-واخير رايحه رحله ياسلام فرحانه جدا ياتقي
=يابنتي دا دريم بارك رحتها قبل كدا كتير سما
-ياستي انتي روحتيها انا اول مره اروح رحله مع صحابي اصلا ماانتي عارفه ياتقي ماما بتخاف عليا ازاي
=مش عارفه فعلا داانتي بقيتي في تاني جامعه وبتروحي الجامعه لوحدك ايه وجه النظر
-معلش بقا هيا عندها انا لسه سما البنوته الصغيره الي هتتخطف بسبب مصاصه من الشارع علشان كدا باخد الوصايا العشر قبل مااخرج
سمعت صوت الفون بتاعي طالعته لقيته ماما فعلا زي ما توقعت رديت عليها
-وعليكم السلام ياماما
*................
-ايوه ياحبيبتي وصلنا هندخل اهو
*..................
-حاضر ياماما وكمان مش هكلم حد ولا هاخد حاجه من حد ولو حد اداني ورقه اقرئها هسيبه واجري وهخلي الفون مفتوح وهرد علي طول ومش هسيب الجروب بتاعي في وصايا تانيه
*....................
-حبيبه قلبي ياماما متقلقيش عليا قي امان الله
قفلت مع ماما ودخلنا دريم بارك اول مره اشوفها احلي حاجه انها كانت مع صحابي لعبنا كتير بس انا مبحبش اللعب الصعب دي جينا عند قطر الموت لقيت مي بتقول"يالا يابنات نركب قطر الموت
-ايه انتي بتهزري يامي لا طبعا
=بجد ياسما دا تحفه والا الديسكفري بقا ولا قلعه الرعب
-حتي انتي ياتقي لا انا هقف اتفرج عليكو علي ما تنزلو
راحو قطعو التذاكر وداخلو فرحانين اوي وهما بيصوتو من الرعب كدا كنت بتفرج عليهم قدام اللعبه لقيت واحد وقف جنبي
-اجبلك تذكره ياانسه
استغربت وبصتله بتكلمني انا
-ايوه بحسبك عايزه تذكره ومش عارفه علشان الزحمه
-لا شكرا لحضرتك انا مستنيه صحابي بس اصلهم راكبين وبصيت للعبه تاني بس لقيتها وقفت البنات راحت فين يالهوي مش لقياهم قعدت ادور عليهم مفيش فايده ارن عليهم مبيردوش وفجأه افتكرت اه هما قالو هيروحو الديسكفري قعدت اسال لحد ما وصلت وفي الاخر برضو ملقتهمش يالهوي اروح فين دلوقتي طب ممكن يكونو في قلعه الرعب روحت هناك وقعدت ادور برضو مفيش حد وارن مفيش ياختاااي كانت ناقصه الفون فصل شحن كمان عايزه لطامه بالكهربا بقا
قعدت اعيط امي كان عندها حق انا مليش خروج استني بس لما اروح لها اكيد هي مكنتش راضيه عن الخروج دي فكرت مع نفسي معقول
وانا بندب حظي يعني هي عادتي ولا هشتريها لقيت الشاب الي كان عايز يقطعلي التذكره واقف قدامي
-اسف علي تطفلي بس بتعيطي ليه وايه دخلك القلعه ادام بتخافي
بصته بغضب واتعصبت :مدخلتش زفته وبعدين انت السبب اصلا
-ايه انا السبب ليه!
