سندت راسي علي الشباك يااااه اخيرا خلصت خمس سنين مرمطه من اول ما دخلت الجامعه لسه فاكره اوم يوم جيت العريش كنت بقول امتي نخلص مش مصدقه اني خلصت خلاص وان اخر مره هركب المكروباص ومروحه ومفيش مرمطه شنط ولا معديه ولا تاكسي واكتر حاجه هتوحشي عربه الميه المفلطره علي العربه وسكشن 8الصبح والبحر وجماله بصيت حوليا لقيت صحابي هيوحشوني كلهم عشنا سوا وهنفترق خلاص بس اكيد هنتجمع ونتقابل تاني ابتسمت بهدوء نامو كلهم عندهم حق كان اخر امتحان محتاج جهد من التعب نامو انا كمان هموت وانام بس كنت عايزه اتفرج علي الطريق كااخر مره بقا فوقت علي رنه الفون بتاعي مسكته بسرعه ورديت علشان محدش يصحي
-السلام عليكم
-.......
-ايوه يابابا خلاص قربت اوصل القنطره اهو كلها ساعه
-..........
-طيب حاضر اول ما اوصل هتصل هقفل بقا يابابا لحسن داخلنا الكمين سلام عليكم
اول ماقفلت ولسه هحط الفون في الشنطه بتاعتي لقيت تخبيط علي ازاز الشباك والظابط بيقولي هاتي الفون ازاي تتكلمي في الكمين
-بصت له بخضه ايه الفون
-لقيته زعق فجأه كدا بصوت عالي سرعني وصحي البنات :هاتي الفون وهاتي بطاقتك وانزلي وبص للسواق وقاله وانت اركن علي جنب
مريم ردت بسرعه :معلش يافندم محصلش حاجه دي بس كانت بتكلم باباها تطمنه عليها وقفلت لما شافت الكمين
كنت طلعته البطاقه وادهاله واديته الفون
بص للبطاقه وبصلي
-مممم اسيل وانا اعرف منين انك اسيل فعلا شيلي النقاب
حسيت سعتها اني اتشليت بصتله اكنه كائن من الفضاء وسالته تاني بغباء:نعم يعني ايه اقلع النقاب
-يعني توريني جمال طلتك البهيه خلصي او هنزلك من الزفته دي وهمشي المكروباص وخليكي بقا
لقيت صحابي كلهم بيحاولو يهدوه وانا عيوني اتملت دموع فجأه محستش بنفسي غير وانا دموعي مغرقه نقابي وببصله بذهول وبقوله :علي فكره حرام تشوفني علشان انت محرم عليا وبعدين والله انا ايسل واسال صحابي كمان
لقيته بصلي بقوه شكلي صعبت عليه ولا ايه وبيقولي-طب اتفضلي افتحي الفون اشوف كنتي بتكلمي مين
فتحتله الفون واديتهوله:اتفضل بابا اهو
خد الفون ومشي بعيد شويه وبعدين رجع ادهولي من غير كلام بس ابتسم ابتسامه غريبه وقال للسواق يتحرك
قضيت الباقي من الطريق بعيط ومريم حاولت تهديني بس خلاص دمرلي مودي خالص مش مستوعبه ان كان حد هيكسر وعدي ويكشف وشي الوعد اني حلفت مش هبين حاجه من وشي غير للي هيكون جوزي قعدت احمد ربنا كتير انو مشاني من غير مااشيل النقاب
اليوم عدا وروحت البيت اني شوفت بابا وماما واخواتي نستني الي حصل كله كانو وحشوني اوي شهر كامل مشفتهمش
بعد اسبوع لقيت بابا جاي يقولي اني اجهز نفسي في عريس جاي
عادي هعمل زي كل مره هدخل ومش هقلع النقاب واخرج تاني هي جديده عليا يعني وبعدين استخير ربنا لو الموضوع مشي والله لما ييجي تاني ابقي ارفع النقاب بقا
دخلت وكلي ثقه اني اخرج تاني زي كل مره بس معرفش ايه الي جري لقيت نفسي قاعده فوقت علي بابا وهو بيقولي خليكي بقا مع الرائد ادهم اتكلمو سوا وانا بره في الصاله والباب مفتوح بصتله بذهول
-مش دا الظابط الي كان في الكمين ايه الي جابه هنا
-ابتسم ابتسامه خفيفه :وقالي ايوه انا
يوووه لسه فيا العاده دي بفكر بصوت عالي اتكسفت وبصيت للارض وكان نفسي الارض تنشق وتبلعني
بصيت لقيته كمل
- اما بقا جيت ليه علشان قولتيلي اني حرام اشوفك فاانا جيت علشان يبقي حلالي وحقي دايما ضحك وكمل ايه هتشيلي النقاب ولا حرام برضو
رفعت عيني له لقيته بقولي بابتسامه جعلت قلبي يرقص طربا:
عيناكي تكفيني
#SM&
