روايه
#راجل_بنت_خالتي
الحلقة 3 "حقيقية"
للكاتبة : رواسي بحرالدين🎶✨
بعد مرور وقت ناضت ماجده
جوري : امي 😭😭😭😭
ماجده: مسكت يدها و دموعها سيييل ينزلن 💔💔
زمزم : خشت عليهم ... اسمعيني يا ماجده
ماجده: مسحت دموعها و شافت لاختها
زمزم : والله كنت ناوية نجيك لاكن ماقدرت نطيح كرامتي قدام راجلك .. شوفي بنتك كيف ترعش يا ماجده و اهو اليوم ما القيت من يساندك ضمي دبشك و تعالي انتي و بنتك لحوشي
ماجده: ااءااا نشاءاااالله 😪
زمزم : راجلك راسه وراس الخدمة و زوزته الجديده اما في حوشي ولدي علي زي ولدك بعد اسبوع مروح و عزالدين زي ولدنا مش مفارقنا
عزو : سمعت اسمي ولا غالط 😅..، دخل وفي ايديه اكياس
زمزم: فعلا انك ولد حلال توا كنا في سيرتك
عزو ؛ اهممم شن كنتو تقرمو عليا
ماجده : ههه ومن يقدر يقرم عليك و عمتك زمزم قاعده ... ربي يطول في عمرك و عقبال نشوفو صغارك ماقصرت
عزو : امين و ولو انتي زي امي
غادة:دخلت و في ايديها اطباق و كرتون ..
عزو : طلع من الكيس عصير و حطه ع طاولة ماجده وقعمز بيها ... هي نوضي افطري عندك هبوط في السكر لازم تحافظي ع غذائك كويس
ماجده :نشاءالله ياولدي
عزو:خذا كريب و بريوش من يد غادة و حطهن ع سريرها و فتحهن ليها ..
ماجده :علاش متعب روحك ياولدي
عزو :مافيهت تعب .. وبعدين تقوليلي ولدي و تحسسي فيا اني مجمل عليك😕
ماجده؛ ههههه ربي يحفظك
عزو : ويحفظك هي كولي سلم عمتي ... وشاف لجوري لقاها تشوفله و عيونها يلمعو ✨
زمزم : اطلعي يابنتي انتي و راجلك و جوري افطرو في الهواء برا
غادة:مسكت في يد جوري هيا
جوري : ناضت مسحت دموعها و ابتسمت هي ☺
غادة : خذت واحد من الاكياس كان فيه عصير و بشكوط و مدت لعزو الاطباق
طلعو يهدرزو و جوري تشوفلهم و سعيده انها بنت خالها حصلت راجل هكي
عزو : ماشي نجيب نسكافي .. نحسبك جوري ؟
جوري : هزت براسها بمعني لا
غادة : جيبيلها غير متحشمه عشقها النسكافي و بالحليب
عزو : ههه تم ... وطلع للمقهي
جوري : حطت يدها ع غادة ربي يسعدكم و يهنيكم ما قصرتو
غادة ؛ ولو هذا الواجب .... وقعمزن يهدرزن
______
زمزم :الدكتور قال بعدين في العشية نقدرو نطلعوك
ماجده : تمام ... وين هيثم غريبة ماجا ؟؟
زمزم: بالك في الخدمة مزال
ماجده : ماضني مايقعد للوقت هذا
زمزم : فوتيه يا اختي و تعالي مع بنيتك عيشي معانا
ماجده؛ مانقدر 💔 تبيني نسيب حوشي يلي ليا 15 سنه عايشة فيه 😔
زمزم؛ براحتك يا ماجده لاكن صدقيني القرار هذا حيتعبك وااااجد
______
عزو : كان جاي و في يده النسكافي ويشوف لجوري كيف تضحك من بعيد كانت طفلة برييييييئة و شعرها طايح من الوشاح من ظهرها و هي مش منتبه قرب منهم و مد النسكافي لغادة و شد شعرها و كره
جوري ؛ ااااااه 😨
غادة: يابليد تحشم
عزو : تي شعرها كله برا علاش لابسة وشاح ؟؟
جوري: وهي متحشمة رفعت وشاحها من ورا و لفاته كوده
عزو :كان يفصل فيها كالعادة و بيهبل عليها
غادة ؛ لاحظت نظارات عزو بس كذبت روحها
______
طلعت زمزم من الحجرة و قاتلهم قال الدكتور حيعطوها خروج العشية و توا لازم ترتاح و مدت الوصفة و معاها فلوس لعزو
جوري:تحشمت من لطف خالتها ،، صحيتي نشاءالله مانفقدوك
زمزم: سلمك وهي نروحو للحوش و العشية نجي
جوري؛ لا انا ياخاالتي خليني نقعد جنب امي مرات تحتاج شي
زمزم : لا يابنتي الدكتور قال لازم ترتاح و مركبلها تغذية وقال محدش يجي شورها روحي معايا و العشية نجو
جوري: حاظر
للكاتبة : رواسي بحر الدين ✨🎶
______
ركبت زمزم في السيارة من قدام و غادة و جوري من ورا
و كالعادة عزو يشوف لجوري في لمرايا و بياكلها بعيونه.... غادة حست بالشي هذي لثاني او ثالث مرة و هنا تولدت عندها غيره من جوري و حستها خطر ع زواجها