-اه لو مكنتش حضرتك رغيت معايا كنت شوفت صحابي راحو فين ومكنتش تهت منهم ابعد عني بقا
-طب اسف ياستي رني عليهم طب
-مستنيه الافتي بتاعتك انا علشان ارن مكنوش بيردو وبعدين الفون مااشاء الله اتفق عليا وفصل شحن
مشي وسابني يالا هما كلهم اندال الرجاله ماتت في الحرب اصلا ساب بنت بلده ومشي
شويه ولقيته راجع ومعاه بنوته تقريبا في اولي ثانوي
-اتفضلي ياستي دي اختي ايمان جت
لقيت ايمان بتقوله :طب ياله ياحازم طرقنا كدا اتكلم معاها شويه واجبهاةواجي
-يالهوي اجي معاهم فين هيخطفوني ولا ايه
لقيت ايمان جت وقعدت جنبي بنوته عسل خالص وروحها حلوه عرفت انهم جايين مع باباهم ومامتهم
لفيت معاهم وركبت بقيت الالعاب مع ايمان وحازم
تقريبا نسيت صحابي اصلا بس فجأه لقيت بينادو علي في الميكروفون وعايزني عند السكيوريتي
ياختاااي صحابي دول مجانين اكيد
روحت مع عيله حازم كلها لقيت صحابي كلهم جولي وتقي جريت حضنتني وقعدت تعيط
=كنتي فين ياحيوانه دورت عليكي كتير ملقتكيش وتليفونك مغلق ليه
-معلش فصل شحن والله وانا دوخت عليكو وملقيتكمش برضو اه نسيت اعرفكو بشمهندس حازم وايمان وعمو وطنط باباهم ومامتهم وبصيت لهم ودول صحابي شكرا جدا ليكو
-يالا ياسما مامتك بترن عليا واحنا لازم نروح
-حاضر يامي جايه اهو
بصيت لحازم وايمان -فرصه سعيده متشكره ليكم جدا واتشرفت بمعرفتكم
ابتسملي جامد -انا اسعد ياانسه سما سلام عليكم خد اختو وعيلته ومشي وانا سرحت في ابتسامته وابتسمت انا كمان جت سما خدتني وخرجنا وروحت وانا لسه فرحنا بتجربتي الجديد
(لقائنا صدفه دبرها القدر ليخطف قلبي في لحظه ليسكن بين اضلعك)
*
*
*
*وبعدين ياتقي ما قولت مش موافقه مش شغلانه هي
=ياسما حرام عليكي دا تاسع عريس ترفضيه من غير سبب وكلهم احسن من بعض طب اقعدي معاه طيب
-وجهت نظرك غريبه صراحه اقعد معاه ليه لما انا عارفه اني هرفضه انا مش متقبله الجواز دلوقتي
=مش متقبله الجواز ايه ياسما احنا مخلصين جامعه بقالنا سنه وانا اتجوزت وهخلف اهو وكل صحابنا اتجوزوا ومامتك نفسها تشوفك عروسه
-لسه ملقتش الانسان الي يستحق اكمل حياتي معاه
=ياشيخه بجد ودا هتلاقيه فين وانتي مش مديه فرصه لحد
-مش عارفه بس هييجي هييجي هيروح فين بقولك انا راحه فرع الشركه الي في القاهره بكره
=راحه ليه
-ابدا ياسيتي عايزين مترجمه واستاذ مراد راشحني هناك ثلاث ايام في الاسبوع والحمدلله ماما وافقت
=اللهي يارب تقابلي الي يوقعك علي بوزك هناك وتجوزي وتخلصيني امك وافقت علشان تخلص منك
-ههههههههه يابت هو انا ضرتك سلام بقا علشان اجهز خدي بالك من نفسك تقي ربنا يقومك بالسلامه
سبت تقي ومشيت وانا جو نفسي عارفه كويس سبب رفضي للجواز مستنه واحد مكنش بنا حتي كلام مباشر بس قضيت معاه يوم بحياتي كلها ايوه فات تلات سنين بس قلبي لسه فاكره انا عمري ماكنت عاطفيه وبفكر بعقلي كويس عارفه ان من المتوقع جدا انو يكون اتجوز ونسي وخلف كمان وانو ممكن لو قابلني صدفه ميفتكرنيش اصلا بس قلبي دايما بيقولي غير كدا وانا بدعي ربنا دايما انو يهديني وفعلا صليت استخاره لكل الي جالي ومرتحتش ربنا يقدم الي فيه الخير ليا يارب
