روايه
#راجل_بنت_خالتي
الحلقة 11
للكاتبة: رواسي بحرالدين✨🍃
و مر اليوم الاول
و مر الثاني
و مر الثالث
عزو تعود ع غياب غادة ورد يهتم بنفسه
و صفاء و جوري مشغولات عليه بس مركزات ع امتحانتهن
___________
غادة : تطبخ في نعنان
ماجده: خشت للمطبخ مال ويش ادير يا بنتي
غادة: والله يا خالتي العادة فات موعدها بايام قلت ندير نعناع نحسبك ؟
ماجده: لالا بس بالك حامل يا بنتي ؟
غادة : 😮😮😮😮 صااح مافكرت فيها
و طلعت لبست عبايتها و مشت للصيدليه يلي جنبهم خذت جهاز الحمل و جت تجري
_____________
زمزم : وين كنتي يا غادة و كيف تطلعي بدون اذن ؟؟
غادة : كنت في الصيدليه يام العادة ليها ايام فايت موعدها
زمزم: وبه
غادة: خالتي ماجده قتلي احتمال حامل
زمزم: والله كلامها خالتك في مكانه عدي ديري التحاليل بسرعة
غادة: تمام هي ... ومشت لخالتها ماجده توريها كيف يستعملوه
_____________
بعد دقايق
غادة؛ طلعت من الحمام(يكرم القارئ) شوفي يا خالتي فيه حمل ولا😥
ماجده :خذت منها الجهاز و كان فيه خطين واحد داكن و واضح و الثاني مش واضح هلبا خفيف يعني
زمزم: هيا طمنينا يا ماجده
ماجده: الف مبروك يابنتي حامل و مزال في بداية حملك
غادة: الفرحه لسابع سماء
زمزم: لولولولي 😍😍💃💃👏👏
نعظي نبشر عزو
غادة: لا يام خليه نخبره بروحي
زمزم: يكون احسن
صفاء: فرح من نشاءالله لين تزغرتو
زمزم: انزلي يابنتي اختك حامل
صفاء: اياااه اختي حتي الحمل حملت و نا معنسه نقرا لامتحان غدوا 😢😢💔
زمزم: هههه والله انك قليلة ادب
جوري : طلعت من الدار خيركم شن فيه
صفاء: غادة حامل 😍❤
جوري: الحمدلله هكي حترد لعزو و يلقى من يهتم بيه
صفاء: ماك ملاحظة انك مهتمه بعزو واجد الفترة الاخيرة 🙄🙄
جوري : شن قصدك !😕
صفاء: ماشي بس حتي اليومين يلي فاتوا 24 س تسالي عنه و خايفه عليه اكثر من مرته
جوري : بلاش قطاف يابنت هو خويا ولا نسيتي
صفاء: شوفي وجهك بس 😂😂 تي نبصر عليكي يا عبيطة
جوري : خزي رعشتيني 😣😐
صفاء : نزلت من الدروج تقعمز معاهم لوطا
____________
جوري : خشت للدار و قعمزت ع السرير .... بس صح كلام صفاء ليش انا مهتمه بعزو هلبا
زعما عشان اهتم بيا زي اخته؟؟ ولا .... اخخخ طلعي من راسك الافكار السوده يا جوري هذي صفاء تلعب بعقلك بس 😴😴
______________
في الليل ✨🌙
عزو: مقعمز ع السرير و فاتح فيس
غادة: فتحت تلفونها و بعتت لعزو صورت جهاز الحمل و صو ة طفل صغير و كتبتله "مبروك علينا"
عزو: الفرحه يلي سكنت قلبه مستحيل تتعبر بالكلام 💕 خذا جاكته و المفتاح و طلع يجري ولع السيارة ومشي لغادة
جوري : كانت تراجع في اخر دروس لما سمعت صوت سيارة فتحت النافذة شافت عزو كيف نازل
صفاء: كانت راقده
