(بحثت عنك في عقل كل ما جاء ليحظي بي في كلماته طريقه تفكيره بحثت عنك بين دقات قلبي اتعرفت عليك ولكن يبدو ان النتجه سلبيه فانا اريد توافق بين قلبي وعقلي اهي مجرد اوهام وستظل احلام لن تتحقق ام انه ان الاون لان التقيك)
=دكتور رانيا دكتور رانيا في حاله طوارئ بسرعه
*يالا بس فين دكتوره ولاء معايا
= هو دكتوره ولاء روحت عندها حاله طاره بس الحقيقه حاله الطوارئ مش قسم نسا وتوليد دي قسم جراحه
*نعم وجايلي ليه مرحتش قسم الجراحه ليه
= يادكتوره الدكتورين النبطشيه بتوع الجراحه في العمليات كان في حادثه من شويه
*طب يالا بسرعه نشوف وربنا يستر
روحت مع الممرض كان شاب صغير من 18 ل 20 سنه تقريبا وشه مليان كدمات وفوق حاجبه مفتوح ومغرق وشه دم وكسر في رجله الشمال وايده اليمين ومغمي عليه خالص كمان كان متبهدل خالص دا مضروب اكيد والي اكدلي دا ان الممرض بيقول ان في اتنين جم دخلوه المستشفي وسابوه ومشيو هي نبطشيه النهارده شكلها فل بصيت للممرض وقولتله
*عاوزه دكتور عظام بسرعه علي ما اطهرله الجروح السطحيه واخيطله الجرح الي في وشه بسرعه يالا علشان الكسر
=حاضر يادكتور حالا
بصيت تاني للشاب دا ياتري حكايتك ايه وايه الي عمل فيك كدا طيش شباب ولا شهامتك عملت فيك كدا ولا ايه ربنا يشفيك يارب جه دكتور اكرم بتاع العظام وحكاتله الي قاله الممرض عملناله الاشعه واتجبست ايده ورجله وركبناله محاليل علشان يفوق
+لازم دلوقتي بقا يادكتور رانيا نبلغ الشرطه
*تمام يادكتور اكرم اتصل
^لا استنو
بصينا انا ودكتور اكرم للمريض الي شكله فاق لقيناه كمل
^ عاوز بس فون وانا هجيب الشرطه كلها لحد عندكو بنفسهم بسرعه بس الله يخليكو
طلعت الفون بتاعي ادتهوله اتصل
^ايوه ياسيف انا احمد
-000000000000000000
^ياعم بطل شتيمه شويه واسمعني انا في مستشفي
وبعدين بصلي وحط ايده علي الفون وقالي مستشفي ايه
*الحياه
^انا في مستشفي الحياه ياسيف بسرعه بقا
قفل الفون وادهلي وابتسم وقالي ^تسلملي ياقمر هو انتي دكتوره هنا
خدت منه الفون وضحكت*اه ياسيدي دكتوره هنا
^بجد ياه داانا هبقا مقيم هنا كل مااتعب هاجي اكشف عندك انتي دكتوره ايه بقا