روحت تاني يوم القاهر اتعرفت عليهم وودوني مكتبي ترجمت كل التقارير الي موجوده وبعدين لقيت واحد داخله عليا بتقولي في اجتماع دلوقتي وعايزني علشان اترجم
حضرت الاجتماع وترجمت برفكت انا واثقه جدا في نفسي خصوصا في شغلي وانا مندمجه جدا في الحوار بين الطرفين لقيت صوت بيقولي
-لو سمحتي قوليله الارض الي عايزها مش مناسبه للمشروع بتاعه
بصيت للي بيتكلم وتنحت مش معقول حازم بجد هو
فوقت علي صوت الوفد بيسالني هو بيقول ايه كملت الاجتماع وانا متوتره وكل شويه ابص عليه اتاكد ان هو فعلا واكمل تاني خلص الاجتماع وكلهم خرجو وانا خرجت معاهم وكل تفكير هو فعلا حازم معرفنيش روحت مكتبي وقررت اني مفكرش في الموضوع واكمل شغلي
شويه ولقيت الباب بيخبط وبعدين حازم دخل معقول يكون افتكرني بس لقيته بقولي
=السلام عليكم انا بشمهندس حازم الي هشرف علي مشروع الوفد الاسباني
صدمني صراحه رديت عليه
-وعليكم السلام تشرفنا انا سما بشمترجمه ممكن اتفضل اقعد نعم
منا لازم اغيظه بردو ماهو غايظني
=كنت بس عاوز ورق المشروع الي اترجم علشان ادرسه كويس
-تمام اديته الورق وشكرني وخرج
اليوم خلصت وانا برضو متغاظه منه ازاي معرفنيش داانا قعدت معاهم ييجي يوم كامل في دريم بارك
يووه ياسما دا من ثلاث سنين هيفتكر ايه بس داانتي دماغك ضاربه
اتعودت اشوفه الثلاث ايام الي براوحهم بس كان في حدود الشغل في اجتماعات او يديني ورق اترجمه ياخد ورق مترجم وفي يوم وانا مشيه لقيت صوت بنت بينادي -سما سما
بصيت ورايا ايه دا دا ايمان
-ايمان ازيك ياحبيبتي ايه الحلاوه دي كبرتي وبقيتي قمر
=طبعا انا طول عمري قمر انا داخله تاني جامعه خلاص
-تانيه جامعه لا كبرتي صراحه امال جايه هنا ليه
=لاخويا وبشمهندس محمد صاحب اخويا اصله خطيبي
-اي دا انتي اتخطبتي ياصغنن الف مبروك
=الله يبارك فيكي يارب وانتي بقا بتعملي ايه هناك ياسما
-بشتغل ياختي هعمل ايه يعني
=هههههه لسه الحمدلله مخلصتش علشان وجع القلب دا ...الا قوليلي انتي اتجوزتي
-بعد الشر مش عاوزه دلوقتي لسه النصيب مجاش
=تصدقي حازم برضو لسه متجوزش بيدور علي فتاه احلام مش موجوده تقريبا
قعدت تتكلم بعدها كتير بس بالنسبه ليا حازم لسه سنجل زيي دي حاجه طيرت قلبي
مشيت ايمان بعد ما خدت رقمي وانا اخدت رقمها ووعدتني هتجيلي تاني ونتكلم واتس
خلصت وروحت
-ماما ياماما ياست الكل
=اهلا اهلا بالي مغلباني
-انا داانا مسكينه وانتي حبيبتي
=والله انتي جناني
لقيتها جت قعدت جنبي كدا وابتسمت وطبطبت علي ظهري =انتي بنتي حبيبتي هو انا ليا غير
بصتلها بنص عين كدا-ماما مالك في ايه
باستني وقالتي=مفيش ياحبيبتي في عريس جاي يوم السبت الجاي
-انا قولت الحنان دا وراه حاجه مش موافقه ياحجه ريحي دماغك
