روايه
#راجل_بنت_خالتي
الحلقة 18 (حقيقية)
للكاتبة رواسي بحرالدين
و خشو للحوش :-
كانت ريحته حريق و المطبخ نصه محروق 🔥
زمزم: لا حول الله كان تسمع مني و تتزوج
عزو: اييي بالله 😓 بس خبريني كيف علمتي انتي
زمزم:اتصلت بيا فاطمة ال*** و قتلي راجل بنتك الله يرحمها قالو حوشه نحرق
عزو: ماسرع ماتنتشر الاخبار😑
علي: كان تسمع مني رأيي راي جارتك جيب بنت حلال يارفيقي و كمل حياتك
عزو: ايي نسيناك انت مبروك الخطوبة
علي: يبارك فيه ❤و جت عينه عين جوري
جوري : مبروك ياولد الخالة
علي: يبارك فيك و عقبالك😉❤
زمزم: خلاص ياعزو قررت راه حندور بنت ناس و نخطبها لك و عرسك مع علي
عزو: تنهدت 😪..... تنهيده كلها وجع كانت تنهيده عبارة عن اني حتي نا نبي نتزوج بس خايف نخسر الناس يلي نحبهم مرة اخري 💔 خايف نذوق مرارت الفقد مرة اخري 💔 كانت في تنهيدت هذي الف شعور كلهن ألم😔💔 و بعد التنهيده هذي
عزو: انا موافق☺ شوفيلي بنت كويسة ياخالتي و مش حنعترض عليها 😊
زمزم:في وحده في بالي و نشاءالله ربي يكتب لك الخير
عزو: امين
علي: كانت عينه طول الوقت ع جوري ..... شعوره كان يحبها بس للاسف مافيش نصيب بينهم .... هو بيموت ع انه يتزوج و يأسس عيلة و هي تبي تكمل قريتها و تتخرج و تخدم و تستقر فالافضل كل شخص يختار طريقه 😓💔
عزو: وانتم ياخالتي من خبركم بالنار يلي ولعت
ماجده:ماحدش خبرنا ياولدي كنا نجيبو في حاجات ناقصات قلنا نخطمو عليك
عزو: اها
زمزم: الاسبوع الجاي نطلعو كلنا عشان نجيبو الناقص للفرح
علي: وليش مستعجلة هكي يام
زمزم :اييي ماتعرف عاداتنا انت لازم ناخذو كسوة البنت و الذهب و نخذولها سباتات المكياج و غيره و دبش الحوش
عزو: مال امتي فرحك يا علي
علي: بعد شهرين واسبوعين في وقت غير امي خايفه نتأخرو في شي
عزو: شهرين 😓
زمزم : ليش توترت ؟
عزو: شهرين مش حيكونن كافيات عشان نتعرف عليها
ماجده: التعارف ساهل ياولدي مع الوقت تتعاود عليها
عزو: نشاءالله
زمزم :شن رايك توا تروح معايا للحوش بعد مطبخك انحرق
عزو: لا مافي داعي ياخالتي حنجيب عمال يصلحوه ليا
زمزم: براحتك ياولدي .... و هي توصي ع شي
عزو: لا سلامتك
زمزم:هي نستاذنوك .... نوصلوكم في طريقنا يا ماجده
ماجده: ايي ياريت ... هي سلام عزو
جوري ؛ شافتله و ابتسمت ...... سلام عزو ودير بالك ع روحك
عزو سرح فيها لين فمه انفتح وجها الدائري و الناعم زي الاطفال ملامحها البريئة يلي يحببوك فيها من بعيد و خدودها الحمررررر يلي يسحرو سحر ❤🔥🔥🔥
و اخر شي...
عزو: جوري
جوري : تلفت بإستغراب نعم !!!
