روايه
#راجل_بنت_خالتي
الحلقة 9
للكاتبة: رواسي بحرالدين ✨🎶
غادة: كانت مقعمزة ع الصالون و مقعمز معاها عزو
عزو: حط تلفون ع الصالون و ناض للحمام ( اكرمكم الله )
غادة: شافت اشعارات التلفون و جاها الفضول تفتحه و تشوف و لما تاكدت انه عزو دخل للحمام فتحت التلفون و الصدمه لقت محادثة بين عزو و بنت
البنت 👩 : حبيبي عزو
_وين استاحشتك
_علاش ماترد عليا
" وهلبا رسائل و صور بنات 😷"
عزو: هو و طالع من الحمام شافها و مشى فرط التلفون منها.... من سمحلك تفتحيه ؟؟
غادة: ماتبينيش نشوف العار ولا
عزو: التزمي حدودك
غادة: خبطاتة ع صدره .. تخون فيا يا عزو معقولة
عزو؛ مسك يدها بلا استهتار زايد و اكسري الشر
غادة: "و دموعها ينزلو" باه فسرلي هذا شنو هيا فسرلي 😠
عزو؛ "مشي عنها " مش مظطر نفسر شي ويلي ريتيهن كلهن صديقات الوسوسه يلي في عقلك طلعيها
غادة: "بصوت عالي " بكل برود تخون فيا تي مزال ماسكرت سنه معاك حرام عليك يلي ادير فيه حرااااام😭😭
عزو: ماردش عليها و خش دار النوم
غادة: لحقاتة ... "و هي تخبط فيه ع ظهره " احكي يا عزو احكي تخون فيا ولا احححححكييي
عزو : "بنفاذ صبر" اي نخون فيك ... نخون فيك تسمعي ،... " ودفها بشويش من راسها " نخون فيك مع يلي تسوي و يلي ما تسوي و هذا كله بسبك 😠😡
غادة : " مسحت دموعها " .... بسببي انا .. شن درت مش تقولي بسببي .. ولا بعد انفضحت بتحط اللوم عليا
عزو: تي شوفي روحك شكلك مايفتح النفس .... و الحوش من لما تزوجتك نفس ماهو رغم اني مش حارمك من شي ولا مقصر في حقك و 24 س في حوش اهلك بس انتي ماقدرتي الشي هذا حتي 1% و مش مهتمه بيا نهائي
غادة: تي انت تزوجتني ع شكلي ولا شنو ؟؟؟ و قاعد تتجمل عليا
عزو: غادة تربحي انهي الموضوع احسن مانفصل وانتي عارفه
غادة: مش حننهي لين تفهمني شن يلي ادير فيه ... و ع فكرة حتي حوش اهلى 24 س معاهم لانه ماعندك اهل مش داير حاجة كبيره راك
عزو: صفعها كف لين جت طايحه ......و خذا قميصة و طلع برا الحوش و قفله عليها
غادة: قعدت تبكي و ناضت بتفتح الباب تلقاه مققول
________________________
علي : روح من اصحابة وماكانش عنده علم بيلي صاير مع صفاء ... و اصلا محدش حيخبره موضوع حساس
صفاء: مشتله في المربوعة ... نعم قالو ناديتني ؟
علي: اسمعي نبيك في موضوع
صفاء : شنو ؟؟
علي : كلمي جوري .. والله مستاحشها
صفاء: 😐😐😐 غير احلم و جت طالعه
علي: هي سلم وخيتي ليا يومين تقريبا ماريتها راه
صفاء: حنوقف في الممر راه و دقايق بس
علي : اي اي تمام
.... و مشت صفاء لدار غادة وين قاعده جوري
جوري : كانت تراجع في دروسها
صفاء: اسمعي جيعانة انزلي معايا نديرو حاجة ناكلوها
جوري: مالك واجده متعشية امتي حلك جعتي
صفاء: غير نوضي معايا يابنت هيا
جوري : هي و حطت كتاباتها في الشنطة و جت نازلة ....
و لما وصلن في الممر يلي يدخل ع المطبخ
صفاء: اييي تعرفي مزروره نمشي للحمام (اكرمكم الله) و نجيك
جوري : ماك عارفة شن تبي ... هي بسرعه ... و كملت طريقها للمطبخ
علي : كان مصبي جنب باب المطبخ و اول ماخشت جوري مسكها من وراها و حط يده ع فمها
جوري 😨😨😨
علي: همس في وذنها .. انا علي
جوري : هديت
علي : رخاها .. استاحشتك يا فرخة
جوري : "قرنت حواجبها" معاد تعاود هل حركات رعشتني
علي: تي مساحشك وانتي تقولي هكي عبو عليك 😏
جوري : نزلت راسه
علي: قرب منها و انتي ما استاحشتيني
جوري : "بخجل" لا استاحشتك 🙈❤
علي: مسك يدها و زاد قرب منها عن قريب حتكوني حلالي راك
جوري : حست بشعور غريب ... كييف ؟؟
علي: كيف خالتي ما خبراتك ؟؟
جوري: بشنن ؟
علي: طلبت يدك و امك موافقة
جوري: بس انا مزال صغيره 😢
علي: ههه ناعلي من صغيرونتي ...
