روايه
#راجل_بنت_خالتي
الحلقة 17 (حقيقية)
للكاتبة رواسي بحرالدين
مر الوقت و جت زمزم و علي و صفاء
علي: سلم ع خالته و جوري و اعتذر انه يطلع ع اساس عنده خدمه و خبر امه انه لما تفهم الموضوع تخبره
{مايبيش يبين لجوري انه بيموت عليها 🙊🙊}
جوري :حكت شن صار لصفاء و زمزم بدون ما تخبرهن انه صاحبتهن هي يلي جايبه التلفون
صفاء: ايححح بس ليش عزو قال هكي
جوري : بروحي استغربت بنساله بس تحشمت قلت لين نروحو و نتلاقي معاه
صفاء: امممك حتي نا لما نشوفه نساله بالك حاط عينه عليك الصايع 😂
جوري :" خبطتها ع كتفها " بلاش دوه فاضية يابنت😕😕😑
صفاء: .... تلفونها رن ... ردت و اشرت لجوري انها تسكت 🤫🤫
زياد: ايوه
صفاء:ايوه من معايا 😐
زياد: معايا صفاء ولا
صفاء: وانت منو
زياد: لو جنبك حد نبيك تحكي معايا ع انفراد
صفاء: "غمزت لجوري و اشرتلها بمعني نخشو للدار "
جوري : ناضت هي وصفاء للدار
صفاء: اهو بروحي تفضل احكي
زياد؛ انا زياد ال*** نفس الشخص يلي وصلك الاسبوع يلي فات بعتتلك مع بنت قريبتي تسنيم بس مارديتيش عليا
صفاء:ويعني !! و اصلا كيف جيت رقمي ؟
زياد: يابنت الناس انا عجتيني و نبيك ماعنديش ع اللف و الدوران جيتك طول
صفاء: جيتني طول !!
زياد: رقمك كان عندي قبل مانبعتلك مع تسنيم بس تمنيتك انتي يلي تتصل بس بعد ما اتصلتي اهو اتصلت
صفاء: باه اسمع ياولد الناس انا لذكوره و موضوع العلاقات ماعنديش فيهن حتي 0% لذالك احذف الرقم و طلعني من راسك .... وسكرت الخط
جوري : احسن مادرتي
صفاء: نفخ راسي و حطت رقمه في الرفض
جوري : بس شن شكله هذا
صفاء: مايشبهش عمي حسام
نقشه حلو بشرته حنطيه و شعره كستنائي و جسمه حاجة صححح 🔥🔥
جوري : ذبت فيه 😋😋😋😋💙💙💙
صفاء: تافهه هي نشوف امي و امك
جوري : هي
_________________
عزو: كان ينظف في حوشه ينوض ينظف اشوي و يقعمز اشوي
و بعد ساعة وقف رغم انه ماكملش تنظيف الحوش 🤦🏻♀ ..... خش للمطبخ فتح الثلاجة
قعد يفكر شن ايطيب 🤔🤔 ...... و اخر شي فتح الدولاب و دار اندومي 😁
" صدق يلي قال المرا تقدر تعيش بلا راجل بس الراجل مايقدرش يعيش بلا مرا ❤ "
رواسي بحرالدين 💙✨
_______________
في حوش ماجده:-
زمزم: صفاء بنتي جيبي الكيس يلي من خوك علي
صفاء: ناضت جابته كان فوق الطاولة
ماجده:كيس شنو؟
زمزم : علي جاب كم حاجة لك و لجوري
ماجده: سلمه وليد اختي نشاءالله مانفقدوه
زمزم: نشاءالله بس قتلك
ماجده؛ شنو ؟
زمزم؛ قربي ياجوري
جوري : نعم ..نشاءالله خير خالتي
زمزم؛ اعليوه يابنتي يبي يتجوز كان انتي موافقه قوليلي كان مش موافقه سامحيني قال حيدور غيرك
صفاء: امييي😕
ماجده: لا من حقه يا صفاء .. شن رايك جوري
جوري : للاحظة خذاني التفكير في اول يوم شفته كيف كان مهتم بيا حتي قبل مايطلب يدي
كيف حنون عليا و مايضيقش فيا غير يوم يزعل مني كيف كان حاط الثقه في خواته و يوقف معاهن في الصح و ينصحهن في الغلط كان علي فعلا الراجل المثالي بس ......
مش عارفة بس ما حسيت بأي شعور تجاهه رغم انه يلبي في كل طالباتي بس حسيت انه من الشخص المناسب ليا و في نفس الوقت انا مش حنقدر نتحمل مسؤولية حوش و نا نقرا اكيده حنهمل واحد منهن 😓😓
ماجده؛ جوري خالتك تكلم فيك
جوري ؛اءاااه 😯..... _سامحيني خالتي مانقدرش 💔
زمزم: شنو !!!!!
جوري : نصلي اليوم استخاره و نرد عليك خالتي و يلي في الخيره من ربي حيجي
زمزم: زين العقل درتي
جوري : و لو علي في باله وحده ثاني انا ماعنديش اعتراض عليها و نا ياخالتي مزال مصره اني مش حنتزوج توا لين نتخرج بس حنصلي استخاره و نعطيك الرد الاكيد
زمزم: تم يابنتي ربي يكتب يلي فيه الخير
جوري : خشت للدار و هي قلبها يدق و في عقلها الف فكرة حاسه روحها متشووووشة و مش عارفة شنو ادير خشت لسريرها و غطت روحها غمضت عيونها و هي تدعي لربي انه ينور طريقها ✨✨
________________
و مر يوم .....
و اثنين .....
و ثلاث......