عزو: شعرك برا صلحي وجهك
جوري : ابتسمت ع جنب ... حاظر
و طلعت ورا امها و خالتها
_________________
صفاء كانت في البيت في سابعه نووومه 😴😴😴 قاطعها صوت تلفونها يلي يرن
صفاء : قلبت التلفون لقاته رقم غريب عطاته بالحمره و كملت نومها 😁👏
___________
عزو : رتب المطبخ ترتيب بسيط و اتصل بعمال ع اساس حيجو بعد 3 او 4 ايام عشان يخدموه له
و قعمز ع سريره و مد كرعيه و قعد يفكر .... زعما حنقدر نتأقلم مع البنت يلي تختارها لي خالتي؟؟ زعما شن حيكون شكلها ؟ طبعها ؟ اخلاقها ؟
و هل حتقعد زي الصبايا يلي تشوفهن ملائكه و يطلعن شيطان ؟ او حتكون ملاك و تنور حياتي ✨
..... و غرق في تفكريه لعند رقد 😴😴😴😴
______________
جوري : روحت للحوش حطت الغداء و اتصلت ببوها عشان يجي يتغداء معاهم
و كانت علاقتهم ببوها و مرته كويسه لابعد درجه
ماجده متقبله وجود ضره و تعامل في هيثم احسن معامله بس هيثم مايرقدش في حوش ماجده و مريم تقبلت انها زوجه ثانيه و نقصت من مطالبها ولهيت بولدها يلي صحته تدهور مرة مرة 💔
_______________
في العشية☁ :-
صفاء : ماليهاش واجد نايضة " اليوم عطله و واخذه راحتها "
مقعمزة ع الكرسي حاطة رجل ع رجل و تفسفس
زمزم:اصفيه تعالي هنا
صفاء: هي جايه... نعم شن فيه ؟
زمزم: نبي نخطب "صفيه" بنت "حميده" لعزو
صفاء: و عزو شن رايه ؟؟😕
زمزم: قال موافق و ماعندي اي اعتراض اني نخطبلة
صفاء: بس لازم تخلي عندهم وقت يتعارفو فيه
زمزم: اي اكيده لذالك نبي بعد غدوا نمشيلها و نخطبها له
صفاء: خلاص كويس البنت كويسة و فالحة مشاءالله عليها كلميهم و قولي لعزو
زمزم: اي لانبي زواجه مع علي حوسه وحده و نتريحو
صفاء: خير ما قلتي
زمزم : 😊
ترن ترن ترن
صفاء: تلفوني انوض نشوفه
زمزم: تمام
صفاء: رفعت التلفون من ع الكرسي لقاته نفس الرقم الغريب يلي فصلت عليه انبدري .. وردت
زياد: السلام عليكم
صفاء: وعليكم السلام
زياد: كيف حالك صفاء
صفاء: حمدلله . من معايا ؟؟
زياد: اسمعي يابنت الحلال ليا فوق الاسبوع نجري وراك ذليتيني بحبك هذا انا عجبتيني و حبيتك و نبيك كان تبيني نجيك من الباب مستعد بس تقعدي هكي مسكره كل لبواب في وجهي ما يصير و كان عندك موال ثاني اعذريني و معاش تسمعي صوتي
صفاء: استكت ..... ماعرفتش شن ترد ....
زياد: شنو ؟
صفاء:
_____________
عزو: ناض من نومه و يحس في ظهره متكسر
قعمز اشوي ع السرير وكان يتذكر في الحلم
.... عارفين بمن حلم 🙊🙊 اها "جوري"
قعد يهس في راسه يبي ينسى بس حس بدقات قلبه حط يده ع قلبه وتعوذ من الشيطان
.... عزو شن يلي في عقلك هذا ... هذي زي اختي .... بنت العيلة يلي خلتني منها ... مايجي نرد نفكر فيها زي قبل .... استغفر الله استغفر الله .... و خش للمطبخ شرب اميه .... ورد للحمام (يكرم القارئ ) غسل وجهه وغير ملابسة و طلع من الحوش .....
_______________
زمزم: ايوه السلام عليكم
حميده: عليكم السلام كيف حالك زمزم
زمزم: حمدلله و انتي
حميده:بخير و عافيه وين اديارك غاطسة
زمزم: والله قاعده راسي وراس لعيال
حميده: اي والله ربي يعينك عليهم ....
زمزم: تسلمي ... وين بنتك صفيه
حميده: بخير حتي هي راسها وراس الخدمه
زمزم: الحق اتصلت بيك عشانها
حميده: كيف !
زمزم: نبي نخطبها لولدي عزو
حميده: مش عندك ولد واحد اسمه علي ؟؟
زمزم:"بغصه" هذا ولدي الثاني عزالدين راجل بنتي غادة الله يرحمها 💔💔
حميده: استغربت من قوة المرا يلي تحكي معاها ....معقولة تخطب لراجل بنتها بيدها ؟؟ بنتها يلي ماليهاش غير سنه متوفيه ؟
زمزم: ها ياحميده قولي شن رايك
حميده: والله صدمتيني يا زميزم شن بنقول
زمزم: عندك الحق موضوع مش ساهل لا عليا ولا عليه لاكن هو راجل وحيد في حوشه ويبي مرا تقيمه له و نا ماخطرت في بالي غير بنتك انتي لانها اخلاق و فلاحه الله يبارك عليها
حميده: تسلمي .... ونا نتشرف بيكم بس عندي سوال
زمزم: سلمك اسالي ؟؟
حميده: انا انبدري اسمعت انه حوشه انحرق 😁😅 حق الكلام ؟؟
زمزم: لا حول الله المطبخ انحرق جزء منه و حيصين عن قريب وماتخافي بنتك حتعيش معززه مكرمه معاه و حيكون فيه فتره كويسة يتعرفو فيها
حميده: خلاص نتشرفو بيكم امتى ماتبو
زمزم: بعد غدوا يناسبكم؟؟
حميده: اي خيتي مرحبتين
زمزم: تسلمي ... هي سلام
حميده: سلام و سلمي ع صفاء
زمزم: يوصل ....، و فصلت الخط
