❤❤اسكربت❤❤
الجزء الاول
*اتفضلي يافندم العصير تأمري بحاجه تاني
-لا شكرا جدا
ابتسم ومشي وانا بصيت اكمل الروايه تاني علي ما رؤى تيجي قالتلي استناها في الكافيه نقعد مع بعض شويه بقالنا كتير مشفناش بعض هي في جامعه وانا جامعه تانيه صحاب جدا وبنكلم بعض دايما بس الحلو ما بيكملش الكليات فرقنا
كنت بحط ملاحظات علي الجمل الي عجبتني وانا بقرأ الروايه بس فجأه لقيت حد وقف قدامي وشرب العصير بتاعي كله بصتله بزهول كدا لقيته ليقولي
(اسف اسف كان حكم ولازم انفذه اسف )
الصراحه كنت ناويه ابهدله بس اتكلمت ببرود جدا
-طيب وانا اعمل ايه بأسفك اطلبلي غيره بقا
لقيته قعد علي الكرسي الي قدامي وبيقولي
(بجد تمام هطلبلك غيره حالا علي العموم اسمي ادم صلاح دكتور جراحه لسه متخرج السنه دي وانتي)
بصتله بإستنكار -ايه يادكتور ايه هو احنا فتحناها جلسه تعارف ولا ايه اطلب عصير بدل الي شربته واتفضل انا مستنيه صحبتي اصلا
بصلي بذهول واتحرج وقام راحه لصحابه تاني ببص لقيت رؤى داخله بصتلها بنرفزه -ما بدري يادكتورة
ضحكت وقالتلي=الله وليه التهزيق دا طيب ياولاء ترضهالي اقولك يادكتوره ترضيها
-اقعدي يارؤي وعدي يومك علي خير اتأخرتي ليه
=والله لسه مخلصه في المستشفي حالا انتي عارفه انا بدرب في الاجازه في المستشفي اينعم لسه في ثالثه بس يالا بقا وانتي عامله ايه والدراسه عامله معاكي ايه ياولاء
-يابنتي انا كليه صيدله كليه الامتحانات امتحان امتحان امتحان بنحلم بالامتحانات وبناكل ونشرب امتحانات احنا بنمتحن اكتر ما بنستحمي وربنا
=ماانتي معفنه يالولو
-الله يسامحك يارؤي الجذمه الله يسامحك
قعدنا نتكلم شويه وبعدين واحنا قايمين ندفع علشان نخرج
-الحساب كام
^الحساب خلصان يافندم
-نعم خلصان ازاي وبعدين بصيت لرؤي انتي دفعتي يارؤى
=لا هو انا اتحركت من مكاني
^لا يافندم دكتور ادم هو الي دفع
اهدي ياولاء خدي نفس عميق وعدي من واحد لعشرة واهدي
-دفع اد ايه
^50جنيه يافندم
سبته ورحت عند الكابتن هو شكله عاوز يتهزء النهارده طلعت 50جنيه وحطتها قدامه وقولتله
-اتفضل وياريت متتكررش تاني
(بدل العصير الي شربته )
-وانت طلبت غيره وانا شربته ودفعت ثمنه انتهنا
وسبته وخدت رؤي ومشيت
كنت ماشيه متعصبه اول مره اتحط في موقف زي دا لقيت رؤى بتقولي
=هه وبعدين مش ناويه تفهميني ايه الي حصل بدل ماانا عامله زي الاطرش في الزفه كدا
حكتلها كل الي حصل لقيتها قعدت تضحك وبعدين قالتلي =عقلك لسه صغير ياولاء عارفه بس انتي غلطانه
-نعم غلطانه في ايه بقا
=غلطانه انك قولتيله عوزاه يطلبلك واحده تانيه كنتي قولتيله حصل خير وخلاص
-واسيب العصير بتاعي شربه كله
=ماكنتي طلبتي انتي واحد وخلاص
-خلاص بقا الي حصل المهم عاوزين نخرج بقا كتير الاجازه دي قبل الدراسه تاني بس بلاش الكافيه دا تاني
=ماشي ياستي بلاش كفيهات تاني اصلا
عدت الايام وبعدين بدات الجامعه بتاعتي تنزل مواعيد كورسات في الحقيقه لازم اخد كورسات كتير علشان الcvبتاعي وشغلي بعد الجامعه ان شاء الله اتصلت برؤي قولتلها تيجي معايا
-رؤي في كورس للمهن الطبيه كويس جدا جامعتي عملاه تيجي معايا تيجي معايا
=تمام ماشي احجزيلي معاكي
.
.
.
.
