روايه
#راجل_بنت_خالتي
الحلقة 6
للكاتبة :رواسي بحرالدين
( والله مالحقتش غير نكتب جزء بسيط عندي ظروف و باذن الله حنعوضكم الحلقة الجاية )
عزو : معاش تمالك نفسك وقفل السيارة بالمفتاح و جا خاش
__________
صفاء: تي جوري وين ماعاش جت
زمزم : مشت تحط في الغداء لعلي و عزالدين غريبة طولت نوضي شوفيها و نادي خالتك ماجده
غادة: قرنت حواجبها توا انوض نشوفها و انتي نادي خالتي
و مشت للمربوعة و كان الباب مفتوح و اول ما وصلت
جوري : شافت غادة ...عءءلي
علي: زاد قرب منها ونفسه عليها ..ها
جوري : غااءاءدة
غادة: "بصوت عالي" الله الله يا عبدالله
علي: بعد بسرعة عن جوري
جوري : مشت عنه و خشت في سفرة الغداء😣😣
غادة: انصدمتي يا انسة جوري ! كنا نحسابوك بنت ناس لاكن طلعتي العبي 👏
عزو: خش للمربوعة
جوري: تبكي 😢😢 مسحت رجلها يلي تلبزت عيش و ناضت
علي: مش زي مش فاهمه يا غادة
غادة: شن والله تبيني نكذب عيوني 😏😏
صفاء: خيركم شن فيه
غادة: تعالي شوفي الانسة جوري يلي سكنها حوشنا شن دارت
صفاء: شن فيه يا جوري
جوري : دموعها ينزلو و ساكته
زمزم: خير شن في صواتكم لوين واصلة
غادة: الانسة جوري و الافندي علي كانوا بوسات و حظن
صفاء: 😮😮😮😮
زمزم:😱😱😱😱😱
علي: غادة سكري فمك وبلاش تبليط كلام انا كنت نبصر ع جوري بس
زمزم: بالك فاهمه غلط يا بنتي
غادة: والله يا امي ريتهم بعيني كانت حاظنها و ملصقها ع الساس و ربي اعلم شن صاير ثاني
زمزم: غاااادة اسكتي علي احكي شن فيه
عزو : ع اعصابة
علي: صاح يا امي انا نبي جوري و جوري تبيني و نبي نزوجها
زمزم: ياقهرتي انا يا قهرتي .... سكنتك في حوشي دايرتك بنتي و انتي حاطة عينك ع ولدي
جوري: وءوءو الله يا عمتي مادرت شي 😭😭😭
عزو: عمتي ماتضلمي البنت
غادة: عزو ما ادافع عنها هي غلطت ولازم تتحمل العقاب
صفاء: مش مصدقة الحق انا دايرتك صاحبتي تطعنيني في ظهري و تتمعشقي مع خويا
غادة: خليها ترد تعيش مع بوها يا امي العرق دساس
عزو: "بنبرة غضب و صوت عالي " غادة و صفاء اسكتن ولا كلمة ... علي احكي شن صار
زمزم؛ شن قصدك ياعزالدين
عزو: علي عارفني فيش نحكي ..، كنت برا نجيب في دخاني و خيط الشحن ريت شن صار و الافضل انك تحكي يا علي
صفاء: علي فهمنا شن فيه ؟؟
علي :😥😥😔 " بصوت ندم"
انا يلي مسكت يد جوري و هي كانت تبعد فيا عنها 😞
جوري : انفجرت بكاء و فتحت باب الحوش و طلعت للسور
صفاء: لحقتها
زمزم: يانا عليا شن درت .. بنت ماذنبها شي ظلمتها خسارة تربيتي فيك ياعلي
غادة: 😶😶😶 خشت جوا تكمل باقي غداها
علي: ياااام ماديري موضوع .... و طلع للقراج ولع سيارته و مشي
زمزم: طبست تلم في السفرة
_______________
عزو: طلع للسور و قف ورا صفاء و جوري
صفاء:سامحيني يا جوري والله مش عارفة كيف حكيت هكي عنك
جوري: تبكي و تحكي ......
مش عارفة ليش حظي هكي انا نبي نفهم💔 بويا سيبني و امي مريضة 💔💔 مكتوب عليا نعيش في حوش مش حوشنا 😔💔💔 ليش انا يلي يصير معاها هذا كله 💔💔 ليش انا يلي نسمع في تعليقات البنات عليا و ع امي و بويا💔
صفاء: الله غالب يا جوري ربي مقدر هكي
عزو: لا لانه الله إذا احب عبد ابتلاه
صفاء: تلفتت ... عزو !
جوري: مسحت دموعها ...
