روايه
#راجل_بنت_خالتي
الحلقة 14
للكاتبة: رواسي بحرالدين 💕💕
جوري: خشت للسور طلعت المفتاح فتحت و خشت بشوي كانت اول مرة تجي بروحها لحوش عزو
حطت الفطور ع الطاولة و جت بتطلع
عزو: جوري
جوري : اءاء عزو 😅
عزو: يلبس في قميصة .... صباح الخير وين خالتي مال
جوري : منحرررررجة .... في الطريق جاية حطيت الفطور ع الطاولة هي نستاذنك
عزو: ماشية للمدرسة صح ؟
جوري: اها للثانوية
عزو: اصبري نوصلك باه
جوري : لا لا لا 😳 صحيت مافي داعي
عزو: مش معقولة تمشي بروحك و اصلا كيف جيتي بروحك اليوم
جوري: الحق ماتوقعتك واعي
عزو: 😕😕 يا حيوانه مش حنضرك انا نحكي ع الشارع
جوري؛ 😅😅😅😅
عزو: راجي لين تجي خالتي توصلك ولا نوصلك انا
جوري؛ والله ياعزو قريبه الثانوية نمشي ع رجليا و مانبيش نتاخر
عزو: حتي انا طالع للعمل اليوم هي راجي دقايق نوصلك ... وماتناقشيش
جوري:( واثقة من عزو بس خايفه من اهلها و من كلام الناس)
متاكده تقدر تخدم ؟؟
عزو: (حط الفطور في المطبخ و خذا فنجان القهوه حطه ع الطاولة في الصالة و يلبس في حذائة )
اها صح مزال يدي مستمر ع العلاج بس مليت من الحوش نقدر نخدم و حتي الاكل معاش تعبو روحكم
جوري :" متووووتره " باهي كويس
عزو ؛ خذا المفتاح و القهوه و جا طالع ... هي جوري
جوري : ناضت هي
عزو: و هو طالع طاح من يده المفتاح ( لانه ماسكه باليمين و يده الايمين مزال مايقدرش يتحكم بيها كويس )
جوري: طبست بترفعه
و عزو طبس بيرفعه يخبطو في راس بعض
جوري : ااااه🙁🙁
عزو: مايبس راسك 🙁
جوري:شن قلت 😕
عزو: هيا نطلعو قلت 😁
جوري : كشخت ع جنب و جت بتمشي
زمزم: فتحت الباب و خشت
عزو؛ صباح النور خالتي و قدم سلم عليها و باسها ع راسها
زمزم؛ صباح الورد وين مأنق وطالع شكلك
عزو: اي اليوم نشاءالله حنعاود للخدمه
زمزم: ربي يوفقك ياولدي ... وشافت جوري بسمتها اختفت
جوري انتي هنا !!
جوري : "تلبكت" ااءاءها اني طالعه
عزو: كيف يا خالتي تخلوها تمشي المسافة هذي كلها بروحها
زمزم: البنت هذي راسها مسكر ماتسمع لامها
عزو: حط يده ع مكان الخبطه و قال بشوي القنه مسكر 🤕🤕
جوري: انحرررجت و طارتلها منه 😅😅
زمزم: شنو
عزو: اني طالعه للعمل يا خالتي وصليها انتي في طريقك
زمزم؛ حاظر ياولدي في امان الله ... ودير بالك ع روحك
عزو: تسلمي ❤نشاءالله .. و طلع
______________________
زمزم : سكرت بابا الحوش و حطت المفتاح في مكانه و ركبت هي وجوري و هي ماعندها شك في بنت اختها بس ماعجبتها
نزلت جوري من سيارة خالتهاا و كانت متوترة زي اي بنت عشانه اول يوم ليها في الثانوية
و كانت لابسة بلوزة طويلة تحت الركبة لونها زيتوني و معاها بنطلون ابيض و شنطه كتفين بيضة
____________
اما صفاء كان الوضع مش جديد عليها بحكم عاودت السنه بس كانت مستاحشه جوري هلبا 💔💔
مر الوقت .....
و مر .....