كنا قعدين في مستنيين الدكتور الي هيدينا محاضره اول يوم في الكورس
-يعني ياربي مش مكتوب لنا راحه اجازه لا دراسه ايه الي خلانا نقدم في الكورس دا بس
=انتي هبله ياولاء مش انتي الي مقدملنا للكورس
-اه بس السرير احسن دلوقتي
=يخرببيت كسلك يلا اهو الكورس 3ايام وروحي لسريرك ياستي
-اه يارؤي سريري الشاحن الفون انهم عالمي الصغير
رؤي يابنتي بكلمك تنحتي كدا ليه هو الدكتور كنت لسه هدور وشي اشوفه لقيت رؤي دورت وشي نحيتها تاني -في اي يارؤي هشوف مين
=بصي يعني هما3ايام نتحملهم علشان عوزين الشهاده تمام
-ليه يابنتي في ايه
رؤي محتاجتش تتكلم علشان انا سمعت صوت المحاضر وهو بيقول
(السلام عليكم انا كتور ادم صلاح ضمن هيئه التدريس الي هتكون معاكو في الكورس دا يارب نقدر نفيدكو)
بصيت لرؤي بذهول -هو انا شايفه صح وسمعت صح
بصتلي بأسف=ايوه
-اهو انا بالظبط عملت زي المثل الي يخاف من العفريت يطلعله
=بصي اعملي نفسك متعرفيهوش واول مره تشوفيه
-حاضر وربنا يستر بقا
النهارده اخر يوم في الكورس كان علي طول يبصلي ويبتسم كدا بس انا كنت بعمل نفسي مش واخده بالي
=يالله ياولاء ادينا خلصنا الكورس يالله نروح علشان تكملي كسلك
-يارؤي حرام عليكي انا ليه بتعمليني كدا الله انا واحده بتعشق النوم اعمل ايه يعني
=ادينا خلصنا يالا علشان تكملي نومك بس استني هروح اسال هناخد الشهادات امته
-يالا هاجي معاكي
=لا خليكي ليكون دكتور ادم هناك علشان متحتكيش بيه
-تمام هستناكي في كافتيرا الجامعه هنا متتاخريش يارؤي
=متقلقيش بسرعه وجايه
مشيت رؤي وانا قعدت استناها وكالعاده ادام قاعده لوحدي بفتح الفون اقراء روايات بحب اوي اعيش جوا الروايه انا عارفه انها مش حقيقيه وبعرف تماما افصل بينها وبين الحقيقه بس بحب احساسي جواها
(*دكتوره ممكن اقعد اتكلم معاكي 5دقايق بس)
اتخضيت ورفعت ورافعت راسي-دكتور ادم
(*5دقايق بس صدقيني مش هاخد من وقت اكتر من كدا)
-مفيش كلام بينا يادكتور اعتقد
وقومت لميت حاجتي علشان امشي لقيته وقف قدامي وكان بيترجاني جامد
(*والله هما كلمتين بس صدقيني)
اتنهدت جامد وقعدت تاني
-نعم اتفضلي وارجوك بسرعه
اتوتر شويه وبعدين خد نفس عميق كدا وقالي
(*اولا انا اسف عن الي حصل قبل كدا ثانيا انا حابب اعرفك بنفسي بطريقه احسن )
قومت بغضب-تاني انت مبتحرمش
(*ياستي سبيني اتكلم 5دقايق بس وبعدين اتكلمي )
قولتله بنفاذ صبر-خلص
بصلي بذهول(*خلص ما علينا المهم انتي طبعا عرفتي اسمي المهم ياستي انا معجب بيكي جدا وحابب اتقدملك الحقيقه انا عندي مشروع سفر لإطاليا وحابب نتخطب قبل مااسافر انا صريح جدا ومبحبش الكذب لو سالتيني في اي حاجه هجاوبك بصراحه
خلص ولقيته بيبصلي مستني كلامي
خدت نفس واتنهدت وقولتله-بتصلي
لقيته اتكسف (*حم حم لا )
-لا وبتقولها بهدوء كدا
(*انا مبحبش اكذب بس ليه سالتي السؤال دا)
-عاده انا دا اول سؤال بساله لاي حد متقدم ليا بس كنت متاكده انك هتقولي لا كنت لما ناخد بريك وقت الصلاه مكنتش بتروح معاهم
*طب ردك ايه
-لا
(*انا بس مبعرفش انتظم علي الصلاه بس بصوم وبطلع زكاه وكل حاجه )
-الصلاه عماد الدين تاني ركن من اركان الاسلام حق ربنا شكر ليه علي كل نعمه معطيها لينا ولو انها متكفيش للشكر اول سؤال هتسال عليه في القبر الفرض الوحيد الي مبيسقطش حتي في التعب
ايه ممكن في الدنيا يلهيك عن الوقوف بين ادين ربنا تشكره نعمه وتعبده تعرف الصلاه ذكرت في القرءان كام مره67مره متخيل بقا اهميتها و كمان ذكرت غير مباشره كتير وبعدين الصلاه بتنها عن الفحشاء والمنكر الصلاه بتحفظك عن المعاصي لما تفكر تعصي ربنا وانت بتصلي هترجع اصل انت هتعصاه ازاي وانت هتقوم تقف بين ايده دلوقتي وبعدين تعصاه ازاي وانت متاكد انه شايفك لما يسالك يوم القيامه هترد تقوله ايه عارف الانسان دايما بيحس بالنعمه لما يفقدمها يعني مثلا لو واحد عايش زي الفل وحياته بالطول والعرض وناسي اخرته واعمل حادثه وفقد بصره مثلا هيقعد يصلي ويدعي ربنا يردله بصره واول مايرجع له بصره ينسي وميشكرش فضل ربنا عليه الا من رحم ربي طب ماانت اصلا كان عندك كام نعمه حياتك كلها نعم متصليش ليه علي طول وتشكر ربنا عليها وتدعيه يدمها عليك ليه
عارف ان الصلاه سبب توسيع الرزق وراحه البال
اسفه جدا بس الصلاه عندي انك مهنش عليك حق ربنا فمش هيهون عليك حقي
سبته وقومت وحسيت براحه من اول ماشفته في المطعم محستهاش معرفش ليه لقيت رؤي جايه روحت عليها وانا فرحانه
ووووويتبع
ياتري قصه ولاء وادم هيتقبلو تاني ولا خلاص كدا وهتبدا قصه جديده ولا لسه دي بس البدايه
رايكو اكمل ولا لا ولو في ملاحظات وتوقعاتكو❤🙈🙈
#ولائي
#SM&