عزو: قعمز جنب جوري ... كم عمرك انتي ؟
جوري : 15
عزو: انتي مزال صغيرة يا جوري و لو قعدتي هكي حتتعب واجد في باقي حياتك
جوري : كيف ؟
عزو: يعني انتي تشكي في همك لصفاء تحسابي صفاء حديرلك حل
جوري : بس انا مضايقة 😔😔
صفاء : جوري تحكيلي لانه اغلب البنات يعلقن عليها انا الوحيده يلي نصبر فيهى
عزو: لا لما تضايق تنوضي تصلي لربها و وتشكي همها له هو يلي حيديرلها حل
(انا الكاتبة مصدومه من كلام عزو ،... زعما هذا عنده انفصام شخصية 😅ولا في شي وراه🙊✨ ) ماعلينا
جوري: انشاءالله
عزو: اما ع البنات او اولاد انتي عاطيتهم فرصة يعلقو عليك 😑
صفاء: ريتي كلام عزو نفس كلام
جوري: بس نخاف نرد ع حد
عزو: الخوف من الله ماتخافيش من حد والله مش حيديرولك شي بس لو كنتي مش غالطة دافعي عن نفسك بكل قوتك لو كنت غالطة سكري فمك و اسكتي
جوري : مش حنقدر😥
عزو: لا تقدري
زمزم: يا صفاء تعالي
صفاء: اشوي و نجيكم ماتكملش دروسك يا عزو لين نجي 😬
عزو: تافهه ..و انتي تسمعي في كلامي ولا غير نتعب في لساني
جوري: لا والله بس 😣😣
عزو: شنوو ؟؟
جوري:" بصوت حزين" توا زي موقف علي كيف نقدر نواجهه 😔💔
عزو: شوفي توا علي غالط و انت مفروض ضربتيه ولا دفيتي ماسلمتي روحك له و قعدت تبكي
و لما تكلمت غادة مفروض دافعتي عن نفسك يعني انتي ماديرش في شي غير لبكاء و هذا مش حينفع يا بكاية 😐
جوري : هههه مش عارفة وقت ايصير شي طول دموعي ينزلو
عزو: صدقيني يا جوري لو قعدتي هكي ديما حتنظلمي الحياة هذي ماتبيش شخص ضعيف راه 👌
جوري: شكرا ع كلامك ... نقولك حاجة
عزو: قولي
جوري : دموعها نزلو ... مافيش شخص نصحني هكي قبلك☺❤
عزو: شافلها بنظرة شفقه و ندم انه حاول يستغلها يعني بنت بريئة و عبيطى هكي حرااام يلي صاير فيها 💔💔 و قرر يعتبرها زي اخته و يساعدها ❤
جوري : بسبس وين سرحت ؟
عزو: لا غير انصدمت اشوي 😅 ،
جوري : تعرف قبل نتحشم منك بس توا عادي ... مدت يدها انا جوري و انت
عزو: هههه و نا عزو.... شن هذي بداية صداقة ولا شنو ؟
جوري : اممم ممكن .. رغم انا ماعنديش اصدقاء شباب 😓
عزو: خلاص اعتبريني اول صديق ☺
جوري : تمام😁 ... و صبت نفضت روحها ... هي بتخش ولا بتعقد هنا
عزو: لا خشي انا طالع ... و قولي لغادة حنجي الليل نروح بيها
جوري : تمام و خشت للحوش
_________________________
صفاء: تغسل في الماعين
غادة: جابت السفرة الثانية ...... وين جوري
صفاء: عزو يحكي معاها
غادة : حطت السفرة و طلعت تجري قابلت جوري في وجها
جوري : بسم الله
غادة : عزو وين ؟
جوري : طلع قال بيجي الليل يرفعك
غادة: تمام و مشت عنها لا اعتذرت لا شي
_________
عزو: طول الطريق و هو يفكر في جوري و كان ساخف ع برائتها و مفكر كيف يساعدها و يفرحها
_______
و مر اليوم هذا ....... عادي جدا ..... و جوري كانت جنب امها تهدرز عليها و تحكيلها عزو شن قاللها و فرحانه بكلام عزو😹😍
يااروحي عليها بنت فرحانة حتي بالنصيحه 😣💔
____________
صباح اليوم الثاني ⛅
جوري و صفاء ماشيات للمدرسة
علي: اركبن نوصلك
صفاء: لا شكرا 😏 و امي تبيك خطرها امس ماروحت
علي: عارف حكيت معاها .. و انا نبي نحكي مع جوري يا صفاء اركبي في السيارة
صفاء: ركبت
جوري : "بخجل" ادوي شن فيه ؟😥
علي: حط يده ع كتفها ... سامحيني يا جوري 😔 والله الشيطان لعب بعقلي و نا نبيك و ناويك بالحلال و مستعد نطلبك من خالتي لو توافقي انتي
جوري ؛ 😳😳
علي: شن يا جوري موافقة !؟ سامحتيني و تبيني ولا ؟؟
جوري : فرحت بكلام علي و كان شعورها تجاهه عادي بس هزت راسها بمعني ايه
علي : 😍😍 اركبي نوصلك انتي و صفاء و الايام الجاية نفتح الموضوع مع امي و خالتي
جوري: و راسها مطبس تمام🙈 ..... وركبت في السيارة و طول الطريق علي يشوفلها في لمرايا و هي تضحك و تشوفله
_______________
في المدرسة :-
صفاء: شن قال علي
جوري : اعتذر ع يلي صار
صفاء: هذا اقل شي يقدر يديره و اصلا امي قالت مدام انتي في الحوش مايخش من ممر المربوعة و انتي معاش تطلعي للمربوعة بروحك
جوري : يابنت انسي يلي صار و انا اصلا مش مدوره سامحته و موضوع و فات
صفاء: باهي كويس
شريفة (زميلتهن و مريم مرت بو جوري تقعد بنت خالتها): صباح الخير
جوري&صفاء: صباح الورد
شريفة: مبروك يا جوري
جوري:يبارك فيك بس ع شنو ؟؟
شريفة : ..... يتبع
________
زعما شن صاير ؟؟ و عزو صح حيساعد جوري ولا ؟ و علي حيخطب جوري او النصيب له دور ثاني ؟؟ و جوري شخصيتها الضعيفة هل حتتغير او ولا ؟؟
انتظروني في الحلقات الجاية ❤
