Life In Another World

Book 2: New World

Chapter 1: New World

Isang umaga sa isang lugar sa Uldarica Kingdom. May maliit na bahay na kung saan mahimbing na natutulog ang isang 14 na taong gulang na lalaki. Lahat ay maayos nang biglang nalang lumindol sa boong Uldarica Kingdom. Kahit sa ibang Kingdom ramdam nila ang lindol.

Sa maliit na bahay kung saan natutulog ang batang lalaki, lahat ng bagay dito ay nagsimulang magliparan kahit ang batang lalaki na natutulog ay nagsimula ring lumutang kasama ng mga gamit sa loob ng bahay nila.

Boom Boom Booom Boooom

Ang tibok ng puso ng batang lalaki na nakalutang ay palakas ng palakas. Ito ay patuloy na lumalakas hanggang sa kada tibok ng puso nya ay nagdudulot ng lindol sa boong Kingdom. Pero kahit na malakas na ang pag tibok ng puso ng batang lalaki na ito ay wala paring tunog na lumalabas sa katawan nya kaya hinde alam ng mga tao sa labas na ang batang lalaki na ito ang dahilan kung bakit lumilindol.

Tanging ang vibration lamang na ginagawa ng puso ng bata ang nakakalabas sa dibdib nya at ang vibration na ito ang dahilan kung bakit lumilindol.

Pagkalipas ng ilang saglit ay nagbabaan na ang mga gamit na lumulutang at pati ang batang lalaki ay bumalik na din sa kanyang kama at ang kaninang nakapikit nyang mata ay dahan dahan nang bumubukas.

Ang lindol na yumayanig sa mga Kingdom ay unti unti na ding naglalaho habang dahan dahang binubuksan ng batang lalaki ang kanyang mga mata.

Ang mata ng batang lalaki na ito ay bukas na bukas na at tumitingin ito sa kanyang paligid. Ang Batang lalaki na hinde gumalaw ng 9 na taon ay umupo at hinawakan ang ulo nya.

"Anong nangyari? Aray! Bakit ang sakit ng ulo ko at nasaan ako?" Sabi ng batang lalaki habang naguguluhan nang bigla nalang syang mahimatay ulit. Pagkawala ng malay nya ay saka bumalik sakanya ang mga alala nya.

Ang pangalan nya ay Vince Denmark J Almazar at sya ay isang normal na high school student lamang pero dahil sa isang aksidente na nangyari nang papunta sya sa bahay ng pinsan nya ay nakapunta sya sa ibang mundo.

(FLASHBACK)

RING... RING... RING...

"Hmm? Bakit kaya ganun, walang sumasagot. Grabi ang pinsan ko na si Farrah, sabi ko sa kanya sabay na kaming pupunta sa school eh. Baka nauna na yun or... hehe tulog pa. Noh ba yan tignan ko nga muna sakanila. Hinde panaman ako late."

Si Vince ay naka soot na ng uniform at ready na para pumasok sa skwelahan kaya lumabas na sya sa bahay nila at naglakad pero hindi papunta sa skwelahan kundi para pumunta sa pinsan nya na si Farrah. Habang nasa daan ay hawak nya ang cellphone nya at laro ng laro habang naka earphone.

Tutuk na tutuk si Vince sa cellphone nya at napaka lakas pa ang volume ng cellphone nya kaya nang patawid na sya ay hinde nya nakita ang taxi at truck na nagbunggoan at bigla syang nahagip ng truck na sumalpok sa taxi.

Huli na ng makita nya ang truck at bigla nalang nawala ang malay nya.

Pagbalik ng malay nya ay nakita nya na ang boong katawan nya ay puno ng dugo at ang mga buto nya ay bali bali. Grabing sakit agad ang sumalobong kay Vince pagkatapos nyang magising.

Kahit magsalita o sumigaw hinde nya magawa dahil sa iniinda nyang napaka grabing sakit. Ang kaya nya na lamang ay igalaw ang leeg nya at maghanap ng tao sa palagid para mahingian nya ng tulong. Tumingin sya sa sa harapan nya kung saan nandun yung taxi at truck at may nakita syang babae na nakahandusay sa loob ng taxi na dugoan.

Nagulat si Vince pagkakita nya sa babae na yun at nang laki ang mga mata nya. Ang babae na yun ay ang pinsan nya na si Farrah na dapat ay pupuntahan nya ngayon. Sinubokan ni Vince tumayo para pumunta kay Farrah pero hinde nya magawa kasi bali ang dalawang paa nya.