(اكنت ابحث وحدي عنك وام انك تبحث ايضا هل التقينا قبلا ام مازالنا ننتظر لحظه لقائنا كيف سيكون لقائنا اسيكون شيقا نتذكره دوما ام مشهد عابر ينسي مع مرور الزمن ولكن اتعرف سيكون حتما مميزا وكيف لا وقد انتظرتك طويلا)
كنت قاعده علي السرير في اوضتي النهارده لازم ادي الرد لبابا بخصوص جوازي من دكتور اكرم فات خمس ايام علي الرؤيه الشرعيه مقدرش انكر انه انسان ممتاز مجتهد ومتعلم وعارف دينه محترم والكل يشهد باخلاقه مش لاقيه سبب للرفض بس برضه مش مرتاحه والله صليت استخاره مش حاسه انه نصيبي دماغي وجعتني فعلا ومش عارفه اخد قرار كنت سرحانه جدا لدرجه اني مخدش بالي ان بابا دخل وقعد جنبي وحد ايده علي كتفي اتخضيت وبصتله
*بابا
=اه ياحبيبي مالك بقا
*مش عارفه حقيقي مش عارفه
=لسه مش عارفه تاخدي قرار بخصوص الدكتور
*اه لسه
=تحبي اساعدك بصي هو انسان ممتاز ومحترم
كملت بداله *اه وتبقي عبيطه الي ترفضه
=لا تبقي غبيه الي توافق وهي مش مرتاحه لمجرد فكره انو ميترفدش
وبعدين خدني في حضنه وكمل = حبيبة بابا مفيش حد مفيهوش عيوب كلنا مليانين عيوب وانتي مش هتعرفيها غير لما تعيشي معاه مفيش حاجه اسمها جربي لو مرتحتيش يبقي كل واحد لحاله صدقيني كل تجربه بنمر بيها بتسيب اثر في نفسنا فنختار الي مرتاحين واحنا موافقين والي يكون في جوانا سلام نفسي منه وربنا مبيخترش لينا حاجه وحشه دايما بيكون لحكمه تمام حبيبتي
مقدرش انكر ان كلام بابا ريحني ابتسمت وقولتله * تمام يابابا قوله بقا كل شيئ قسمه ونصيب
سبيني وقام وقف وقالي = لا متفقناش علي كدا انا المفروض ماما بعتاني علشان اقنعك مش اقولك تطفشيه
*قول بقا انك مش موافق خايف ليخدني منكو
=لا مااحنا اصلا معندناش بنات للجواز اروح اقله بقا
بابا خرج وانا حسيت اكن حمل وانشال من علي صدري وبعدين ان شاء الله مش هياثر علي تعاملنا مع بعض احنا زمايل في الشغل هو قالي كدا سواء رفضت او وافقت احنا زمايل
تاني يوم قومت صليت الفجر وقرءات قران بجد الاحساس بصلاه الفجر احلي حاجه في الدنيا بتحس ان كل دعاءك مستجاب سلام داخلي بيتكون جواك لبقيت اليوم لبست روحت المستشفي دكتور اكرم اتعامل معايا اتعامل معايا بكل احترام اكنه بيقول مفيش داعي كلها ارزاق ومتقسمه بيجد احترمته اكتر صراحه كنت طالعه الاستقبال لقيت احمد في وشي
*يابني بتعمل ايه هنا انت واخد اشتراك
^وانا الي قولت هتفرحي لما تشوفيني شكلي موحشتكيش صح