عزو: نزل من السيارة و اتصل لغادة
غادة: ايوه خيرك ماترد ع الرسائل
عزو: انزلي انا قدام حوشكم
غادة: هههه مجنون و نزلت
عزو: اول ما فتحت غادة باب الحوش خذها في الاحظان
غادة: بشويش عليا خيرك عزو
عزو: "و الفرحه في عيونه و ابتسامته عرييييضة" مش مصدق يا غادة مش مصدق بنقعد اب 😭😭😭😍😍😍😍 و باسها ع فمها بوسه طووويلة 💋❤
جوري: تشوفلهم و فرحانه و نزلت دمعه منها ...وقالت ربي يسعدهم نشاءالله 🙏❤❤
_______________
علي: كان راقد في المربوعه لما سمع صوت راجل طلع برا للسور
لما شاف عزو و غادة وقف ماباش يطلع و شافلهم كيف فرحانين و خش لامه
زمزم: كانت في الدار تقرا في المصحف
علي: يام نبيك في موضوع
زمزم: حولت النظاره و صكرت المصحف نعم ياولدي
علي: عزو برا عندك علم ؟
زمزم: ههه لالا اكيده غادة خبراته
علي: بشنو ؟
زمزم: اختك حامل
علي: انحرج و وجهه احمر 😅😹❤❤ ااءاءممم باهي قتلك
زمزم: ضحكت ع جنب كيف انحرج ... اها قولك
علي: كنت بنقولك لو يبيها يروح بيها كلا جي الليل يفكنا منه بس توا بعد حامل اكيده حيروح بيها مش حيخليها تقعد حرجانه نعندنا
زمزم: اها اكيد
علي: و نبيك تفتحي الموضوع مع جوري
زمزم؛ كيف
علي: حتي نا يا امي نبي نكمل ديني و نشوف صغاري يام توافق ع الزواج يا حنخطب غيرها
زمزم: اسسس بلا تخاريف عيب بعد طلبنها
علي؛ والله ادير رايها يلي عندي قلته
زمزم: ساهل ساهل هي نوض ارقد
علي: تصبحي ع خير
زمزم:وانت من اهلو ✨🍃
___________________
صباح اليوم الثاني ☁🌞
صفاء و جوري لبسن ويراجن في الحافلة
عزو: صباح الخير
صفاء: صباح النور
جوري : صباحو
عزو: غادة واعيه ؟؟
صفاء:كيف ماتكون واعيه و هي حترد لحوشها 😂
جوري: الاخ فرحان من صبح ربي جاي
عزو: بلا لكاعه انتي وياها نادوها
جوري: هي توا نكلمها
غادة: كانت توتي في شنطتها
جوري: غادو جا عزو
غادة: هي نازلة
و نزلت غادة سلمت ع امها و خالتها و ركبت مع عزو
بعد دقايق جت الحافلة و ركبن البنات
__________
عزو: كان طول الطريق فرحان وشاد في يد غادة
.... وقف عزو ع الايشارة الحمرا
غادة: تشوف لعزو و هي مبتسمه
عزو: شافلها .. نشاءالله طول العمر مبتسمه 🙏❤❤
غادة: حنقعد مبتسمه مدام انت جنبي 🙈❤ و حطت راسها ع كتفه
عزو: شاف انه الايشارة خضرا 💚 و طلع
......وبدون سابق اينذار تجي سيارة مسرعة من الجيهه الثانية ..... وبووووووووم💢💨💥💨💨
تخبط في السيارة من جيهة عزو💔
المنطقة كلها تلمدت عليهم اشخاص غريبين دم في كل مكان صوت هرجهه و سيارات اسعاف و شرطة 💔💔💔
غادة : عزو ما تسيبني 💔💔
عزو: كان فاقد الوعى الضربهه من جيهته هو 💔
اما السيارة الثانية كان فيها راجل و مرته و بنتهم من لاورا 💔
