مابعد الكره

١

البارت الاول
ما بعد الكره
...زهراء جهاد

شلـون خليتي الصـبح يشبـه ضحـكتچ..
_________________________________
مثل كل يوم تجي امي تفتح البرادي والشبابيج وتبلش تگعد بينه وطبعا محد يشلع گلبها بالگعده غيري

والا هذنيج بسرعه يگمزن من افراشهن كلهن نشاط ودعت فراشي وگمت نزلت وراهن وعيوني منعسه گبل للحمام

سبحت وطلعت لبست ملابسي زيي المدرسي ونزلت يم زينب مشطتلي شعري وضفرته وشبعت رزايل لان سابحه من الصبح والدنيا شته وشعري اخضر غلست ع السالفه

حطت امي الريوگ اكلنه لگمه.ع السريع اني ورونق صعدنه ويه ابويه بالسياره واخذنه الطريق سوالف وضحك وتصنيف ع الرايح وع الراد

طبعا ابويه يضوج من هاي الفقره ويمنعني هواي منها بس مو بيدي ماگدر اشوف احد اذا ماطلع بي شي واكعد اصنف عليي

وصلنه لباب المدرسه نزلني وراح يوصل رونق اتلگني البنات سالفه منا موضوع منا ضحكه منا صارت لمه حلوه

انتهئ الدوام واني ممفتهمه منه شي اصلا اكره الدراسه بس هيج علمود بابا وعلمود والبنات والونسه اداوم

صارت الحله ورجعنه للبيت اول مطبيت كفختني ريحه الدولمه اووويلي اموعن عليها..

.. فد ركضه للمطبخ شمرت الجنطه ولگيت السفره جاهزه الدولمه الحاره والدهن مالها سايح وريحه الحموضه تشع والخضره والطرشي والزلاطه..
اوويلي رأسا رفعت ردني وبلشت اكل

امي » ولج يمه هو هيج دروحي بدلي وتعاي هسه هو الاكل وين طاير

» وج يمه سكتي بعد ماتحمل ميته جوع والاكل يفقد

زينب » عاد دگولي دنتضر ابويه خواتي

اني وحط اللگمه بحلگي اشرتلهن تعالن اكلن
كملنه اكل .والبيت نضيف طبعا من جوه ادين زينب.

رونق صعدت نامت وامي وابويه هم صعدو نامو صاحت زينب عليه حتئ اغسل الگراج لان بس هو باقي بله تنضيف.

.رحت لبست تراك اسود واصفر رفت المجامه لحد اركبي وشلهت اديه مديت الصونده

.. وبلشت اغسل بالحوش همزين مو كلش جبير ميتعب ومابي حديقه بس سنادين ومن تمطر الطين يسيح من جوه والحوش ينترس طين لذالك هواي نغسل بي..

.وصلت لحد الباب
ومديت الصونده اغسل گدام الباب وادفع الطين بالماسحه
صار بوجهي عدولي ابن ام صائب المايع..

» ولج انتي شوكت تملين من غسل الحوش هو هلگدوته وبس تنضفين بي مو فيضتي الفرع..

» اوي عيني استاذ عدولي خاف ازعجناك وانت من اتمد صونتك وضل تغسل بسيارتك كدام الباب
وتفيض الشارع شو محد يحجي وياك
لو تحب اطلع عليك لساني..