روحت فعلا علشان اقول لياسمين وقفت حوالي عشره دقايق قدمها مش عارفه اقولها ازاي او اقولها ايه مش عارفه اجيبهلها ازاي وانا عارفه انها بتحبه قد ايه طب هترضي تسمع مني حاجه ياتري هتصدقني ولا هتقطع علاقتها بيا علشانه خوفت اقولها ولحظه اترددت صراحه بس انها تعرف دلوقتي احسن ميه مره ما تعرف بعد ماتكون ادبست واتجوزت خلاص هتتوجع شويه بس هتنسي مع الوقت
=هااااي انتي يابنتي بقالك ساعه سرحانه مش معايا وصلتي لفين
-هه لا يايسو انا معاكي اهو هروح فين يعني
=عليا برضو بتفكري فمين قوليلي متقلقيش انا ستر وغطا عليكي في حد جديد معرفوش
-ولا قديم وحياتك وبعدين لو فيه مبيستخباش
=مالك يادينا فيكي ايه
-مفيش ياحبيبتي قوليلي بقا انتي عامله ايه مع اسلام
=هو فيه زي اسلام اصلا يابنتي بس قالي انو كلمك وانتي عملتيله بلوك ليه يادودو كدا زعلت
بصتلها بزهول فعلا مزهوله يعني قالها انه كلمني وبتسالني ليه عملته بلوك هي متخلفه بجد هو ساحرلها ولا ايه
-نعم ويكلمني ليه اصلا
=عادي يابنتي هو بيعتبرك اختي اصلا فزي اخته بقا مش انتي اختي ولا ايه
-اه طبعا ياحبيبتي اختك هو قالك ايه
=قالي انو كلمك وبيسلم عليكي عادي فاانتي عملتيله بلوك بالله عليكي يادنيا عامليه كويسه دا هيبقي جوز اختك
-جوز اختي تمام ياياسو حاضر هحاول
=ربنا يخليكي ليا يااحلي دنيا في الدنيا
ابتسمتلها بس عقلي كان في مكان تاني عماله افكر هو انا الي فهماه غلط ولا ايه بالظبط بجد في حاجه مش مظبوطه في الموضوع بيضحك عليها بكل الطرق ومفهمها انه مفيش زيه دا قلها انو كلمني وال ايه دي اختك يعني اختي انا كمان حاسه انهابتغرق في بير غويط ولازم حد ينقذها ويشد اديها يطلعها حاسه انها في مستنقع الي هي فيه المشكله انها مش حاسه انها بتغرق
روحنا وكلمت البنات صحابنا علي الواتس لازم يسعدوني نشوف حل للمصيبه دا
-ها يابنات هنعمل ايه هنسبهم كدا دا بيلعب بيها
^يابنتي دا واضح انو بتاع بنات مش عارفه عجبها فيه ايه
-انا مش عارفه يامروه صراحه اعمل ايه دا اصلا مش ساعه ما اتخطبو وهي علي طول في اكتئاب او زعلانه مش فاهمه
*بتاع البنات ميوقعوش غير البنات
-ازاي ياطنط ندي
*لا دي عايزاها تخطيط بقا ومتنسيش اني بعرف اخترق المواقع سبيها عليا بكره اوريكي عايزه بس اتاكد من حاجه النهارده
رحنا الجامعه تاني يوم وانا صراحه خايفه من الي هتعمله ندي ندي جريئه وشجاعه بس متهوره ومبتفكرش في الي هتعمله بس جدعه وطيبه
خلصنا محضرات وقعدنا في الكافيه جنب الجامعه
لقيت ندي بتقول
^ايه رايكو ياجماعه نلعب لعبه
ردت ياسمين عليها -ايوه بقا لعبه ايه
^اي حد عايز اتخرق حساب فيس انا موافقه اشطا ههكره ديل
-ردت مروه :والمقابل يااختي
^هتغدوني علي حسابكو طبعا
فهمت خطه ندي وقولتلها :اشطا جدا موافقه
لقيت مروه بقولي:انا ليه حاسه انك متحمسه مع انك اصلا مش مخطوبه ولا متجوزه ووجوزك محرم عليكي الفون بتاعه
-ههههه معلش عشت الدور شويه
^طب يلا نبدا
قولتلها انا اول واحده علشان يتحمسو معايا كدا
-انا عاوزه اهكر الفيس بتاع اختي الجذمه عملالي بلوك
^معلش يااختي خدت فوني ومعرفش قعدت عشر دقايق بالظبط وادتهولي قعدت اضحك علي البوستات بتاعتها تقريبا كلها نقد ليا بس لما اروح لها
ومروه نفس الشئ بس علي جوزها -ابو العيال محترم ياناس لايوجد شك به اشطات مفيش نكد النهارده
ضحكنا عليها وبعدين بصينا لياسمين
وندي قالتها بضحك^ ايه يا ياسو مش عاوزه انتي كمان تشوفي اخر الاخبار
-لا ياستي انا واثقه في اسلام
