❤❤اسكربت ❤❤
-السلام عليكم ايوه يامريم
= وعليكم السلام انتي فين يااستاذه حور
-انا خرجت اهو يامريومه متتعصبيش كدا الله
=اتعصب بس حرام عليكي ياحور بقالي ساعه مستنياكي انا طالعه البيت لما تيجي ابقي اطلعي خبطي ونخرج
-لالا والله خلاص نزلت اهو بكلمك وانا نازله السلالم
الو الو يامريم مريم يامريم
بصيت في الفون اه ياجزمه قفلتي السكه في وشي ندله من يومك
خرجت الشارع وانا بكلم نفسي ايه يعني لما انزلها تقف تستناني في الشارع ساعه قدام بيتهم حصل ايه يعني امال صحوبيه ايه بقا صحاب اخر زمن يعني لازم اطلع اندها من فوق في شقتهم كمان ما الهانم غضبت وقفلت الفون وصلت عندها اخيرا
وانا طالعه السلم عندهم ولسه بكلم نفسي ومش واخده بالي لقيت واحد نازل بسرعه وخبط فيا كان هيوقعني لسه هشتم لحق نفسه صراحه
*اسف اسف والله ماقصد كنت مستعجل مخدتش بالي انا اسف فعلا
-مفيش مشكله تمام
*شكرا
هو قال كدا وكمل نزول تاني بسرعه الصراحه استغربت معرفتش مين دا اينعم انا مجتش عند مريم من زمان من قبل ما ادخل ثانوي وانا رابعه جامعه بس عارفه ان دا بيتهم ممكن يكون صاحب اخوها يلا مش مشكله
خبط علي الباب لقيتها طلعالي بجنانها
=والله ما لسه بدري ياهانم ساعه ونص
-معلش بقا يامريومه اخر مره
=كل مره كدا لما زهقت نفسي اقطع علاقتي بيكي
-متقدريش عارفه ليه لاني البيست يابنتي
=طب يالله ياختي هي خروجه باينه من اولها هنروح فين ياحور هانم
-هو ايه الي هنروح فين هو احنا لنا مكان يلمنا هنلف طبعا الله بتقولي كلام مش معقول صراحه
نزلنا نلف واحنا ماشيين بصتلها مره واحده وقولتلها
-بقولك يابت يامريم هو مين الي كان نازل من عندكو من شويه دا
=مين مفيش حد غريب كان عندنا
-يابت ركزي كان في حد عسل في نفسه كدا ومتشيك ولابس بدله ونظاره وجذمه بتلمع ومسرح شعره كدا وحاجه اخر جنتله
لقيتها مره واحد مسكت ودني جامد-اي اي سيبي ودني يامريم عيب كدا والله انا اكبر منك بشهرين
=فين غض البصر يااستاذه هو دا الي اتفقنا عليه
-والله بصتله مره واحده بس اصله خبط فيا من غير ما يقصد
=بصه واحده امال لو فضلتي متنحاله كنتي عملتي ايه علي العموم مش عاوزه اخضك بس دا عمار اخويا
-بصتلها بستغراب وبصوت عالي عمار مين يابت انتي هتشتغليني
=وطي صوتك يامتخلفه احنا في الشارع
-اسفه وبعدين انتي الي بتنرفزيني وتخرجيني عن شعوري اصلا ال عمار ال وبعدين بصتلها بعدم استيعاب بجد عمار
=وربنا عمار اخويا
-غريبه كان معفن نضف امته
=اغتبتيه هياخد من حسناتك
-استغفر الله العظيم لا ياستي مش ناقصه انسي انسي اقولك غيري الموضوع تعالي ناكل ايس كريم
=يالا ياختي عاوزه بالمانجه والتوت طبعا كالعاده
-اكيد طبعا يابنتي دول العشق
خلص اليوم وروحنا تاني يوم في الجامعه
=حور ياحور حوريتي
-ادام قولتي حوريتي يبقي فيه حاجه تفرح اشجيني
=هيعملو حفل التخرج في الجامعه هنا يس مكنتش عوزاه بره الجامعه مكنتش هروح
-هو صراحه مش فارقه معايا مش عاوزه اروحه هيبقي اغاني واختلاط وحاجات كتير مبتعجبنيش
=ياستي احنا اصلا ملناش علاقه بحد مع اصحابنا البنات نفرح بقا اننا خلصنا
-علشان خاطر عيون مريومه بس
=حبيبي ياصاحبي
وبعدين لقيتها بتبصلي كدا ومتردده
-كدا في مصيبه المرادي صح
ضحكت ببلاهه كدا=لا لا مصيبه ايه ربنا ما يجيب مصايب بصي اهدي كدا
-هه خير
=لا لا عاوزاكي هاديه ريلاكس
-ماانا هاديه اهو انتي هتعصبيني بالعافيه انجزي
=عمار عاوز يتجوزك
-هه عمار مين هو انا غبيه اه بعترف وكمان حاسه السمع منعدمه كمان لا كدا كتير والله
=لا مش غبيه وسمعتي صح عمار اخويا عاوز يتجوزك
-نعم ياختي يتجوز مين دااحنا مبنقبلش بعض من صغرنا لا مش موافقه لا
=لا ماهو بصراحه كلم باباكي وقالولي افاتحك في الموضوع وهو جاي ليكي النهارده رؤيه شرعيه
- متخلهوش ييجي هيترفض
=لا ماهو كدا كتير صراحه الله قوليلي سبب مقنع داانتي كنتي بتعاكسيه من يومين
-مكنتش اعرف انه هو وبعدين يتجوزني بتاع ايه دا كان بيقول للشيخ اني مش حافظه ويخليه يضربني مع اني بكون حافظه
لقيتها ماتت من الضحك جانبي وعنيها دمعت =مش قادره هتموتيني انتي لسه فاكره
-مش هنسهاله اصلا بصي مش موافقه هه
=انتي حره لما يجيلك النهارده قوليله
-مش هطلع له اصلا
سيبتها ومشيت متعصبه ليه اصلا يتقدم لي ما مش معقول ايه دا يطيق العمي ولا يشوفني دا كان لما اروح للشيخ والشيخ يخليه هو يسمعلي كان دايما يطلعني مش حافظه مع اني بكون حافظه ويخليني اعيط يوووه طب انا بعيط ليه دلوقتي منك لله ياعمار سيرتك بس بتشقلب مزاجي واتجوزه كمان يالله ماهي ناقصه نكد
روحت البيت وكعاده اي بيت مصري جاي عريس نبع الحنان لازم تشقلب البيت وعمليه نظافه كامله علشان عريس الغفله وانا هطفشه اصلا
ماما اول ما شافتني سابت الي في ايدها وجتلي بسرعه
~حمدلله علي سلامتك ياحبيبتي
-الله يسلمك ياماما
~مريم قالتلك ان عمار جاي يتقدملك
-اه قالتي
~طيب ياحبيبتي قومي اتغدي ونامي شويه علشان هو جاي بعد المغرب ويارب توافقي يابنت بطني يارب
-حاضر
سبتها ودخلت نمت علي طول معنديش طاقه اتكلم اصلا
المغرب لقيت ماما بتصحيني ~يالا ياحور قومي صلي والبسي
- حاضر ياامي
وفي نفسي ماشي ياعمار ياانا يانت اما طفشتك مبقاش انا
شويه ولقيت مرام اختي الصغيره داخله تقولي: يالا ياحور بتقولك ماما علشان تقدمي الشربات
