل؛ دا مين ضحك عليكي وقالك انك هتقدري المره دي امك حالف لتجوزهولك
- مين الي سماكي امل المفروض إحباط نكد حاجه في الرنجه دا
؛ عاجب مؤمن
- ياشيخه ابو شكلك انتي ومؤمن حالتكو بقت خطر روح لدكتور انا قايمه جبتولي الضغط
رؤى + الله وانا مالي يالمبي
- عليا انا ياسوسه عماله تضحكي من الصبح روحي يااختي شوفي محمود شويه وهييجي يقول مرررراتي مرراتي ودتوها فين