^يابنتي احنا بنلعب هاتي بس فونك نهزر شويه
خدت الفون وفتحته وشويه وادته لياسمين تاني الصراحه كنت قاعده حاطه ايدي علي قلبي من رده فعلها خفت عليها جدا خفت عليها من الصدمه اصل مؤكد ان ندي لقت حاجه علشان كدا بتتكلم بقلب جامد وفعلا لقينا فجأه ياسمين دموعها نزلت وبتقلب في الفون وبعدين الفون وقع منها وانهارت فعليا قدمنا جرينا كلنا عليا حضنتها جامد وعيطت فعلا قلبي وجعني عليها هي متستاهلش كدا قلبها ابيض ليه يلوثو كدا انا معرفش هي شافت ايه بس واضح انها عرفت انو بيخونها قعدت تعيط لحد ما اغمي عليها
زعقت للبنات يجيبو اسعاف وفعلا جت ورحنا معاها المستشفي وقفنا دخلت معاها الاوضه
دخل الدكتور -لو سمحتي اخرجي بره علي مااكشف عليها
=لا طبعا مش هسبها لوحدها
-ياانسه مينفعش كدا خلينا نشوف شغلنا
=ماتشوفه حد ماسكك انا معاها لحد ماتفوق
لقيت الممرضه بتقولي-اقفي بره مع صحابك وانا هطمنك عليها
=ريحو نفسكو مش هتنقل من هنا غير لما تفوق
الدكتور بصلي بغضب وبدا بيشوف شغله خلص وعلقلها محاليل
=هه عندها ايه
بصلي بسخريه كدا ومتكلمش
قلتله بنفاذ صبر=عندها ايه لو سمحت
-ضغط الدم عالي وصدمه عصبيه شويه وهتبقي كويسه بس ممنوع العصبيه والزعل
اتنهدت بالم وبصتلها =طب هتصحي امته
-نص ساعه وهتصحها
=شكرا لحضرتك
-الشكر لله الف سلامه
البنات دخلو قولتلهم يروحو بس مرديوش
قعدنا جنبها مستنيين تفوق سالت ندي
=ندي هو كان في ايه في الاكونت بتاعه
^كان بيكلم بنت وبيحب فيها الواطي وبيقولها انو خاطب ياسمين غصب عنه وهيفشكل الخطوبه علشان مش قادر يستحمل
=مكنتش اتمني ابدا انها تعرف كدا
^الحمد لله انها عرفته علي حقيقته اهم حاجه تبقي بيخير
بدات ياسمين تفتح عنيها كلنا سكتنا وانتبهنالها
فتحت عنيها بهدوء وبدات تعيط عنيها بس بتنزل دموع مش قادره حتي تعيط بصوت بصيت للبنات وقولتلهم يسبونا لوحدنا شويه
خرجو وانا قومت قعدت جنبها لقيتها بتقولي
-هو انا وحشه يادنيا
مسكت ايدها=ليه ياحبيبتي بتقولي كدا
عيطت اكتر-طب ليه عمل معايا كدا انا عملتله ايه داانا كنت بعمله ايه حاجه ترضيه حتي لو مش مقتنعه دا عمره ما طلب مني حاجه وقولتله لا ليه يعمل كدا ليه يوجعني بالشكله دا داانا كنت بصدقه وواثقه فيه ثقه عمياء داانا لما كنت بشك فيه بقول انا الي غلطانه الكل قالي بلاش بس قلبي كان متعلق بيه ليه يعمل كدا يادنيا ليه
مسحت دموعها وخدتها في حضني جامد حاولت اطمنها واهديها علي اد مااقدر لقيتها هديت شويه
=اقولك علي حاجه ومتزعليش انت السبب حاولتي تراضيه حتي لو عارفه انو غلط كنتي بتخليه يمسك ايدك وانتي عارفه انو حرام وتقولي هيبقي جوزي عصيتي ربنا علشان تراضي عبد بعدتي عن ربك وبعدتي قلبك عنه برضو علشان عبد رخصتي نفسك معاه مغلتيهاش حسستيه انو اهم حاجه عندك من قبل ما تحسي دا منه ادتيه احساسك ومشاعرك من قبل ما تتكتبي علي اسمه شاف كل حاجه سهله متعبش علشان يوصلك متعبش علشان يلمس ايدك مخفش عليكي هو اصلا محبكيش لو حبك كان هيخاف عليكي تخدي ذنوب كان حافظ عليكي لحد ماتكوني حلاله كان قربك من ربنا هو محبكيش
-يعني انا غلطان دلوقتي يادنيا انا غلطانه
=ايوه غلطانه وانتي عارفه انك غلطانه وهو كمان ميستهلش ضفرك قومي صلي واستغفري ربنا وابدي من جديد واستخيري ربنا قومي يالا علشان نروح اتاخرنا وبطلي عياط
ياتري ياسمين ايه رده فعلها هتكمل وهو هيتعدل ولا مع السلامه
يتبع.......
#للحلال طعم اخر
رايكو اكملها ولا لا😍
#SM&