=لا ماانا وافقت وابوكي وافق وادينا للراجل معاد مش هنطلع عيال قدامه وحضرتك هتقبليه
-ماشي ياماما وانا هطفشه
=ساعتها هطفشك معاها علشان اخلص منك
دخلت اوضتي وانا متعصبه ماشي ياماما ماشي
اتصلت علي تقي
-شوفتي ياتقي شوفتي
=شوفت ايه ياحزينه هببتي ايه تاني
-مش انا الي هببت امي
=ايه الي حصل يامصيبه
-جيبالي عريس وادته معاد وموافقه عليه هيا وبابا وبتقولي لو طفشته هطفشني معاه يرضيكي كده
=والله امك دي جدعه احسن طهقتيني مش كدا
-طب اقفلي ياتقي اقفلي انا غلطانه اني بكلمك اصلا
قفلت معاها وانا مش عارفه اعمل ايه يعني مش قدرين يصبرو شويه يمكن حازم يتقدم اووووف ربنا يستر بقا يااارب كون معايا يارب
عدت ايام وانا كل يوم احاول اقنع امي ترفض العريس وهيا اكني بقولها اني موافقه
روحت الشركه
كنت قاعده بفكر هطفش العريس الي جاي بكره ازاي وبعد لقيت حازم دخل عليا بصيته بغيظ كدا ليه يعني مش فاكرني ما ايمان افتكرتني بسرعه ليه ميجيش يخطبني هو
لقيته فجأه قالي -مالك بتبصيلي كدا ليه انا عملتلك حاجه
لسه هرد عليه لقيت استاذ طارق دخل
-انسه سما
=نعم يااستاذ طارق في حاجه
-هو في الحقيقه كنت عاوزك في موضوع بعد الشغل
=نعم موضوع بعد الشغل ليه
-احمممم وبعدين بص لحازم ورجع بصلي طب ممكن دقيقه علي انفراد
لقيت حازم قام فجأه وقاله
-نعم دقيقه علي انفراد ليه ان شاء الله
-ايه يابشمهندس عادي عايز رقم باباها هتقدملها
-وهتتقدملها ازاي وهي مخطوبه اصلا قاله كدا وخرج متعصب
هه هو قال اني مخطوبه يعني هيخطوبني مثلا تعالي ياعم الحج هنا ازاي تمشي من قبل ما تفهمني
طارق اعتذر ومشي ماهو مش فاهم حاجه بس لو فاكر يابشمهندس حازم انا هسيبك من غير ما تفهمني تبقي بتحلم انا ودلوقتي مفضلش قدامي غير اني اطفش العريس
تاني يوم مروحتش الشغل مستنيه المحروس الي هطفشه وامي تقنع فيا وانا دماغي جذمه
فكرت انا هدخل واعمل مؤدبه واول ما يسبوني هعمله مجنونه واساله اساله تعجزيه هيطفش لوحده
بعد المغرب كدا لقيت ماما بتقولي-يالا ياسما العريس جه
وتقي قربت عليا وقالتلي=عارفه لو طفشتيه هعلقك انا وامك
هما بيتحولو كدا ليه انا خوفت
دخلت وحطيت العصير من غير ماابوصله بس رفعت عيني ايه دا ايمان ايه الي جابها هنا هه يالهوي هو العريس حازم
بابا سبنا علشان نتكلم وماما بصتلي بتحذير بس ايمان فضلت قاعده
لقيته بيقولها =لو ماقومتيش ياايمان هقول لمحمد انك بتحبي السمك وهو مبيحبوش
-قايمه قايمه داانت ظالم
لقيته بصلي كدا وقالي
-عايزه تطفشيني ليه ينفع كدا
بصتله جامد :عرفت منين مش انت لا
لقيته ضحك جامد:مامتك حذرتني يعني موافقه
اتكسفت وبصيت في الارض
-لو وافقتي هوديكي دريم بارك
-يعني كنت فاكرني
-من اول ثانيه بس نكتب الكتاب واخدك وساعتها هربط ايدك بايدي مش مستعد تتوهي وحد غيري يلاقيكي ها قولتي ايه
-قولت انا عايزه اركب الديسكفري
(لقائنا كان صدفه وافترقت طرقنا ولكنك تركتي بصمتك داخلي)
#تدابير القدر
#SM&
رائيكو ياجماعه ان شاالله يخليكو🙈🙈😍