جوري: نحكي جد يا علي ... مزال مانبيش نتزوج
علي: مش تحبيني شن صار ؟
جوري: اي بس نبي نكمل قرايتي
علي: ومن قال حنوقفك تقدري تكملي
جوري : بس
صفاء: يا جوري ..، علي انت هنا😅
جوري: تلخبطت و مشت فتحت الثلاجة
علي: جيت نشرب اميه و طلع من المطبخ
صفاء: جوري . نسالك؟
جوري: اسالي
_______________
عزو: طلع من الحوش ركب في السيارة ولعها وطلع درس في شارع فاضي نزل و هو معصب و خايف يدير شي لذالك يبي يهدي و قعد يذكر في كلام غادة
" اصلا انت 24 س مع اهلى لانه ماعندك اهل " 💔
تذكر قبل حوالي 8 شهور ...
يوم جت بنت للمكتب ماكنتش حلوه نهائي شكلها عادي جدا بس اهتمامها بيه خله يحبها حسساته انها حتغنيه عن عيلته يلي فقدها كانت تتزين عشانه و تهتم بيه و يلي يرضيك يا عزو و مستحيل تخالف كلمته .... بس اليوم 💔 حاس بالوحده ..
عزو : (بينه و بين نفسه ) زعما اختياري لغادة كان غلط ... زعما اتسرعت يوم مشيت خطبتها ... ليش معاش نحس بشي تجاهه ؟؟... من اهمالها ؟ و لا انا خشت في حيااتي بنت ثانيه !!
و غمض عيونه لثواني 😔 و خذا نفس عميق و طفى الدخان من يده و ولع السيارة و طلع للحوش ...
عند غادة :-
كانت تبكي و تكسر في الحوش زي المجنونه
فتح عزو الباب
غادة: جت تجري .... مشيت لعندها صاح ؟؟ كنت عندها ولا احكي يا عزو ؟
عزو: دفها و خش للحوش ... لقاها مكسر التحف و اثاث الحوش و زينته كلهن مدمرتهن .... انتي مجنونه ولا شنو😠😠
غادة: انت خليتني ننجن انت
عزو: ياربي صبرني ع هل ليلة
غادة: مسحت دموعها ... شيلني لحوش اهل
عزو: متاكده
غادة: اي متاكده
عزو؛ انانيتك و اهتمامك بنفسك و عدم اداء واجبتك كزوجة كلهن تحملتهن ومافكرتش نرجعك لحوش اهلك بس بعد تبي ترجعي ضمي اي شي لك وغدوا تلقي روحك في حوشهم ماتلزميني و اصلا شن متوقع من وحده اختها ع اشوي تعرضت للاغتصاب و ما اهتمتلها حتي واحد في الميه 😏 ... و خش دار النوم طلع وسادته و غطائه و خش لدار الضيوف بعد ماقفل باب الحوش ..
_______________
جوري: اسالي
صفاء: سمعت شن في بينك و بين علي
جوري : طبست راسها
صفاء: انتي تحبيه؟
جوري: شن هو الحب
صفاء: يعني انتي ماتحبيه ، لو كنتي تحبيه راه عرفتي معني الحب
جوري: يابنت ماتزيدها عليا ... ساد ماما خبت عليا موضوع انه طلبني للزواج
صفاء : ع سيرة الزواج.. شن مواصفات زوجك
جوري : "بلهفه" نبيه زي عزو✨😍😍
صفاء: اخخخ من عزو اخخ😻😻😹❤
جوري: نحرجت ... هيا ديري حاجة تاكليها و نعدو نرقدو
صفاء: النيه طارت هي نوضي نخشو
و خشت كل وحده لدارها
_______________
صباح اليوم الثاني ⛅🌼
ناضن البنات عشان يمشن لمدرستهن كالعادة و اليوم حيعطوهن الجدول تاع الامتحانات
ع سفرة الفطور مقعمزة جوري و ماجده
جوري : ماما بنسالك
ماجده: نعم يابنتي
جوري: علاش ماخبرتيني انه علي طالبني
ماجده: اححححممم... وانتي من خبرك؟
جوري: ماعمرك خبيتي عني شي شن صار؟؟ و مش مفروض نعطي رأي
ماجده: يابنتي اولا عيب البنت ترفض ولد قريبها ثانيا انا ماخبرتك لانه علي معانا في نفس الحوش ومانبي شي يصير بينكم ومانبي تلهي في موضوع ثاني غير دراستك
جوري: ونا مانبيش نتزوج لين نكمل
ماجده: غمزتلها .،، عشان خالتها زمزم نزلت
.... و كملن البنات فطور ولصهن علي لمدرستهن وكان علي مش عاطي اهتمام لجوري في السيارة زي قبل لانه انزعج من كلامها امس الليل
_________________________
عزو : ناض الصبح و كان حيله منهد و جروح انه يتيم و وحيده و حيخسر زوجته مأثرات فيه 💔
فتح باب الدار و مشى لدار لنوم لقى غادة توتي في دبشها طلع بدون ما تنتبهله
قعمز ع الصالون فتح تلفونه حظر اي بنت موجوده عنده و خش ع الاستوديو قعد يمس في صورهن لعند وصل في صور جوري كانن صورتين وحده و هي طالعه من المدرسة و وحده وهي في المطبخ ضحك ع برائتها و قال : اااااه فعلا اني مش راجل يوم فكر نستغل بنت بريئه زيها 😪 و حط الصورتين في الخزنه
غادة: اني واتيه
عزو: ..... يتبع
شن نهاية زواج عزو و غادة؟ هل في فرصة ثانيه لزواجهم او القدر عنده لعبته ؟ و علي و جوري حيكون بينهم زواج ناجح او زواج تقليدي فاشل ؟؟ حتعرفو في الحلقات الجاية ✨
لايك للحلقة ..👍❤
ورأيكم و توقعاتكم في تعليق 👇 🎶
