روايه
#راجل_بنت_خالتي
الحلقة 19
للكاتبة رواسي بحرالدين 🔥🔥
و بعد مرور اسبوع
في المحلات :-
صفاء: حييي 😱
جوري : خيرك 😨
صفاء: انووه زياد شن يلي جابه هنا
جوري : مادوريه
صفاء: قالي ماتطلعش و قتله باهي يافرخه بسرعة درقيني
______________
زياد: شافها و قعد يضحك و خش لنفس المحل يلي خشتله هي
عزو: كان مع خالته زمزم ياخذو في الذهب ... عجبه عقد فضة ع شكل فراشة
زمزم: هذا بناتي ياعزو ماتجي تاخذه ليها
عزو: حيطلع حلو ع جوري 💙
زمزم: شنو
عزو: راجع كلامه و كيف طول الفترة يلي فاتت يرايف عليها و يستاحش فيها و كيف قلبه يدق يوم يشوفها او في اللقطات يلي يغار فيهن علي حس بقلبه يضخ في الدم بسرعة و اخر شي طلع منه شي مش متوقع
.... خالتي مانبيش نتزوج صفيه انا نبي جوري
زمزم:😱😱😱😱😱😱😱 شن قلت؟؟
عزو: توتر و جهه عررق ... قلت العقد نبيه لجوري مش لصفيه ورفع الاكياس
و دفع لصاحب المحل و طلع
زمزم: طلعت وراه و شداته من يده... عزالدين
عزو: نعم!!
______________
زياد : رفع تلفونه و اتصل بصفاء
صفاء : كانت حاطه تلفونها في جيبها وقت كان يرن
ترن ترن
جوري : صمتي تلفونك بسرررعة
صفاء: 😨😨😨😨 وهي ترعش طلعت التلفون و لقاته زياد🙊
....حييي اكيده راني
جوري : تي فوتيه يابنت
صفاء: حطت تلفونها ع الصمت ... شوفيه طلع ولا
جوري : هي ... ومشت شافت ما لقاته .... مش قاعد ياصفصف
صفاء: هي خلينا نطلعو من هنا بسرعة
جوري : تمام
و هن طالعات
زياد: كان واقف قدام المحل ... وين مانحصلوش رقم الحلو ... وغمزلها 😉
صفاء:وجها قعد حمررررررر
جوري : تحشم ع وجهك و شدت صفاء من يدهاو كملن طريقهن 😹
صفاء: هذا زياد ياغبو ياويلي في الحوش حيدير موضوع
جوري : عارفته
صفاء: وبه ليش رديتي عليه هكي ؟؟
جوري : هو حبيبك مش حبيبي مش نضحكله 😁
صفاء: وانتي امتي حيكون عندك حبيب
جوري : مالي حظ مش نحب وتغيرن ملامحها ✨
.... ليش حاسة انه قلبي منقبض 💔 شعوري متلخبط 💔 هل متأثره انا بجواز علي ؟ او في شي ثاني انا مش عارفته 😪؟
و قاطع تفكيرها صوت علي يلي ينادي فيها
علي : تعالن هيا
صفاء: هي جايات
____________
زمزم: الذنب مش عليك ياعزو انا خليتك تتقرب منهن و تقعد بينهن و تشوفهن ع راحتك بس ماتوقعت منك في يوم تطمع في صفاء او جوري
عزو:انصصصدم "وبصوت كله قهر "
معقولة يا خالتي معقولة !!!! انا نطمع في وحده منهن؟؟؟ تي انتي عرضتي عليا الزواج من صفاء ورفضت لاني نشوف فيها زي اختي و بنتي
زمزم: وجوري ؟
عزو: بلع ريقه ،...