المسعفين طلعو عزو و غادة و شالوهم في سيارة الاسعاف و عزو كان متضرر هلبا بحكم الضربة في جيهته هو
اما العيلة الثانية فت بنتهم طلعوها متوفيه 💔 و الام و الاب سعفوهم 💔
في المستشفي 🚨🚑
كانت المستشفي زاااااااحمة بشكل كبير
اهل العيلة الثانية خلوه المستشفي عزاء لما عرفو انه البنت الصغيرة توفت 💔 و الام و الاب في العمليات
اما اهل غادة كانوا كلهم خايفين عليها عمامها و عماتها كلهم في المستشفي💔
صفاء كانوا المدرسيين حريصين ماتسمع لعند طلعت من الامتحان خبرنها الطالبات و طلعت من المدرسة بحالة هستريه و معاها جوري 💔 و في الطريق داخت عليها و كانت رافعهم صاحب الحافلة" حسام "
زمزم :حالتها لا توصف فرحانه انه بنتها حامل و حترد لراجها تنصدم بحادث شنيع و هم الزوز بين الحياة و الموت
بعد ساعات :-
الدكتور: طلع من الغرفه
زمزم: تربح ياولدي طمني ع بنتي 😭
الدكتور: للاسف ماقدرنا ننقضو الجنين و المريضة تجاوزت الخطر
زمزم: تبكي و حالتها لا توصف💔
و في الغرفة الثانية عزو يلي لهم ساعات ماطلعش ولا دكتور من الغرفة😣💔💔
و بعد سااعات اخري .. طلعو الاب و الام في السيارة الثانية من العمليات
و طلعت ممرضة و خبرتهم انه حالة عزو حرجة جدا 💔💔
اما الصدمه 😔💔💔
الدكتور: للاسف صارن مضاعفات و خسرنا دم هلبا و خسرنا المريضة 💔💔
اها غادة يلي كانت طول الطريق فرحانه بجنبها و زوجها و البسمه ع فمها توفت 💔💔
انقلبت المستشفي عياط بعبرة من زمزم و جوري و صفاء و ماجده و حتي علي الراجل دار العار 💔💔💔
الدكاترة و الممرضات تعاونو معاهم و هدوهم و بعدها طلبو منهم الخروج عشان هدوء المستشفي ✋😔💔💔
اما عزو طلع من غرفة العمليات بس عنده هلبا كسور و رضوض 💔
انفتح العزاء في حوش زمزم
و جوري و صفاء اخخخخ ضاعن شهاده بدل ما يقرن كل وحده في حال مايعلم بيه إلا ربي
اما زمزم يلي خسرت بنتها و ولدها مش معروف امره شنو💔
مرن 3 ايام عزاء
صفاء مارضتش تمشي للامتحان😔
اما جوري كانت تمشي يلي عارفته تكتبه و يلي مش عارفته تخليه فاضي او تكتب من راسها و لدموع مافارقن عيونها
عزو كان طول هل 3 ايام في المستشفي جت اخته "عزة" وقفت جنبه و حتي جوري و علي ماخلوه بروحه و كانوا يزورو فيه اما زمزم و صفاء مايطلعن من الحوش بعد صدمتهن 😔😔
و بعد مرور اسبوعين و يومين بالضبط
الدكتور: نقدرو نعطو خروج للمريض بس للاسف حنخبركم انه ..... يتبع 😔💔💔
شن توقعاتكم صار لعزو ؟ و توا كلكم حطيتو احتمال بزواج جوري و عزو زعما الاحتمال هذا صح او ولا
؟ و شن و علي حينجح في اقناع جوري من الزواج منه ولا ؟ و موت غادة شن هل تاثير ع العيلة ؟
حتعرفو في الحلقات الجاية ✨🍃
تابعوني ع ايميلي "روايات رواسي بحرالدين"✅
و لايك للحلقة و رايكم و توقعكم في تعليق 👇❤
