روايه
#راجل_بنت_خالتي
حلقة 16 (حلقة إيضافيه)
للكاتبة رواسي بحرالدين
عزو: السلام عليكم
بسمه :😍😍😍 وعليكم السلام
جوري : كانت متلبكه عزو 😳
عزو: هنا مكتب الاخصائية الاجتماعية ؟؟
بسمه:ايي تفضل
عزو؛ تفضلي هذا تلفون جوري هيثم قالولي نجيبه هنا
بسمه: ايي اي تمام خلاص رده للحوش . جوري تقدري تطلعي
سالمين : وين تطلع ؟؟ انت حظرتك من ؟
عزو: كيف ؟
سالمين:هي وحيده لا اخت لا خو و اكيده مش بوها انت من تكون الله يعلم مرات تكون صاحبها جاي تغطي عليها
جوري : انصدمت من كلام الابلة😦😥😥
عزو: انا خطيبها عندك مانع توا 😏😌
جوري: استغربت
بسمه؛ 😦
سالمين: شن يلي يثبت انك خطيبها ؟
عزو؛ شن الاثبت يلي تبيه يكفي اني جاي عشان نعطيها تلفون و هي اتصلت بامها ولا
معقولة امها تتصل براجل غريبة "وحط صبعه ع راسه من قدام " بالعقل هيا
بسمه:امممم خلاص جوري تقدري تطلعي
سالمين: لا كيف تطلع مزال ماتاكدت انا
عزو: يابنت الناس التلفون و جبته و توا ورايا عمل شن تبي
سالمين: اتصل بأمها
عزو:' بكل ثقه' تما مافي مشكله ورفع التلفون و اتصل بس كان يعطي مشغول
سالمين: رنت من نفس التلفون يلي رنت منها جوري و حتي هو عطي مشغول
جوري : اكيد تحكي مع بابا خويا مريض برا
سالمين: محدش سألك😑
جوري :🙁🙁
سالمين : رن ع بوها ولا خالتها ولا عمتها دير اي رأي مش نتاكد 🙄
عزة:مافيش مشكله 😌
جوري:كانت تشوف لعزو و عيونها يحكن الف كلمه و كلمه
عزو: ماكانش معدل هلبا بس خايفه خالتها زمزم تفضحه .... واتصل عزو بزمزم
__________________________
زمزم: كانت مقعمزة في الصالة تنقي في المعدنوس
ترن ترن ..... ايوه
عزو: اهلين يا خالتي شن اخبارك
زمزم: بخير و صحه ياولدي شن فيه نشاءالله خير ؟؟
عزو:والله ياخالتي انا في الثانوية توا مع جوري
زمزم: كيف؟!! ويش ادير غادي ؟
عزو: مافهمتش صايرله مشكله شكله المهم يلي صاير شبه حليتها بس الاخصائية قتلها انا خطيب جوري كذبتني
نبيك تحكي معاها
زمزم: بلعت ريقها ... (بس فهمت ع الطاير انه عزو كاذب😁)
عزو: تمام ياخالتي نعطيها لك
زمزم : هات
عزو:مد التلفون لسالمين
سالمين: ايوه نعم
زمزم: (في بالها جعم ياكلكك شن فيهةمن مصايب ) ايوه يا اختي انا زمزم خالة جوري
سالمين: اهلين بيك زمزم كيف حالك و كيف الاولاد
زمزم:بخير كلنا حمدلله شن صاير ماال
سالمين: الحق اشوية تحقيق مع الطالبات و جا الاستاذ يلي هنا ولي امرها و قال انه خطيبها !!
زمزم: "توترت" اي اي صاح هو عاطي فيها كلمة
سالمين: باهي يكمل الله ع الخير
زمزم: تسلمي يا حبيبة ..... و فصلت
علي : صباح الخير يام
زمزم: صباح النور
علي : خيره وجهك هكي مفجوع
زمزم: مافهمت شي عزو اتصل بيا و قالي نقول لاخصائية ولا مش عارفة شنو انه هو خطيب جوري
علي : "انصصصصدم" فيش تقولي😐😮😮
زمزم:بعدين نفهمو شن صار
علي : نشاءالله نشاءلله و ناض بيطلع
زمزم :شدت في يده ...