زمزم: ها مافيش ايجابه صح ؟؟
عزو: سيبها و مشي ركب في السيارة
زمزم: مشت للجيهه يلي فيها ماجده و البنات
عزو: في السيارة راسه بيطربق من التفكير
" معقولة ياعزو تغلط غلط هكي ... كيف تفكر بس انك تحبها ... تي عرس بعد شهرين بس ... و قعد يتنفس بقوه يبي ينسى يلي صار "
__________
زمزم: خشت للمحل لقت ماجده بس
ماجده: جيتي ؟وين عزو
زمزم: هي بنروحو اابنات وين
ماجده: كملن وجا علي ركبن معاه
زمزم: علي جا !! وانتي كملتي ؟
ماجده: اي ماله واجد و نا نخلص و نطلع
زمزم: تمام
و اتصلت زمزم بعلي و ركبت معاه
___________
في السيارة :-
زمزم؛ اتصلي بعزالدين يا صفاء و قوليله طالعين مع علي
صفاء؛ هو وينه اصلا ؟؟ وليش مانص ركب هنا و نص ركب غادي
زمزم: ديري يلي قتله عليه وانتي ساكته .. واصلا السيارة واسعه وع قدنا تسد
صفاء: تمام وانتي ديما والعه
علي: تحشمي 😏
زمزم: مادورها بس ليش جيت انت .. مش ع اساس ماخاطرك في لطلوع ؟
علي: مخلي يد ع الدوماني ويد فتح بيها التلفون و مده لامه
زمزم: شنو؟؟
علي: عاجبني الخاتم خذيته لسوسن
صفاء: اوووووه
زمزم:وينه به
علي: لما نوصلو نوريه لك
_____________
عزو : وصل للحوش
حط الاكياس ع الصالون و قعمز و حط يديه ع راسه يفكر شن يدير ؟؟ شن الحليلي حيخليه يجوز جوري و يسيب صفيه اخر شي
ترن ترن ترن .....
رفع تلفونه ولقاها صفيه 🤦🏻♂🤦🏻♂🤦🏻♂
عزو: فتح الخط
صفيه: الو حبيبي
عزو: اهلين تفضلي !🙄
صفيه: لالا غير قلت نسأل عليك بيبي
عزو: اها تسال عليك العافية (و تنرفز من كلمه بيبي مايحبها😐)
صفيه: "بدلع " باهي سار امورك تمام
عزو: بخير والله تبي شي ؟
صفيه: لا سلامتك حوبي
عزو: تسلمي و فصل الخط
_____________
علي: تكو ع محلات ثاني في طريقهم...... و وقف ع حوش ماجده
نزلن جوري و ماجده
زمزم: راجيني اشوي يا علي و نزلت ....
ماجده: فتحت الباب و خشت
جوري : خشت وراها
زمزم؛ لحقتهم ....جوري
جوري : تلفتت نعم
ماجده: مال نسيتي شي ياجوري
زمزم: لالا نبيها اشوي بس
جوري : نعم
زمزم: بلعت ريقها ... وقربت من جوري
اسمعيني يابنت اختي وخلي كلامي في وذنك
جوري :استغربت و توترت
زمزم: انتي قعدتي في حوشي و اعتبرتك زي بنتي و واخذه راحتك في الحوش سوا في لبسك او خشوشك و طلوعك و انصدمت وقت علي طلبك بس كان مافي نصيب
جوري : المقصود ياخالتي
زمزم: يابنتي انتي بنوته في عز شبابك و الله يبارك عيون و جمال و شعر و علي و عزالدين في النهاية شباب مش محرم عليك ياريت تركزي اشوي جنبهم و تحطي احتياط حتي لو نحن وخذينها بحريه معاهم
جوري : هزيت براسي و ابتسمت ... حسيت كلامها زي السم عليا💔 كاني انا يلي نستعرض قدامهم بس ليش خالتي قالت هكي ؟؟ حتي وقت علي يبيني ماجرحتني هكي ؟؟ وعزو شن دخله في الموضوع ؟؟ شديت دموعي يلي ملو عيني و خشيت للحوش
____________
زمزم: طلعت للسيارة و روحت للحوش
صفاء: ع نار تبي تتصل بزياد وخايفه يهزبها عشان طلعت و ماخبراته
علي: طلع من جيب جاكته الخاتم .... نزليه معاك يام و دسيه في الكاصة بالله
زمزم: تنزل في الاكياس ... ذهب عزو وين !! وقعدت ادور بعدها اذكرت انه رفعهن معاه و نزلت للحوش
علي: خش للمربوعة .. بالله العشاء يام
زمزم: حط الاكياس في الصالة صفاء دخلي الاكياس لداري خليني نتصل بعزو و نحط العشاء
صفاء: باهي
زمزم: خشت للمطبخ و اتصلت بعزو
عزو: كان في المطبخ يسمع في تلفونه يرن طلع للصالة و قلبه طاح وقت لقاها زمزم خالته بلع ريقه ... و فتح الخط ... الو خالتي
