روايه
#راجل_بنت_خالتي
الحلقة 20 و الاخيرة
(حقيقية)
ماتعلقوش لين تقرو الحلقة 🙊❤❤
في المحكمة :-
عزو: نزل من السيارة و هو مأنق ع سكت 10 و خش للمحكمة
علي: كان سابق عزو و اول ماخاش عزو جاه
عزو:- ويش الامور تمام ؟
علي؛ عني حمدلله بس انت متاكد حتوافق ع مطالبهم
عزو:كيف
علي: المؤخر مكتوب 80 ليرة انصدمت الحق حتي نا دافع 50 ليرة بس
عزو: 80😨😨😨 تي بالك غالط
هيثم: هي يا شباب بسرعة
(طبعا هيثم عزماته زمزم عشان جوري و ماجده و حتي علاقته بالعيلة تحسنت هلبا 💕)
عزو: ياعمي ريت قالو يبو المؤخر 80 ليرة
هيثم: تي شن العوج هذا ؟ مش اتفقنا ع 50 ليرة بس
عزو: والله مافهمت شي عادي ناقش الموضوع مع بو البنت
هيثم: تمام ياولدي نشاءالله خير
عزو : رفع التلفون و اتصل بخالته
_____________
ترن ترن ترن
زمزم: رفعت تلفونها .... هذا عزالدين اكيده قروها الفاتحه... و فتحت الخط
عزو: ايوه خالتي
زمزم: ايوه ولدي شن صار
عزو: تي طالبين المؤخر 80 ليرة والله مش دافعهن
زمزم: "انصدمت " "و بتوتر" راجي اشوي خليني نطلع
عزو؛ تنهدت
زمزم؛ بلعت ريقها قتلي طالبين 80 ليرة
عزو: ايه والله مش موافق راه
زمزم: غير اصبر بس نتصل بحميده و نشوفو
_____________
و فعلا اتصلت زمزم بحميده (ام صفيه) و قالو مش حيعطو بنتهم إلا ب80 ليرة مؤخر 😑
و عزو رفض لانه مبلغ مش ساهل يدفعه و خاصتا بنت هو مايبيش يتزوجها و احتمال كبير يطلقها
____________
في المحكمه:-
هيثم: ها عزالدين شن بيصير ؟
عزو: خلاص ياعمي هم سكرو راسهم و نحن مسكرين راسنا العرس ملغي .... و طلعت منه تنهيده كلها وجع 💔
هيثم: خبر اهل صفية انهم رفضو يدفعو المهر و بعد سب و شتم طلعو من المحكمه ....اما علي انقرت الفاتحه و وصل الخبر للحوش
___________
حوش زمزم:-
البنات :- في حال يزغرتن و يباركو لبعض 😍❤❤
زمزم: مقهوره و حتي فرحتها بعلي طارت لانه فرح عزو تفركش 💔💔
جوري : نزلت من الدروج و طول مشت لصفاء ... شن قروها الفاتحه ؟؟
صفاء: طبست ع وذنها و "بشويش"..... علي انقرت بس عزو تعاركو ع المؤخر و تفركش كل شي💔
جوري : رعشت مع بعضها و حست بقلبها يدق بسرعة 💓 حست انه هذي نعمه من ربي عشان يعطي حبهم فرصة جديده 😍
___________
عزو: صبي جنب علي ... مبروك ياعريس
علي :يبارك فيك 😍❤ وماتزعل عليها توا نجيبلك وحده عذوقي تعجبك😉💜
عزو: ههههه و علاش بنزعل هي عبارة عن اختيار بس لا حب لا شي
علي: اممممم
و بدو اصدقاء علي يلي جايين يباركوله و يضيفو فيهم
عزو: طلع قعمز ع العتبه قدام المحكمة
هيثم: فطن لعزو و طلع وراه
عزو: فتح ع الخزنة و قعد يدور ع صور جوري يلي قبل داسهن فيها ..
و اول ما لقاهن ابتسم ... قعد يتأمل فيها وقلبه بينحرق عليها 🔥.... و في نفس الوقت فرحان لانه الزواج لغوة 💔
هيثم: صبي ورا عزو و شاف صورة بنت و هنا الصدمه .... هذي بنتي جوري ولا
عزو: انصدم مع بعضة و طفى التلفون و ناض ...
هيثم: "بصوت عالي " علاش طفيته هذين صور بنتي ولا ادوي
عزو: بلع ريقة ... اصبر ياعمي نقدر نفسرلك كل شي
هيثم: هيا نسمع في تفسير
عزو: حكي لهيثم كل شي من وقت كبد ع جوري و صورها لعند ما اعترفلها بحبه بس هو كان حيتزوج غيرها ... و حكي ياعمي حكيتلك كل شي و سامحني 💔 و فتح تلفونه و حذف صورها 😔💔
هيثم:ماعرفش مايقول 😶
عزو:و هكي حذفت حتي صورها وربي يوفقها نشاءالله
هيثم: علاش ماطلبتها ؟؟
عزو: كيف؟
هيثم: بعد تحبها كل الحب هذا علاش جيت من الباب و طلبتها
عزو: حاولت بس خالتي زمزم رافضة و جوري اصلا مش حتوافق تتزوج توا
هيثم: انت متاكد انه جوري بنتي تبيك حتي هي ؟
عزو: والله مش عارفه ياعمي .. بس ليش تسال
هيثم: حط يده ع كتفه انا ظلمت بنتي واجد لما سيبتها ولو طلعت فعلا حتي هي تحبك صدقني مش حنخلك لغيرها و مشي عنه
عزو: ابتسم و كأنه الامل في قلبة زاد انه يتزوجها❤
___________
خفت الزحمة في حوش زمزم و انتشرن الاخبار انه علي قرا فاتحته ع بنت من برا اما عزو تفركش الموضوع بسبب المؤخر