علي : برملها
زمزم: مزال مصر انك تبيها و حتتزوجها ؟؟
علي : قعمز ... تعرفي يام
زمزم: نعم
علي : جوري بنت عسل بريئة و لطيفة و قنينه بكل و محظوظ يلي حتكون من نصيبه
زمزم: شنو !!!؟
علي: بس لصراحه ماتناسبنيش 💔
زمزم: كيف ؟؟؟ بعد ماعطيت كلمه لخالتك
علي : درت كل يلي عليا حاولت معاها بالحلوه و بالمره هي رافضة الزواج و نا خلاص حنشطب حوشي و ندور ع بنت الحلال لو تبيني انا مزال نبيها مش رافضها و عاجبتني هلبا بس لو تبي نرجاها سنين لين تكما قرايتها القني مش حنلايم وربي يوفقها و يسخر طريقها
زمزم: كان هكي زين الكلام يلي قلته بعدين نمشولهم و نفهمو شن صاير و نفتح الموضوع معاها وجه لوجه
علي:نشاءلله خير يام ❤ و انا اهم شي عندي اني مانزعلها ولا نزعل خالتي
زمزم: لالا بإذن ربك الكل يكون راضي
علي : يااارب .. هي نستاذنك
زمزم: اذنك معاك ❤
_____________
عزو:اكيده هكي تاكدتي ولو مزال عندك شك عديلها خالتي زمزم او ماجده في حوشها مش خاسرة شي انتي تحرقي اشوية دهون ع الاقل
(ما سالمين سمينه بكل )
جوري:ضحكت ع جنب
سالمين: تمام بس حيرني ليش مخزن رقم خالتها عندك 😏😏
جوري : تنهدت اووووف
عزو: حاجات بين العيلة ماتفهميش فيهن انتي و هي تشاو و هي فصلك يا جوري ... و طلع
بسمه؛ تقدري تردي لفصلك يا طالبة
جوري : تمام .... و مشت ردت لفصلها و هي تفكر في عزو و جرئته بس ليش قال هكي ؟؟ كان يقدر يقول راجل بنت خالتها بس لا قال انه خطيبي😓😓 و حييي من خالتي زمزم و امي شن بيقولن💔 و خشت للفصل و هي تفكر
لقت البنات (زهور و موده و رغد) يتعاركن مع بعض عشان رغد طلع عندها تلفون سري و مش مخبره حتي البنات بيه
بس هن كانن عز الصحبه و ساعدنها تضمه في مكان مايخطرلهم يفتشو فيه .... بس لما رجعن الفصل نصحنها ترد التلفون لصاحبه و تبتعد عن العلاقات التافهه هذين 😑👏
اما جوري كانت تسمعلهن و تتخيل في عزو كيف كان واقف بكل شموخ و ثقة ويدافع عنها و هذي مش اول مرة يوقف جنبها سوا نصيحه او فعل منه ❤ تتخيل في ريحة عطره ❤ ابتسامته ❤ رفعت حاجبه❤ و عيونه يلي كان منظرهن غريب و نادر 😍😍❤ لعند خشت عليهم ابلة الحصةو انقطع تفكيرها ....
تعوذت من الشيطان و انتبهت لحصتها
_______________
اما عزو كان يذكر فيها كيف واقفه ساكته بريئة مالهاش حس و حتي يوم تتكلم ... تدوي بعباطة و رقة 💕💕 بس ماكانش حاط في بال اي نية خبيثة تجاها .....
و مر.... الوقت ..
..... و مر ..... نهاية الدوام ⌛
روحت صفاء للحوش
صفاء: السلام عليكم
زمزم: وعليكم السلام... خيري ملابسك و انزلي ماجيين لحوش خالتك
صفاء: وليش ! مانعيوو من بعضنا
زمزم: من يلي 24 س ماسك التلفون يتصل بجوري و شن صايرلك قبل تفرحي
صفاء: لا بس تعبانة نبي نرقد
زمزم؛ الحاجات يلي جابهن خوك لجوري و ماجده وتيهن نشيلوهن معانا
صفاء: علي ماشي معانا
زمزم: ايه
صفاء: وعزو ؟؟
زمزم: لالا ماخبرته الحق ......اصلا اليوم اتصل بيا و قالي نقول لمُدرسة انه هو خطيب جوري
صفاء: 😯😯😯😯 شنوووو ههههههه شن صاير في الدنيا
زمزم: هذا يلي صار علمي حد علمك مش فاهمه حاجة
صفاء: باااه
زمزم: حتي ماجده رنيت عليها ماعندها خبر
صفاء:" بتسهويك" هي هي نلبس و نجيك لازم نشوف شن صاير تي يقعد خطبها من ورانا 🙊😹🙊
زمزم: بلاش قطاف
صفاء: بس لابقين ع بعض والله😂🙈🙈
زمزم: ماعدلتش عليها
_______________
جوري روحت و حكت لامها شن صار وقتلها انه عزو رد التلفون بس ماخبرها بشي
و مر الوقت و جت زمزم و علي و صفاء
علي: سلم ع خالته و جوري و اعتذر انه يطلع ع اساس عنده خدمه و خبر امه انه لما تفهم الموضوع تخبره
{مايبيش يبين لجوري انه بيموت عليها 🙊🙊}
جوري :حكت شن صار لصفاء و زمزم بدون ما تخبرهن انه صاحبتهن هي يلي جايبه التلفون
صفاء: ايححح بس ليش عزو قال هكي
جوري : بروحي استغربت بنساله بس تحشمت قلت لين نروحو و نتلاقي معاه
صفاء: امممك حتي نا لما نشوفه نساله بالك حاط عينه عليك الصايع 😂
جوري :" خبطتها ع كتفها " بلاش دوه فاضية يابنت😕😕😑
صفاء: .... تلفونها رن ... ردت و اشرت لجوري انها تسكت 🤫🤫
زياد: ايوه
صفاء: ..... يتبع
رأيكم في الحلقة 🙊👇 و توقعاتكم للحلقة الجاية 😍❤❤