زمزم: اهلا عزالدين
عزو: اهلين بيك خالتي شن فيه نشاءالله خير
زمزم: من وين بيجي الخير ؟؟ اسمعني اكياس الذهب قعدن عندك ضمهن كويس و دير بالك
عزو: ماتوصي حريص
زمزم: و ياريت اطلع الموضوع يلي انبدري من راسك و ماتحشمني مع صاحبتي لو صفيه ماتبيها نلغو العرس اما جوري عرفت كيف نتفاهم معاها
عزو: كنها جوري !؟😦😦
زمزم؛ عزالدين جوري بنت اختي ياريت معاش تجيب سيرتها و صفيه انت حتتجوز منها ولا ؟
عزو:بلع ريقه و مسح جبهته يلي كلها حرق و قعد في لحظة صمت
زمزم: نكلم فيك
عزو: ااءاء اي اي و يا خالتي انتي فهمتي غلط راه انا جوري زيها زي صفاء كلهن خواتي و نشاءالله بعد نتجوز يكون عندي مرا تلمني و معاش نقعد في حوش حد
زمزم: ايييي بالله ... نشاءالله و هي تصبح ع خير
عزو:- تلاقي الخير و فصل الخط .... و رفع قميصة و مفتاح السيارة و طلع
_____________
جوري : خشت غسلت وجها و غيرت دبشها و طلعت لامها
ماجده: اتصلي ببوك قال بيجي اليوم للعشاء
جوري : حاظر هي ...
ماجده: و وصية باللهي ع الفتامينات متاعاتي لانهن تمن من عندي
جوري : اوكي
__________
صفاء: دخلت الاكياس لدار امها و رقت لدارها اتصلت بزياد
زياد: يامرحبا بالحب
صفاء :"بصوت حنون" مرحبتين... شنجوك
زياد: حمدلله وانتي
صفاء: عال العال
زياد: امتي روحتي
صفاء: بلعت ريقها "وبتوتر" زيزو سامحني والله ماقصدي بس خفت تقولي ماتطلعي و خاصتا اني بنروح المغرب
زياد: هههه شوفي يا صفاء انا حبيبك مش عدوك يعني لو بتطلعي للسوق او عرس او او في النهاية انتي مع عيلتك و عندك اهل مش من الشارع يعني انا مش حنحرمك من شي و نهزي ع البنت يلي تقيد روحها عشان شخص مزال مش معروف النصيب وين بيحطها مع لاكن حاجة وحده بس
صفاء: نااااعلي 🥺🥺 شنو ياعمري
زياد: لما بتطلعي قوليلي بس خلي عندي علم و ثاني شي لو انا بنمنعك من مكان حيكون عشان مصلحتك بس
صفاء: حاظر ياقلبي ازززك لي 🙈🙈
زياد: اتفقنا ؟
صفاء: اتفقنا... نستاذنك اشوي خليت امي في المطبخ بروحها
زياد: عبو عليك يافرخه عدي
صفاء:ههههه نحبك
زياد: نمووووت فيك باي ....
صفاء: بااايات ... وفصل الخط ❤
__________
في حوش ماجده:-
دق دق دق
جوري : توا نفتح اكيده بابا
ماجده: تمام
جوري : طلعت فتحت الباب ...
عزو: خير
جوري : عزو !!! خيرين
عزو: معاكم حد ؟
جوري : لا انا و ماما بس في شي ؟
عزو: خش للسور و سكر الباب وراه ..
جوري : كنك ياولد في شي ولا جاي هكي و خلاص
عزو: شن قتلك خالتي
جوري : كيف؟؟
عزو: خالتي زمزم شن قتلك
جوري : ماقتليش شي مهم يعني ع شن تحكي بالزبط انت ؟؟؟😕
عزو: قرب منها و مسك يديها الزوز وبلع ريقه
جوري : رعشت مع بعضها و بعدت عنه.. عزو خيرك
ماجده:- ياجوري من ع الباب خيرك طولتي
جوري : هي يام جايه .. " و بخوف " عزو بعد عني و وتحاول تفك يدها
عزو:سامحيني اني حطيتك في موقف هكي و سامحيني ع الموقف هذا و حنوعدك معاش نقرب منك و لا نجي شورك بس نبيك تعرفي يا جوري اني فعلا حبيتك كنت طول الفترة يلي فاتت نكتم في شعوري و نكذب في روحي بس كذب انا نحبك بس الحب هذا ماله اساس ومش حنسسبلك متاعب لا معايا و لا مع اهلك ورخي يديها طلع من جيبه علبة هدايا صغيره فتح يديها و حطها لها وقرب باسها ع راسها و شافلها بنظره كلها دموع .... سامحيني و فتح الباب بيطلع
جوري: واقفة مسبوهه تحاول تستوعب كلامه امتي صار هذا كله امتي عزو حبني؟؟ وليش انا حاسة بشعور تجاهه ؟؟ قاطع تفكيري صوت بابا
عزو: فتح الباب جاي بيطلع و يقابله هيثم...
