الحمد لله اننا لقينا سكن ياريهام
- اخير والدراسه بدأت وبدأنا تعب الاعصاب بس مساكن الظباط قريبه من الجامعه وكدا احلي صح ياريم
-صح اهم حاجه قريبه من الجامعه ياريهام
دخلنا استريحنا شويه ونزلنا نجيب طلبات الشقه بكره خلاص الدراسه ولازم نعمل حسبنا ريهام بتحب تنظم كل حاجه علشان مبنلحقش نعمل حاجه ايام الدراسه
واحنا رجعين لقينا الشقه لقينا الشقه الي جنبنا بتتفتح ابتسمنا بنحسب بنات زي ما فهمونا ان العمار تسكين بنات بس لا كان شاب بالادق ظابط عرفنا من لبسه ابتسم وقال سلام عليكم وسبنا ونزل ريهام نزلت تسال ام هاني الي اجرتلنا قالتلها انها شقته هو قاعد فيها لوحده علشان شغله هنا ومحترم ومش هيزعجنا خالص اديقنا شويه بس خلاص بقا هندور علي سكن فين تاني عدا شهر مشفنهوش فيها غير كام مره تقريبا واحنا بنجيب المذكرات من المكتبه او رجعين من الجامعه وهو نازل شغله تقريبا ورديته باليل دا الي اكتشفته كل الي كان بيقوله سلام عليكم وينزل
-ريهام انا هخرج البلكونه اذاكر
-ماشي ياريمو
دخلت اذاكر وفي ايدي طبق الكيك بتسلي وانا قاعده سمعت حركه ببص جنبي لقيت الظابط واقف في البلكونه وفي ايده كبايه شاي ابتسم وقالي-السلام عليكم
رديت عليه-وعليكم السلام
لقيته بص علي ايدي كنت باكل اخر قطعه كيك في الطبق وقالي-اممم انتو بقا الي بتعملو الكيك علشان كدا بشم ريحتها قويه علشان انتو جنبي
ابتسمت بخجل وقالتله -ثواني وجايه
بصلي بإستغراب بس انا مهتمتش دخلت بسرعه ومليت له طبق كيك وخرجت له تاني
-اتفضل ان شاء الله يعجبك
-شكرا انا مكنش قصدي كدا ان بس بسال
-اتفضل ياكابتن بالف هنا بس متنساش الطبق اهم حاجه ترجعلي الطبق معندناش غيره انا بقولك
لقيته ضحك وخده مني-تشكري ياستي هرجعلك الطبق حاضر عن اذنك هدخل
هزيت راسي وهو داخل وانا انكسفت من نفسي قوي دايما مع الناس بعفويه يقول عليا ايه دلوقتي
دخلت انا كمان وانا بفكر ياتري الكيك عجبته اكتر حاجه بحبها بعملها كل يومين تلاته مبزهقش منها ابدا
تاني يوم طلعت اذاكر في البلكونه كعادتي لقيته خرج وبص علي البلكونه عندي علي طول اكنه كان بيشوفني خرجت ولا لا ابتسم اول ما شافني
-اتفضلي الطبق اهو تسلم ايدك اخيرا اكل بيتي الواحد من كتر اكل بره معدته اتحجرت فكرتيني بأمي والله
ضحكت وخدت الطبق منه :بالف هنا ربنا يباركلك في ولدتك ويرجعك ليها بالسلامه الشعب في خدمه الشرطه او الشرطه في خدمه الشعب علي حسب
-لقيته ضحك وبصلي:علي حسب ايه
-علي حسب التوقيت المحلي لمدينه العريش
-انتي بتألشي ادخلي ذاكري يالا ادخلي ذاكري
ضحكت وسبته ودخلت الصراحه صعب عليا حياتهم صعبه بيتغربو عن اهلهم ويتعرضو للخطر حياتهم علي ايديهم اهم حاجه امننا عندهم ربنا معاه خلاص انا هدعيله في كل صلاه ربنا يحميه يارب
اتعودت بعد كدا اي اكل بعمله حلو اوديله طبق احنا كنا بنتكلم عادي كهزار كلام خفيف كلمتين ونص عرفت ان اسمه الرائد شهاب لسه فاكره وهو بيقولي اسمه-انا بقا ياستي الرائد شهاب لما تعدي علي اي كمين قوليلهم الرائد شهاب وهما يعدوكي علي طول او يوقفوكي علي حسب
-حسب ايه
-حسب ولا نسب الله اعلم
-الله يسامحك انا داخله اذاكر
-استني اسمك ايه طيب
-ريم اسمي ريم في خامسه صيدله
