روايه
#راجل_بنت_خالتي
الحلقة 12
للكاتبة: رواسي بحرالدين
انفتح العزاء في حوش زمزم
و جوري و صفاء اخخخخ ضاعن شهاده بدل ما يقرن كل وحده في حال مايعلم بيه إلا ربي
اما زمزم يلي خسرت بنتها و ولدها مش معروف امره شنو💔
مرن 3 ايام عزاء
صفاء مارضتش تمشي للامتحان😔
اما جوري كانت تمشي يلي عارفته تكتبه و يلي مش عارفته تخليه فاضي او تكتب من راسها و لدموع مافارقن عيونها
عزو كان طول هل 3 ايام في المستشفي جت اخته "عزة" وقفت جنبه و حتي جوري و علي ماخلوه بروحه و كانوا يزورو فيه اما زمزم و صفاء مايطلعن من الحوش بعد صدمتهن 😔😔
و بعد مرور اسبوعين و يومين بالضبط
الدكتور: نقدرو نعطو خروج للمريض بس للاسف حنخبركم انه الضربة في الحادث كانت في جيهته و احتمال اتاثر ع حركه رجليه و او ع جسمه كامل
عزة: شن يعني يادكتور
دكتور: "تلخبط" يلا نشوفو المريض ... و خش للغرفة
خشو وراه باقي العيلة
عزو: كان مسطح ع السرير و رجليه و يديه ممدودات
الدكتور: وقف تحته و قعد يحرك في رجليه.... استاذ عزو تحس بملمس يديا ولا؟؟
عزو: اها دكتور
الدكتور:ترا لو سمحت حرك رجليك
عزو؛ حركهن عادي
الدكتور: وتوا اصابع رجليك
عزو: حركهن عادي
الدكتور: باهي الحمدلله ... و مشى رفع يده ليمين
عزو: مانحسش بيها
الدكتور: ترا حركها
عزو: حاول يحركها بس .... مانقدرش😓
الدكتور : ويدك ليسار
عزو: حركها بس بصعوبه ...
الدكتور: خذا الملف وقعد يكتب و هو متوتر
عزو: شن يادكتور
الدكتور: للاسف يااستاذ بس يدك ليمين صابها شلل مؤقت 😔💔💔
عزو: كيف !!و قعد يزر ع روحه انه يحرك يده بس مافيش فايده
الدكتور: استاذ عزالدين هدي روحك مع العلاج الطبيعي حتتحسن و ترد يدك سليمه
عزو:"شافله بخوف" و غادة شن صار فيها ؟؟
زمزم :😟😟
الدكتور:بخير بخير
عزو: رفع روحه و حاول ينوض من السرير
الدكتور: استاذ عزالدين مايصير
عزو: حول عني نبي نشوف مرتي و ولدي
الدكتور: غير راجي حتشوفها بس مش توا
عزو؛ يقاوم في الدكتور و يبي ينوض روحه
جوري: قدمت و حطت يدها ع كتفه ... عزو خيرك زي العيل
عزو: شافلها ... جوري وين مرتي و بنتي 😥
جوري:اطمن كلهم بخير بس لازم توا يرتاحوا و حتي انت لازم من راحه عشان تتحسن
عزو: بس نبي نشوفها😢
جوري: اطمن معاها غادة
زمزم: دموعها خانوها وطلعت
علي: طلع ورا امه 😔
عزو: قعمز ع السرير و قعد يسمع للدكتور
الدكتور: معليش يا مدام تقدري تساعديني
عزة:ماكنتش منتبهه مع الدكتور
الدكتور: يامدام
عزة: ااه
جوري: قدمت بسرعة و قعدت تساعد في الدكتور يحرك في يد عزو
الدكتور: اطمن بإذن الله من غدوا نبدو في العلاج الطبيعي
عزو:نشاءالله ... امتي نقدر نشوف مرتي يا دكتورة
الدكتور: "توتر" الايام الجاية بإذن الله
طلع الدكتور من الحجرة و حذر الممرضين و الدكاترة عشان عزو مايعلم بخبر موت زوجته و الجنين لانه حتكون صدمه عليه 😣💔💔
_ و مرن ايام ..... و ايام
صفاء: كانت حالتها سيئة جدا بعد فقدت اختها 💔
زمزم: قعدت مهتمه بصفاء و نفسيتها مش احسن من صفاء بس تبين انها قوية💔
عزو: كل يوم يبي يشوف مرته و الدكاترة و اخته عزة يشبلو عشان ما يخلوه يشوفها 💔
جوري:كانت مهتمه بامها و صفاء و تعاون في خالتها بس معاملة علي ليها خلتها تحكي مع امها انهم يدورو حوش جديد
