روايه
#راجل_بنت_خالتي
الحلقة 13
للكاتبة: رواسي بحرالدين ✨🎶
جوري: مرن 5 شهور ع وفاة غادة ماتغيرنش هلبا احداث في حياتنا
طلعت نتيجتي و نجحت بجيد💔 اخخخخ ياحسرتي لما كنت ننجح بممتاز😔💔 لاكن حمدلله ع كل حال ❤
و حياتي عادية جدا بس بسبب المحنه يلي صارت معانا قعدت كل مالي نمشي للقوة و شخصيتي الضعيفه تختفي
"صفاء" حالتها احسن من قبل بس كل يوم تبكي ع وفاة غادة وخاصتا لو ذكروها قدامها حتعاود السنه لانها ما مشت لاغلب المواد و تغيرن تصرفاتها معايا😔💔💔 و هذي اول سنه ليا بدونها💔
"ماجده" امي كل يوم وضعها احسن من قبل و العلاج ماشي معاها و قعدت تتحرك زي قبل الحمدلله 🙏❤
"زمزم" خالتي اهملت نفسها بكل 💔 حياتها كلها اهتمام بصفاء و عزو و تبين انها قوية بس من جوا مكسورة😪
"عزو" حالة جسمه احسن بهلبا و يقدر يحرك جسمه كله ماعدا يده الايمين يقدر يحركها في مستوي معين بس حالته النفسيه سيئ جدا 💔 و يحاول يبين انه قوي بس كان حاس بالوحده بدرجه كبيره
و كنا يوميا نمشو لعنده انا و صفاء و امي و خالتي نتبادلو الايام و حاسبينه كفرد منا
"علي" اخخخ من علي طول هل 5 شهور كان يصرف ع عيلته و داير واجبه كأبن ليها و فتح معايا موضوع الزواج انه بعد وفاة اخته تسكر سنه نتزوجو بس كالعادة رفضت لين نكمل قرايتي 💔 لاني عارفة مش حنقدر نتحمل مسؤولية حوش و عيال و قرايه و منها معاش تكلم معايا و يعامل فيا ماعملة سيئة لعند سافر
نبدو حلقة اليوم ✨✨
هيثم: دق دق دق
زمزم: حطت وشاحها ع راسها و طلعت فتحت الباب .... و من ورا الباب تفضل
هيثم:اءاءا انا هيثم
زمزم؛ فتحت الباب ها شن تبي
هيثم:😔😔 "بصوت حزين" ممكن نشوف ماجده
زمزم: تفضل للمربوعة و نشوف لو تبي تشوفك ولا
هيثم: تمام شكرا و خش للمربوعة
_____________
ماجده:مقعمزة في الدار
زمزم: يا ماجده
ماجده:نعم
زمزم: اءاء هيثم برا يبيك 😥
ماجده: قلبها انقبض 💔💓 بعد لشهور هذين كلهن رجع !! شن يبي ؟....
زمزم: ها شني بتطلعي تشوفيه؟؟
ماجده: هي طالعة .... و حطت وشاحها و طلعتله
______________
هيثم:يفكر كيف حيفتح الموضوع معاها ؟؟ باي حق جاي بيطلب منها ؟؟ و شن ردة فعلها ؟؟
قاطع تفكيرع صوتها ...🎶
ماجده: السلام عليكم
هيثم: عليكم السلام
ماجده: قعمزت مقابلته
هيثم: كيف حالك انتي و جوري
ماجده: بخير حمدلله و كيف حالك انت و عيلتك ؟
هيثم: قرب منها و دموعه نزلو💔
ماجده: استغربت 😥
هيثم: حشمتي فيا يا ماجده حشمتي فيا😔😔😔 سامحيني يلي درته فيك رد في ولدي سامحيني 💔💔
ماجده ؛ بسم الله هدي روحك و فهمني كيف ؟؟
هيثم: مسح دموعه .... جاني ولد و للاسف جا مريض عندخ ثقب في القلب 😔
ماجده: لا حول الله ربي يشفيه نشاءالله
هيثم: اني جاي نبي نطلب السماح منك😔🙏 عارف اني تخليت عنك و رخيت بيك سامحيني 😔😔💔
ماجده : حطت يدها ع كتفه نوض نوض و من قال اني زعلانه ولا غايضة منك ؟
هيثم: كييف ؟
ماجده: مسامح ياهيثم دنيا و اخره
هيثم: قرب منها وجا بيبوسها ع راسها
ماجده: وخرت عنه . صاح اني مسامحتك بس حتي انت سامحني مانقدرش نرد معاك زي الاول
هيثم: ااااااه💔 من حقك يا ماجده من حقك
بس انا اليوم جاي نعطيك المفتاح هذا 🔑
ماجده: و هذا شنو ؟
هيثم:بعت الحوش و خذيت حصتي من ورث امي و بويا و حنسافر لتونس عشان عملية الولد
ماجده: و به ؟؟
هيثم: خذيت شقة لك و لجوري هذا اقل شي ممكن انديره 😔💔💔
جوري : كانت تشوف و تسمع من فم الباب و لما شافت بوها كيف يبي يكفر عن يلي داره جت تجري ظماته و تبكي بعبره
ماجده: انصدمت يوم شافت جوري كيف جايه لحظن بوها😔😭❤❤❤
هيثم: حظن بنته بقوة و يبكي و يشهق معاها ..... سامحيني يابنتي سامحيني ماكنت اب كويسة معاك
جوري: مسامحتك يا بابا مسامحتك بس خليك معايا 😭😭😭
هيثم: مسح دموعها ... بإذن الله معاش نسيبكم .. و فتحلها يدها و توا خوذي المفتاح هذا و" طلع ظرف فيه اشوية فلوس " و هذين اشويه فلوس و نشاءالله لما نروح معاش نخليكم تحتاجو لحد
جوري : و دموعها ينزلو ... نشاءالله 💕💕
هيثم: تبي شي يا ماجده ؟
ماجده: سلامتك
هيثم: هي نستاذنكم سلام
جوري: سلام
ماجده: في امان الله ❤
_________________
و خشت جوري و امها فرحنات و فعلا قلبهن ابيض سامحهن و قبلن الحوش و لفلوس يلي منه و ماكنش في قلبهن اي حقد عليه ❤✨
زمزم: زعلت عشان جوري و ماجده بيطلعن من حوشها بس فرحت عشان ردلهن هيثم