هيثم: السلام عليكم
عزو: وعليكم السلام عمي
هيثم: انت علي ولد زمزم
عزو: لالا انا زوج غادة الله يرحمها و يعتبرو فيا الولد الثاني لزمزم
هيثم: ااااه انت عزالدين
عزو: بالضبط
هيثم: تفضل للعشا باه ليش مروح
عزو: صحيت والله غير جوري ضني شن نست انبدري جبته ليها
هيثم: تمام
عزو: هي نستاذنك تصبح ع خير
هيثم: تلاقي الخير
______________
ومرت الليل هذي كابوس ع جوري و عزو
جوري :تفكرت كله لحظة بينها و بين عزو وقت يصبي معاها وقت يساند فيها وقت كذب و قال انه خطيبها عشان مايعرفوش انه راجل ولد خالتها المتوفيه و يطلعو إشاعات عليها وقت ينصح فيها عشان تكون واثقه من نفسها و تبني شخصية قوية
فتحت العلبة و هي دموعها ينزلن ولقتها سلسال الفضة ع هيئة فراشة بكت بعبرتها و حست انه حتي هي تبيه و عندها مشاعره تجاهه بس شنو ؟؟ بعد الوقت ضاع ؟؟
مسحت دموعها و توضت و صلت و دعت ربي يصبرها ويفرج عنها و يرضيها بنصيبها و خشت سريرها لعند رقدت ❤✨
عزو: حاله مش احسن من جوري يلي اكتشف انه يحب بنت صعب يتزوجها ويكسر بخاطر الناس يلي رحبو بيه بينهم و اعتبرو ولدهم و رضي انه يتزوج و يكمل حياته و ينسى جوري
_اما علي كان واعي و قدر ينسجم مع سوسن وعايش في العسل معاها ❤🙊
_ زياد و صفاء نفس الشي حتي هم عشششق ياكبدي ❤🙈😹
#بعد_مرور_شهرين (طبعا مافيش شي تغير ع نفس الوضع و عزو و جوري كل شخص منهم ينفر من الثاني و يحاول ينسى يلي صار و جوري تتعامل مع عزو بتجاها ولا كاني شي صار ) ( اما باقي العيلة بعد شهر قعدو يعولو عشان الفرح و الامور في السليم ماشية ) (وزياد و صفاء تقدمت علاقتهم و ام زياد الحاجة "ناجية" جت لحوش زمزم و قاتلها انه بعد فرح علي تبي تحدد موعد و تجي تخطب صفاء و مانخبركم ع فرحت ماجده انها حتزوج حتي صفاء و تتريح و مطمنه انه جوري امبعده عن عزو وانه الفرح ماشي زي ماتبي )
عند حوش زمزم:-
زمزم: صفاء و جوري وتيتن كل شي
صفاء : هذي رابع مرة تسألي كل شي واتي نراجو امتي يقرو الفاتحه بس
زمزم: جوري علاش ماغيرتي دبشك و قاعده بالتوتة
جوري : حيي نسيت هي ماشية نغير ع السريع و نجي
صفاء: هبلة
__________
في المحكمة :-
عزو: نزل من السيارة و هو مأنق ع سكت 10 و خش للمحكمة
علي: كان سابق عزو و اول ماخاش عزو جاه
عزو:- ويش الامور تمام ؟
علي؛ عني حمدلله بس انت متاكد حتوافق ع مطالبهم
عزو:كيف
علي: المؤخر مكتوب 80 ليرة انصدمت الحق حتي نا دافع 50 ليرة بس
عزو: .... يتبع
رأيكم في الحلقة ❤ و انضني عندكم توقعات هلبا اكتبوهن ليا نقراهن ❤ و شن رأيكم نخلي الحلقة 20 الاخيرة 🙊؟؟؟
